Nastajathakudu – 150

episode-129 స్మగ్లర్లు, మారణాయుధాలు, మాదక ద్రవ్యాలు అన్నిటినీ రికవరీ చేసిన తర్వాత బయట పడి ఉన్న శవాల లెక్కల గురించి కూడా చీఫ్ తో చెప్పి మేము అక్కడ నుంచి నడుచుకుంటూ బయలుదేరి తార, విక్రమ్ లను కలిసి అక్కడి నుంచి తిరుగు ప్రయాణం అయ్యాము. అప్పటికి దాదాపు మధ్యాహ్నం 1:30 అయిపోవడంతో బాగా ఆకలిగా అనిపించి దారిలోని ఒక దాబా దగ్గర ఆగి భోజనం ఆర్డర్ చేసాము. అందరము మా బుల్లెట్ ప్రూఫ్ జాకెట్స్ తీసేసి మా వెంట తెచ్చిన సామానంతా జాగ్రత్తగా సర్దిపెట్టి ఫ్రెష్ అయ్యి భోజనానికి కూర్చున్నాము. భోజనం చేస్తూ, థాంక్యూ విక్రమ్,,, నీ టెక్నికల్ సపోర్ట్ ఉండటంవల్ల ఇంత పెద్ద ఆపరేషన్ చాలా ఈజీగా పూర్తి చేయగలిగాము అని అన్నాను. …. నో నో నో,,, నేనే మీ టీంకి థాంక్స్ చెప్పాలి.  నేను సర్వీస్ లో జాయిన్ అయిన తర్వాత ఇంత పెద్ద ఆపరేషన్ అటెండ్ అవ్వడం ఇదే మొదటిసారి. ఇంతకుముందు చాలావరకూ ఆఫీస్ లోనే కూర్చుని చిన్నచిన్న ట్రాకింగ్ పనులు మాత్రమే చేసేవాడిని. ఏదో ఒకటి రెండు సందర్భాల్లో మాత్రమే సాటిలైట్ స్కానింగ్ లాంటి టెక్నాలజీ ఉపయోగించడం జరిగింది. కానీ ఈ రోజు ప్రత్యక్షంగా ఒక ఆపరేషన్ స్పాట్ లో ఉండి టెక్నాలజీ యూజ్ చేయడం నాకు చాలా సంతృప్తినిచ్చింది. ఇక మీదట కూడా ఇటువంటి ఆపరేషన్ ఉండేటప్పుడు నన్ను మీతో పాటు కలుపుకోండి. మీకు ఎప్పుడూ ఎటువంటి టెక్నికల్ సపోర్ట్ కావాలన్నా మీరు డైరెక్ట్ గా నన్ను కాంటాక్ట్ చేయండి. నేను మీకోసం ఎప్పుడూ సిద్ధంగా ఉంటాను అని అన్నాడు విక్రమ్. …. థాంక్యూ బాస్,,, నీలాంటి టెక్నికల్ పర్సన్ తోడుంటాను అంటే మేమెందుకు కాదంటాం? ఆన్ డ్యూటీయే కాదు ఆఫ్ డ్యూటీలో కూడా మనం మరింత ఎక్కువగా కలుసుకుందాం అని భోజనం ముగిసిన తర్వాత అక్కడినుంచి బయలుదేరి విక్రమ్ తన దారిన వెళ్లిపోగా మేము ఇంటిబాట పట్టాము. అక్కడి నుంచి బయలుదేరే ముందు నేను కొంచెం పక్కకు వెళ్లి కవిత అమ్మకి ఫోన్ చేశాను. అమ్మ నేను ఇంటికి వస్తున్నాను మీరందరూ తయారయ్యి రెడీగా ఉండండి. అలాగే దేవి అక్కకి ఫోన్ చేసి వాళ్ళ …