స్పందించిన ప్రతీ ఒక్కరికీ ధన్యవాదములు.
-x-x-x-
43
నేను వెళ్లి అమ్మమ్మ పక్కనే నుంచుని, “ఏంటి అమ్మమ్మా.. పిలిచావంట?” అని అడిగా. అమ్మమ్మ నా వైపు సీరియస్సుగా చూస్తూ, “దొరవారూ ఇక్కడికి వచ్చాక మీరు పాములూ, తేళ్లతో నిండి ఉన్న గుట్ట ఏదైనా ఎక్కారా?” అని అడిగింది. నేను తలూపుతూ “శంకరత్తతో కలిసి అడవిలో తప్పిపోయినప్పుడు, దారి వెతుక్కోవడం కోసం ఎక్కాను. అంతే. నువ్వే చెప్పావుగా అడవిలో దారి తప్పితే ఏదైనా ఎత్తు ప్రడేశంలోకి వెళ్లి వెతకమని?” అని అంతే యాక్టింగ్ చేస్తూ అన్నా. అమ్మమ్మ నా వైపు చూసిన మొదటి చూపులోనే నాకు కన్ను కొట్టింది మరి.
అమ్మమ్మ, “నేను మీరు తప్పని అనలేదు దొరవారూ. మీరు ఆ దరిద్రపు గుట్ట ఎక్కారా? లేదా? అని నిర్ధారించుకుంటున్నా అంతే” అని అంటూ ఆ ముసలోళ్ల వైపు తిరిగి, “ఇప్పుడు చెప్పండి. దొరవారిది దరిద్రపు పాదం అని ఇందాక మాట తూలారు. ఇప్పుడు ఆయనే మనకి గూడెం దొర. మనమెవ్వరమూ ఎక్కలేని గుట్టని అవలీలగా ఎక్కి దిగారు దొరవారు. పెద్ద పూజరయ్య వేసిన గవ్వలు వృధా కాలేదు కదా? ఆయన చెప్పినట్టే గూడెం దొర నా కూతురి కడుపునే పుట్టాడు కదా? ఇప్పుడేమంటారు.. తన పాదం దరిద్రపు గొట్టుదీ అని ఇంకా అంటారా?
లేక నా వంశాకురాన్ని గూడెం నాయకుడిగా ఒప్పుకుంటారా? లేదూ మాకు ఇతని నాయకత్వం అక్కర్లేదూ అని మన కట్టుబాట్లని తుంగలో తొక్కి మన పద్ధతులని కృష్ణలో కలిపేస్తారా?” అని వాళ్ళని ప్రశ్నించింది. ఆ నలుగురూ మౌనంగా నీళ్లు నములుతూ కూర్చున్నారు. రంగి అమ్మమ్మ కోపంగా “చెప్పండయ్యా పెద్ద మడుసులూ… ఇప్పుడేమంటారు? మా మావ చెప్పిందే నిజమయ్యిందిగా? ఇందాక సిన్నదొరది ముదనష్టపు పాదమూ, అడుగెట్టినందుకే గూడెం ఇట్టాగయ్యిందీ అని అన్నారుగా? మాట్టాడండి ఇప్పుడు??” అంటూ కోపంతో ఊగిపోసాగింది.
చిలకమ్మ వాళ్లిద్దరినుంచీ అందుకుంటా, “దొరసానీ.. ఈ ముసిలోళ్లతో మాటలేంది? కుసుమక్కని రానీ.. ఆ కర్మకాండేదో ముగించేస్తే, మనమీ దరిద్రపుగొట్టు గూడేన్ని వదిలిపోదాం. నువ్వెంత మంచి సేసావ్ ఈ గూడానికి? కొంచెమైనా ఇస్వాసం లేదీ అడవి మడుసులకి. ఈళ్లతో మనకేంటి తల్లీ! నువ్వు మనాది ఎట్టుకోకు. మారాణివి నువ్వు. సిన్నదొర మనసున్న మారాజు. కాటికి కాళ్లు జాచిన ఈ ముసలి నక్కలేవో అన్నాయీ అని పట్టించుకోకు తల్లీ! ఈళ్లు ఇస్వాశం లేని కుక్కలు!!” అంటూ అమ్మమ్మని కూల్ చేస్తున్నటే చేస్తూ, ఆ నలుగురినీ ఫుల్లుగా తిట్టేసింది.
పాట పాడేప్పుడే చిలకమ్మ గొంతు మధురం. ఇప్పుడు కోపంతో అరుస్తూంటే, శవం దగ్గర జాగారం చేస్తున్న అందరూ బయటకొచ్చేశారు. జేజి ఒక్క చేత్తో వాళ్లందరినీ ఆపి లోపలకి పొమ్మని సైగ చేసి, “సిలకా, నువ్వూ సిన్నదొరా ఈడ అనవసరం. పోయి బుడతని బజ్జోపెట్టు. ఈ శనినాయళ్ల సంగతి మేం సూసుకుంటాంలే. సేయ్ రంగీ.. నువ్వూ లోనికి పోయి మీ నాయన కాడ కూకోవే. ఒరేయ్ ఈరిగా.. నీ ఏషాలు నా కాడ కాదురా.. ఏదో ఒకటి సేసి, నీ మునిమనవడిని ఆ గుట్టెక్కించేసి, గూడెం పెద్ద సెసేద్దామని నీ ఆలోచన. నాకు తెల్దు అనుకుంటివా?
నక్క నాయాలా.. మంచోడు నా తోబుట్టినోడు పోయాడు అనాసరంగా. నీ …
