వేలల్లో చుట్టూ రాజ్యపు ప్రజలు పాలుపంచుకోవడంతో రెండు రోజుల్లోనే కొండ పాదం దగ్గర నుండి ఆనకట్ట నిర్మించే ప్రదేశం వరకూ ఏపుగా పెరిగిన ముళ్ల కంపలు – అడ్డుగా ఉన్న గుండ్రాళ్ళు అన్నీ నిర్మానుష్యం అయిపోయి చక్కటి మైదానాన్ని తలపించేలా మారిపోయింది .
మూడవరోజున అమ్మవారి విగ్రహాన్ని భక్తిశ్రద్ధలతో ప్రతిష్టించి , రాజ్యాల ప్రజలందరి సమక్షంలో బుజ్జాయిలు – చెల్లి – రాణులు – మహారాణీ గారి చేతులతో భూమిపూజ జరిపించి పునాది పనులు మొదలెట్టాము .
చుట్టూ రాజ్యాలు – సామంత రాజ్యాలు ….. తమ వంతు సహకారం మరియు రోజురోజుకూ ప్రజల ఉత్సాహం హుషారు పెరగడంతోపాటు ప్రజల సంఖ్య కూడా పెరుగుతుండటం వారిలో ఐక్యత చూస్తుంటే చాలా చాలా ఆనందం వేస్తోంది .
అలా ఆనకట్ట నిర్మాణపు పనులు చకచకా జరిగిపోతున్నాయి రోజులు గడిచిపోసాగాయి , రోజూ చీకటిపడగానే నా దేవకన్య మధుర స్మృతులతో – ఊహాలలో గడుపుతూ ఆనందిస్తూ తనను చేరడం ఆలస్యం చేస్తున్నందుకు బాధపడుతూ మన్నించమని కోరుతున్నాను , బుజ్జాయిలను జోకొడుతూ నిద్రకు ఉపక్రమించడం ……. ఇదంతా నాకు తెలిసే జరుగుతోంది కానీ ఉదయానికి మాత్రం ఒంటిపై వస్త్రాలు ఉండటం లేదు , వొళ్ళు విరుస్తూ లేస్తున్న క్షణం రాత్రంతా ఏదో మధురానుభూతిని పొందినట్లు ఒక పసందైన అనుభూతిని మాత్రం మాటల్లో వర్ణించడం అసాధ్యం , ఆ మధురానుభూతికి గల కారణాన్ని కనుక్కోవాలని ఎన్నో రాత్రులు నిద్ర నటించడానికి ప్రయత్నించాలనుకున్నా సాధ్యం కాలేదు , గుడారంలోకి చేరేంతవరకూ మాత్రమే గుర్తుంటోంది …….
అలా కొన్ని పక్షముల సమయం గడిచిపోయింది – చుట్టు ప్రక్క రాజ్యాల ప్రజలు మరియు వారి ముడిసరుకుల సహాయసహకారాలతో అమ్మవారి ఆశీస్సులతో ఆనకట్ట నిర్మాణం చివరకు చేరుకుంది , ఎలాంటి వర్షం కురిసినా – ఎన్ని నీళ్లు నిలబడినా చెక్కుచెదరకుండా నిలబడగలిగే ఆనకట్ట నిర్మాణం పూర్తయ్యింది .
అందరిలో అంతులేని ఆనందం వెళ్లువిరిసింది పండగే …… కానీ రాజ్యప్రజల ఆవసరాలు తీర్చేలా – పంటలు పండేలా వర్షం మాత్రం కురవడం లేదనేది బాధను కలిగిస్తోంది .
వర్షాలు కురవాలని అన్నీ దేవాలయాలలో పూజలు జరిపించాము – హోమాలు చేయిస్తున్నాము – సామూహిక భోజనాలు చేసాము …….
రోజులు గడుస్తున్నాయి – ఆనకట్ట రోజురోజుకూ బలపడుతోందని అనుభవజ్ఞులు సంతోషమైన విషయాన్ని తెలియజేస్తున్నారు కానీ వర్షం మాత్రం కురవడం లేదు , రాజ్యంలోని ధాన్యపు నిల్వలు అయిపోవస్తున్నాయి – ఎన్ని రోజులని చుట్టుప్రక్కల రాజ్యాల సహాయాన్ని ఆశించగలం .
వర్షాల మీదనే – వర్షాల ద్వారా పండే పంటల ద్వారానే సంతోషంగా జరుపుకునే పండుగలు మరియు వివాహాలు ఏనాడో ఆగిపోయాయి , మహారాజా మహారాజా అంటూ నామీదనే ఆసలుపెట్టుకుని బిక్కుబిక్కుమంటూ జీవిస్తున్నారు ప్రజలు , వర్షం పడటం తప్ప మరొకటి లేదన్నట్లు బుజ్జాయిలవైపు చెల్లీ మహారాణి వాళ్ళవైపు దీనంగా చూడటం తప్ప ఏమీ చెయ్యలేకపోతున్నాని బాధపడని క్షణం లేదు .
అలాంటి విపత్కరమైన పరిస్థితుల నడుమ ఒక తెల్లవారుజామున ఆనకట్ట అమ్మవారి పూజలో ఉన్న …
