Shaadi Ke Baad – Part 75 story update
Pichle teen hafto se Supriya ghar par kafi akela sa mehsoos kar rahi thi. Bhabhi ko gaye hue do dhai hafte ho chuke they aur usne apni job bhi usse pehle se hi chhodi di thi. Supriya ko aisa lag raha tha ki jaise woh fir se ek hou. Sab kuch kitna boring sa ho gaya tha. Poora din kaatna hi mushkil ho jaata. Bas kabhi kabhi Kriti use call kar liya karti thi, apni purani dost se baat karne ke liye. Jaise Vikram aur Supriya chahte t.
Update 73
Pichle teen hafto se Supriya ghar par kafi akela sa mehsoos kar rahi thi. Bhabhi ko gaye hue do dhai hafte ho chuke they aur usne apni job bhi usse pehle se hi chhodi di thi. Supriya ko aisa lag raha tha ki jaise woh fir se ek housewife ban gayi ho. Subah utho, Atul ke liye chai nashta banayo, fir uska lunch pack karo, kapde dhone lagayo, ghar mein cheeze sahi jagah par rakho, Karuna ki bak bak suno, kapdo ko istri ke liye bhejo, din mein thodi der so jayo, aur fir shaam hote hote Atul ka intezaar karo.
Sab kuch kitna boring sa ho gaya tha. Poora din kaatna hi mushkil ho jaata. Bas kabhi kabhi Kriti use call kar liya karti thi, apni purani dost se baat karne ke liye. Jaise Vikram aur Supriya chahte they, Kriti ko yehi lagta tha ki Vikram aur Supriya ab saath nahi they. Use karan toh ache se shayad samajh nahi aaya tha, par na hi Supriya us baare mein baat karti aur na hi Kriti use iske liye kuredti. Bas dono ke beech aise hi thodi gapshap aur office ki gossip ho jaati.
Bhabhi ke jaane ke baad Supriya aur Atul bhi fir se room mates ki tarah rehne lage they, alag alag kamro mein sona, aur apne kaam se matlab rakhna. Waise bhi Supriya ko aisa lagta tha ki un dono ko hi apna sahi jeewan saathi mil gaya hai. Bas shayad kuch hi dino ki baat thi ab jab woh dono apne raaste ho lenge.
Jaane se pehle 2-3 dino mein bhabhi ka uske prati rawayya thoda badal gaya tha. Unke beech jo itni kaha suni hui thi, use bhulate hue Aarti ne fir se Supriya par apna pyaar hi udela tha. Uske pasand ki khane ki cheeze banana, uske baalon mein pyaar se haath ferna. Bas jyada baat nahi hui unke beech. Bhabhi jaate jaate bhi uske gale lag ka foot foot kar royi thi, jaise woh Supriya se akhri baar mil rahi ho.
Is beech Vikram ne conversion ki kagazi karwayi bhi shuru kar di thi. Supriya ko pata nahi tha ki ye itna aasan kaam nahi tha ki bas gaye aur ho gaya. Par usne ye sab Vikram ke paas hi chhoda hua tha. Bas ab kuch hi dino mein use kahin jaa kar is kaam ko poora karna hoga.
Supriya is lambe se intezaar mein London ki photos dekh kar apna mann behla leti. Kitni pyaari si jagah thi jahan woh rehne wali thi. Ek do manjila ghar, uske peeche ek chota sa aangan, jisme ek bed laga hua tha. Wahan ke log kitne ache se kapde pehente they, woh wahan aazad hogi apni mann marzi karne ke liye. Vikram ne use bataya tha ki wahan woh Supriya ki job bhi lagwa dega, jisse woh apna time pass kar paaye.
Related Articles
Shaadi Ke Baad – 120
12 hours ago
Shaadi Ke Baad – 119
12 hours ago
Shaadi Ke Baad – 118
12 hours ago
Shaadi Ke Baad – 117
12 hours ago
Kitna ajeeb sa lag raha tha is sab ke baare mein sochte hue bhi. Woh apni purani jindagi chhod kar ek nayi jindagi mein daakhil hone hi wali thi.
Supriya baithe hue yehi sab soch rahi thi ki uske phone par ek call aane lagi. Supriya ne phone utha kar dekha toh uski bauhein thodi si upar chaddh gayi. Rahul… woh kyu use call kar raha tha? Supriya ne call nahi uthayi toh uski call ek baar firse aane lagi.
Na chahte hue bhi Supriya ne ye doosri call utha li – Hello…
Rahul ne soft si aawaz mein kaha – Hello… Supriya… kaisi ho tum…
Supriya – Main theek hu…
Supriya …
