ఎన్నిరోజులు స్పృహకోల్పోయానో నాకే తెలియదు , ప్రాణాలు పోతున్నట్లు కేకలు – భయంతో అరుపులు వినిపించడం అంతలో పెద్ద శబ్దం వినిపించడంతో ఉలిక్కిపడిలేచాను .
ఆ పెద్ద శబ్దానికి కారణం చెరశాల ప్రధాన ద్వారం బద్దలై చెల్లాచెదురవడం …… , అందులోనుండి వచ్చినవారు కాపాలాకాస్తున్న భటులపై ఏమాత్రం కనికరం చూయించకుండా కత్తులతో దాడిచేస్తున్నారు – రక్తం ఏరులై పారసాగింది .
చెరశాలల్లో ఉన్న బందిపోట్లు ….. హై హై నాయకా – మిత్రమా అంటూ సంతోషంతో కేకలువేస్తున్నారు . వాళ్ళతో చేతులుకలిపి మీరొచ్చి కాపాడతారని తెలిసే ప్రాణాలు గుప్పెట్లో పెట్టుకుని బ్రతుకుతున్నాము .
మేము వచ్చేసాము మిత్రులారా …… ఇక ఈ రాజ్యం మనదే , రండి మనల్ని అడవిపాలు చేసిన ఈ రాజ్యాన్ని సర్వనాశనం చేసి ఆక్రమించేద్దాము – రాజుని మన కాళ్ళకింద చేర్చి వాడి కళ్ళముందే రాజ్యంలోని ప్రజల మానప్రాణాలను తీసి ఆనందిద్దాము అంటూ తాళాలను బద్దలుకొడుతున్నారు .
బందిపోట్లు బయటపడి కత్తులు చేతబట్టి కోపంతో ఊగిపోతున్నారు .
చెరశాల బందిపోట్లు : నాయకా – మిత్రులారా ……. ఆ తాళాన్ని తెరవకండి , మన యువరాణీ బంధ ప్రణాళికను అడ్డుకుని మేమంతా ఇక్కడ నరకంలోకి చేరేలా చేసినది వాడే ……
బందిపోట్లు : అయితే వీడిని ఇక్కడికిక్కడే ముక్కలుముక్కలు చేసేస్తాము అని కోపంతో రగిలిపోతున్నారు .
చెరశాల బందిపోట్లు : నాయకా …… వీడిని అంత సులభంగా చంపరాదు , ఈ రాజ్యాన్ని చేజిక్కించుకున్న తరువాత వీడి సంగతి చూద్దాము , మనం ఎంత నరకాన్ని అనుభవించామో అంతకంతా వీడు అనుభవించాలి – అధిచూసి మేము రాక్షసానందం పొందాలి .
మీ ఆశలు ఆశలుగానే మిగిలిపోతాయి .
బందిపోట్లు : కాళ్ళూ చేతులూ కట్టివేయబడినా – మనం ఇంతమందిమి ఉన్నా ఎంత దైర్యంగా మాట్లాడుతున్నాడు చూసారా …… ? , తాళాలు తెరవండి వీడి సంగతి ఇప్పుడే చూస్తాము .
చెరశాల బందిపోట్లు : వాడికి ఉన్నదే అది మిత్రులారా …… , ఇతడి ఒక్కచేతిని కట్టివేయడానికి పాతికమంది భటులు కూడా ఇంత శ్రమించారో కళ్లారా చూసాము , చివరికి మత్తుమందు పెడితేకానీ …….
నావైపుకు వచ్చిన బందిపోట్లు వెనుకడుగు వెయ్యడం చూసి నవ్వుతున్నాను .
బందిపోట్లు : వీడి సంగతి రాజ్యాన్ని పూర్తిగా ఆక్రమించుకున్న తరువాత చూద్దాము – అక్కడ మన వారికి మన సహాయం కావాలి రండి .
చేరశాలలోని బందిపోట్లు : నాయకా …… ఒక నలుగురిని ఇక్కడ ఉంచడం ఎందుకైనా మంచిది …
