మంజరి : అదిగో మహారాణీ – రాణులు – యువరాణీ వంటలు కూడా సిద్ధం , మీకోసం ప్రేమతో …… అదే అదే స్వయంగా తీసుకొస్తున్నారు ప్రభూ అంటూ ఎగురుకుంటూ వెళ్లి మహారాణీ గారి భుజంపైకి చేరింది .
అంతలోనే మహారాణీ చెంతకు చేరిపోయావా మంజరీ అన్నట్లు చిరుకోపంతో చూస్తున్నాను .
మహారాణీ – రాణులంతా చిరునవ్వులు చిందిస్తూ తమ తమ చేతుల్లోని వంట పాత్రలను మాచుట్టూ ఉంచారు , ఆకలివేస్తోంది అన్నారుకదా ప్ర …..భూ …. మహారాజా …… మీకోసం ప్రేమతో మేమే వండాము స్వీకరించండి అంటూ ముఖాలను చెంగులతో కప్పుకునే మాట్లాడారు .
ప్రేమతోనా ……. ? .
మాహారాణి : అంతులేని ప్రేమతో …… అంటూ ముసిముసినవ్వులు నవ్వుకున్నారు .
మంజరి : ( మా ముద్దుల మహిలా కాకుండా భలేగా మాట్లాడుతున్నావు మహీ ) అంటూ మహారాణీ బుగ్గపై ముద్దుపెట్టింది .
బుజ్జాయిలు : ముద్దులుకూడా అమ్మకే పెడుతోంది , అమ్మ – పిన్నమ్మలు – అత్తయ్య ……. వంట చెయ్యడం మెమెప్పుడూ చూడనేలేదు – చివరికి మాకోసం కూడా వండనేలేదు – ప్రాణంలా తినిపించేవాళ్ళు అంతే , ఘుమఘుమలాడిపోతున్నాయి ……. మీరంటే ఎంత ప్రేమో అర్థమౌతోందా నాన్నా – నాన్నా …….
ష్ ష్ బుజ్జాయిలూ ……. , మీ అమ్మగారు వింటే బాధపడతారు అంటూ సున్నితంగా బుజ్జి నోళ్ళకు చేతులను అడ్డుపెడుతున్నాను .
మాహారాణి: నాన్న – నాన్న ……..
బుజ్జాయిలు : మహి హృదయంపై చేతినివేసుకుని పరవసించిపోతుండటం చూసి అంతులేని ఆనందంతో మహారాణీవైపు గాలిలో ముద్దులు వదిలారు , మరింత సంతోషపెట్టడానికన్నట్లు నాన్నా నాన్నా నాన్నా నాన్నా ……. అంటూ ప్రాణంలా పిలుస్తూనే ఉన్నారు నేను ఎంత వారించడానికి ప్రయత్నిస్తున్నా …….
మహారాణి : అఅహ్హ్ …… అంటూ రాణుల గుండెలపైకి చేరారు .
బుజ్జాయిలు : మహి సంతోషాన్ని ఆస్వాదిస్తూనే నాన్నా – నాన్నా అంటూ నా బుగ్గలపై ముద్దుల వర్షమే కురిపిస్తున్నారు .
అఅహ్హ్ …… మీ ముద్దులతో నన్ను మంత్ర ముగ్ధుడిని చేసేస్తున్నారు తెలుసా అంటూ అంటూ ఆప్యాయంగా గుండెలతో హత్తుకుని అంతే ప్రాణంలా ముద్దులుపెట్టాను .
మాహారాణి గారి సంతోషమైన మూలుగుకు స్పృహలోకొచ్చి , బుజ్జాయిలూ బుజ్జాయిలూ …… అలా పిలవకూడదు – మీ అమ్మగారు బాధపడతారు అంటూ తలదించుకుని వారిస్తున్నాను .
ఏంటి బాధపడటమా ……. , మాకైతే అలా అనిపించడం లేదు అన్నయ్యా అంటూ నాప్రక్కన చేరి బుజ్జితల్లికి ముద్దులుకురిపించింది చెల్లి , ఏంటి వదినమ్మా ….. బాధపడుతున్నారా లేక లేక ……. సిగ్గుపడుతున్నారా ? అంటూ …
