మహారాజు : సంతోషకరమైన విషయం చెప్పారు పండితులారా …… , అలాగే ఈ మహాద్భుతమైన వివాహాన్ని తమరిచేతులమీదనే జరిపించండి , మహామంత్రిగారూ ……. మన సామంతరాజ్యాలకు వివాహ ఆహ్వానం పంపండి – సాయంత్రంలోపు రాజ్యంలో ఉండాలని , ఎత్తిపరిస్థులలోనూ వివాహ సాంప్రదాయంలో ఏలోటూ ఉండకూడదు అన్నీ ఆచారాలప్రకారమే జరిపించాలి . , పండితులారా ….. అల్లుడుగారిని పెళ్ళికొడుకులా సిద్ధం చెయ్యడానికి ఎవరైతే బాగుంటుంది .
మహారాజా ……. నా సోదరీమణులైన రాకుమారి చెలికత్తెలు ఉండనే ఉన్నారుగా ……..
పండితులు : కాబోయే మహారాజుగారే సెలవిచ్చారు .
మహారాజు : చామంతీ – మందాకినీ …… సగం మంది రాకుమారిణి – సగం మంది రాకుమారుడిని వివాహానికి సిద్ధం చేసే బాధ్యత మీదే , మాకూ చాలా పనులున్నాయి . తల్లీ మహీ …… నీ మనసు గెలిచిన వీరుడికి మన రాజమందిరం అంతా చూయించు , పెళ్ళిపనులు మొదలవ్వగానే ఎవరి మందిరంలో వారు చేరాలి , ముహూర్తానికి కేవలం కొన్ని ఘడియలు సమయం మాత్రమే ఉంది , మహామంత్రిగారూ …… రాజ్యంలో ఉన్న కళాకారులు – చిత్రకారులు అందరినీ అందరినీ పిలిపించి పెళ్ళిమండపాన్ని న భూతొ న భవిష్యతి అని ఆశ్చర్యపోయేలా సిద్ధం చేయించండి , రాబోవు అతిథులకు ఏలోటూ లేకుండా అన్ని ఏర్పాట్లూ చెయ్యాలి పదండి , మహారాణీ వారూ …… సమయం లేదు కదలండి .
మహారాణి : సంతోషంగా ప్రభూ ……..
మహారాజా …… మీ రాజ్య ధనుస్సు .
మహారాజు : మేము ఎత్తగలమో లేమో …… , అది ఎప్పటికీ చంద్ర రాజ్య మహారాజుదే అంటే మీదే …….
ధన్యవాదాలు మహారాజా ……. , మీ అమ్మాయి ప్రేమను పొందాను కాబట్టి ధనుస్సును ఎత్తగాలిగాను కాబట్టి ఈ ధనుస్సు రాకుమారికే చెందుతుంది అంటూ అందించాను .
మహి : నా దేవుడి దగ్గర ఉంటే నా దగ్గర ఉన్నట్లేకదా …….
మహారాజు : సంతోషంతో వెళ్లిపోయారు .
ప్రభూ ……. మమ్మల్ని సోదరీమణులు అన్నారు అంటూ ఆనందబాస్పాలతో దండం పెడుతున్నారు .
మేమిద్దరం ఇలా కలిసాము అంటే మీవల్లనే కదా …… , మీచేతులమీదుగా పెళ్ళికొడుకు అవ్వడం నా అదృష్టం , గురువుగారి తరువాత నాకు అన్నీ మీరే అంటూ దేవకన్య నుదుటిపై ముద్దుపెట్టాను ,
చెలికత్తెలు : చాలా చాలా సంతోషం వేస్తోంది ప్రభూ …….
మహి : నా వీరుడు నిజంగా దేవుడే అంటూ ఏకమయ్యేలా హత్తుకుంది , దేవుడా అందరూ వెళ్లిపోయారుకదా …
