Oka Koduku Prayanam | Emotional Telugu Story Series
అమ్మ మహి చెయ్యి అందుకొని మీ ప్రాణానికి ప్రాణమైన బావ అప్పుడప్పుడే ముద్దుముద్దుగా మాట్లాడుతూ లేచి బుడిబుడి అడుగులు వేస్తున్న రోజులు , మొదటిమాటగా నాకంటే కన్నయ్యను ప్రాణంగా చూసుకునే మీ అమ్మను ఆ…..త్త……….అని ముద్దుగా చిరునవ్వులు చిందిస్తూ పిలుస్తూ చిన్నగా బుడి బుడి అడుగులు వేస్తూ వెళ్లి ఒడిలో వాలిపోగా , అందరమూ సంతోషంతో మురిసిపోయాము. ఆ క్షణం నుండి మాట ఎత్తితే అత్త అత్త……..అంటూ ఇల్లంతా తిరుగుతుంటే మీ అమ్మ ఆనందానికి అవధులుకూడా లేవు అంత సంతోషిస్తూ బుజ్జి , బుజ్జికన్నా , నువ్వు నాప్రాణం రా అంటూ ఆదుకోవడానికి ఏవి అడిగితే అవి తెస్తూ ఇల్లంతా నింపేసి కన్నయ్యను వదిలి ఒక్క క్షణం కూడా ఉండేది కాదు మీబావ అయితే అమ్మను నన్నే మరిచిపోయాడు వెధవ అంటూ నాబుగ్గని సున్నితంగా గిల్లి సంతోషన్గా చెబుతూ ఒకరోజు దగ్గరలోనే ఏదో ఫంక్షన్ ఉంటే వెళ్ళింది ఒక పూట అంతే కనబడకపోయేసరికి అత్త , అత్త………అంటూ ఆపకుండా ఏడుస్తూనే ఉండగా బయటకు వెళ్ళింది కన్నయ్యా వచ్చేస్తుంది అని ఎంత బుజ్జగించినా , ఇస్టమైనవన్నీ ఇచ్చినా విసిరికొట్టి అత్త , అత్తా…….అని గుక్కపట్టి ఏడుస్తూనే ఉండగా మా ఆయన ఉన్నపలాన వెళ్లి మీ అమ్మను పిలుచుకొనిరాగా గుమ్మo దగ్గర చూసి ఒక్కసారిగా ఏడుపు ఆపేసి ముద్దుముద్దుగా నడుస్తూ , పడుతూ నవ్వుతూ వెళ్లగా బుజ్జికన్నా నిన్ను వదిలి ఎక్కడికీ వెళతానురా అంటూ ముద్దుచేయ్యగా వదిలిపోకుండా చీరను గట్టిగా పట్టేసుకొని రాత్రి పడుకునేంతవరకూ వదల్లేదు చిలిపి కన్నయ్య అంటూ నవ్వుతూ చెప్పగా …
