Nastajathakudu – 115

నేను ఈ లైన్లోకి రావడానికి కారణం ఇన్స్పెక్టర్ రుద్ర,, అని అనగానే జెస్సీ సోము ఒకరి మొహం ఒకరు చూసుకున్నారు. యాక్చువల్లీ నన్ను తన కోసం ఒక అండర్ కవర్ ఆపరేటరుగా పని చేయమని సూచించింది రుద్రనే. అందుకోసం నాకు స్పెషల్ ట్రైనింగ్ కూడా తనే ఏర్పాటు చేశాడు. ఇదివరకు నాకు కొన్ని సంఘటనలు ఎదురయ్యాయి అవి మీకు కూడా తెలిసే ఉండొచ్చు. అందులో ముఖ్యంగా ఒక అమ్మాయి కిడ్నాప్ విషయంలో నాకు కత్తిపోట్లు బుల్లెట్ గాయాలు అయ్యి దాదాపు ప్రాణాలు పోయే పరిస్థితికి చేరుకున్నాను. దేవుని దయవల్ల ఆ గండం నుంచి తప్పించుకొని తిరిగి కోలుకున్న తర్వాత రుద్ర ఈ ప్రపోజల్ చేశాడు. అప్పటికి ఆవేశంలో ఉన్న నేను కూడా ప్రాణాలు పోయేలోపు ఎంతోకొంత సమాజానికి ఉపయోగపడితే మంచిది అని నిర్ణయించుకుని ఈ మార్గం ఎంచుకున్నాను. అయితే అనుకోకుండా నాకు ట్రైనింగ్ ఇచ్చిన నా గురువు నా మంచితనానికి ఇంప్రెస్ అయ్యి చాలా శ్రద్ధ పెట్టి నన్ను ఒక సోల్జర్ లాగా తయారు చేశాడు. అదే సమయంలో నాకు టెక్నికల్ ట్రైనింగ్ ఇవ్వడానికి అమెరికా తీసుకువెళ్ళడంతో అతని సహచరిణితో పరిచయం అయింది. ఆమె గతంలో మన ఏజెన్సీకి చెందిన ఏజెంట్ కావడంతో నేను ట్రైనింగ్ కి వచ్చిన కారణాలు తెలుసుకొని ఆమెకు డౌట్ రావడంతో మన చీఫ్ తో ఆ విషయం చెప్పడం జరిగింది. రుద్ర కొత్తగా ఐపీఎస్ నుంచి వచ్చిన అధికారి కావడంతో ఈ విషయంలో అతని మీద అనుమానం ఏర్పడి మన ఏజెన్సీలో నన్ను టెంపరరీ ఏజెంటుగా నియమించారు మన చీఫ్. అంటే నేను ఇప్పుడు అఫీషియల్ గా మన ఏజెన్సీ కోసం పని చేస్తున్నా రుద్ర దృష్టిలో తన కోసం పని చేస్తున్నట్టు డబల్ రోల్ చేస్తున్నాను. ఆ విషయంలో భాగంగానే రుద్రకి అనుమానం రాకుండా రాజుగాడి ఆపరేషన్ జరిగిన రోజు రాత్రి నేను మరో ఆపరేషన్ కూడా చేశాను. ఆ విషయం మీరు టీవీలో కూడా చూశారు. అది పూర్తయి తిరిగి వచ్చినప్పుడు అనుకోకుండా తార కంటపడ్డాను. ఆరోజే తార ఈ విషయం గురించి నన్ను నిలదీసింది. …