అదే సమయానికి అక్కడ మోసం చేసినవారు ఒక్క ఇంటిని కూడా వదలకుండా ఇంటింటికీ వారికి రావాల్సిన 5 లక్షల చొప్పున ఇస్తూ ప్రతి ఒక్కరికీ క్షమాపణలు చెబుతూ వెళ్లిపోగా , గూడెం ఇళ్లల్లో పనికోసం బయటకు వెళ్లిన వారందరినీ పిలిచి డబ్బు ఎలా వచ్చిందో వివరించి ఇచ్చి వెళ్లారని చెప్పగా , ప్రతి ఇంటిలోని వారందరూ ఆశ్చర్యపోతూ , అందరూ బయట గుమిగూడుతూ ఎలా జరిగింది , ఎవరి వల్ల ఇలా అని తికమకపడుతూ పెద్దయ్యను అడిగితే ఏమైనా తెలియవచ్చు అని అందరూ ఆయన ఇంటివైపుకు వెళ్లగా ,
పెద్దయ్యా ,పెద్దయ్యా ……….అంటూ అందరూ మూకుమ్మడిగా పిలుస్తుండగా 5 లక్షల డబ్బుల కట్టలను చేతిలో పట్టుకొని కన్నీటితో బాధపడుతూ బయటకు వచ్చి అరుగుపై మౌనంగా కూర్చుండిపోగా , పెద్దయ్యా ,పెద్దాయ్యా…………అంటూ గందరగోళంగా అందరూ ఏవేవో మాట్లాడుతూ , ఇంత డబ్బు మళ్లీ మన చేతికి ఎలా పెద్దయ్యా అని అడుగగా , ఆయన దుఃఖంతో ఏడుస్తుండగా , పెద్దయ్యా , పెద్దయ్యా …….ఏమి జరిగింది అంటూ అందరూ అడుగుతూనే ఉన్నా బాధపడుతూ మౌనంగా ఉండిపోగా , అయితే ఈ డబ్బు ఎలా వచ్చిందో ఎవ్వరికీ తెలియదా అని అడుగుతుండగా ,
ఒరేయ్ మల్లన్న , రాముడు , తిప్పన్నా ………మనమంతా కలిసి తప్పునంతా ఒక వ్యక్తిమీద వేసి ఉరి వేసుకొని చనిపోయేలా చేసి అభం , శుభం తెలియని ఒక ఇల్లాలిని అందరూ కలిసి దూరంగా పెట్టినా చివరికి తన పిల్లలను మీ పిల్లలతో కలవనీయకుండా చేసినా , తనకు రాణిలా బ్రతికే అవకాశం వచ్చినా తను చాలా కష్టాలు అనుభవిస్తున్న కూడా నా గూడెం ప్రజలు కష్టాలలో ఉంటే నేను సంతోషంగా జీవించలేను అంటూ ఆలోచించకుండానే తిరస్కరించి ఒక దేవుడి లాంటి …
