పిల్లలూ – బుజ్జితల్లీ బుజ్జినాన్నా …… జాగ్రత్తగా లేకపోతే తగిలించుకుంటారు , చిన్న చిన్న రాళ్లను కర్రలను తీసేయ్యండి .
అలాగే మహారాజా – నాన్నా …… , దేవుడే మాతోడుగా ఉన్నారుకదా మాకేంటి భయం .
అమ్మలు – చెల్లెళ్లకు …… సులభమైన పనులను అప్పజెప్పాను . మహారాణీవాళ్ళు అందరిలో కలిసిపోయి సంతోషంగా శ్రమిస్తుండటం చూసి ఆనందించాను , మిత్రులారా …… మీ మహారాణీ గారి ప్రక్కనే ఉండండి అంటూ చిరుకోపంతో పెద్ద పెద్ద గుళ్లను తాళ్లతో ప్రక్కకు లాగేస్తున్నాను .
మహారాజా – అన్నయ్యా …… జాగ్రత్త .
అలాగే చెల్లీ ……. , కంగారుపడకండి ఊహతెలిసినప్పటినుండీ శ్రమను ఇష్టంగా చేస్తూ పెరిగాను .
యువరాణి : నాతోపాటు మహారాణీగారు కూడా ఆందోళన చెంది జాగ్రత్త అన్నారు – కేవలం నాకు మాత్రమే బదులిస్తే ఎలా …….
వినబడటం లేదు చెల్లీ …… చాలాపని ఉంది అంటూ తలదించుకుని ముందుకువెళ్ళాను .
మహారాణీ వాళ్ళు నవ్వుకున్నారు .
సమయం వేగంగా గడిచిపోయింది – బామ్మలు అందిస్తున్న నీటితో కొద్దికొద్దిగా దాహార్తిని తీర్చుకుని మధ్యాహ్నం వరకూ నిరంతరాయంగా శ్రమించాము .
మహారాజుగారూ …… భోజనం సిద్ధం మిట్ట మధ్యాహ్నం అవుతోంది .
అవునవును పిల్లలకు ఆకలివేస్తూ ఉంటుంది అంటూ పనులను ఆపించి విశ్రాంతి తీసుకున్నాము .
ప్రభూ అంటూ అందించారు .
బామ్మలూ …… ముందు పిల్లలు – ఆడవాళ్లు – మిత్రులు .
మా దేవుడు సామీ అంటూ అందరికీ అందించారు – బామ్మలు అందించిన గంజిని ఇష్టంగా సేవిస్తున్న మహారాణీవాళ్లను చూసి మళ్లీ ఆశ్చర్యపోయాను .
నాన్నా నాన్నా …….
బుజ్జాయిలను ఒడిలో కూర్చోబెట్టుకుని , పిల్లలందరినీ చుట్టూ కూర్చోబెట్టుకుని ధైర్యాన్ని పెంచే యదార్థ గాథలను వినిపిస్తూ గంజిని సేవించాము .
ఆకలితీర్చుకున్న తరువాత మరింత హుషారుగా శ్రమించారు .
సంతోషిస్తూ రెండు కొండల మధ్యన ఉన్న పెద్ద గుండుకు తాళ్లను – ఊడలను కట్టి లాగేయొచ్చులే అంటూ ఎంత లాగినా కదలడం లేదు , నన్ను చూసి బుజ్జాయిలు – మిత్రుడు మరియు అడవిరాజు – రాణి నోళ్ళతో పట్టుకుని లాగినా ప్రయోజనం లేకపోయింది , ప్రభూ ….. మేమున్నాం కదా అంటూ మాహారాణి ఆ వెనుక చెల్లి రాణులు అటుపై ఆడవాళ్ళంతా జతకలిసినా ఫలితం సూన్యం …….
అందరమూ హోయ్ సా హొయ్ సా అంటూ చెమటలు చిందిస్తున్నాము – గుండు శతాబ్దాలుగా భూమిలో …
