నేను కేఫ్ కి చేరుకుని నా కేబిన్ లోకి వెళ్ళేసరికి అను చైర్ లో కూర్చుని మొబైల్లో ప్రోగ్రామ్ చూస్తూ నవ్వుకుంటుంది. డోర్ తెరుచుకుని నేను లోపలికి రావడం చూసి వెంటనే నవ్వడం ఆపేసి ఓరకంట నా వైపు కొంచెం కోపంగా చూస్తున్నట్టు నటించింది. నేను తనకి ఎదురుగా ఉన్న చైర్ లో కూర్చుని, “హాయ్ అను”,,, అని పలకరించాను. కానీ తను ఏమీ మాట్లాడకుండా నామీద అలిగినట్టు మొహం పక్కకి తిప్పుకుని కూర్చుంది. నేను మళ్ళీ మాట్లాడుతూ, “హలో అను,,, నిన్నే,, గుడ్ ఈవెనింగ్ అను” అని అన్నాను. …. అను ఉక్రోషం పట్టలేక, ఏం,,,, ఇప్పుడు ఎందుకు మాట్లాడుతున్నావ్? నేను దగ్గర ఉండడమే నీకు ఇష్టం లేదు కదా? నేను వచ్చిన వెంటనే తప్పించుకొని పారిపోతున్నావు, చివరికి నాతో కలిసి భోజనం చేయడం కూడా ఇష్టం లేదు నీకు. అందుకే కదా నన్ను ఇంటి దగ్గర భోజనం చేసి రమ్మన్నావు అంటూ గుక్కతిప్పుకోకుండా మనసులో మాట బయటపెట్టింది.
ముందు నేను కొంచెం ఆశ్చర్యపోయాను. కానీ తన కోపానికి కారణం అర్థమై మనసులోనే చిన్నగా నవ్వుకుని, అయ్యో అను,,, అసలు ఏం మాట్లాడుతున్నావ్ నువ్వు. నిన్ను కలవడం ఇష్టం లేకపోవడం ఏమిటి? ఇష్టం లేకుండానే ఆరోజు నీతో షాపింగుకి వచ్చానా? నిన్ననే కదా మనం కలిసి భోజనం చేశాం అని అన్నాను. …. మరి ఎందుకు నన్ను ఇంటి దగ్గర భోజనం చేసి రమ్మన్నావు? నేను వచ్చిన వెంటనే కనీసం సరిగ్గా మాట్లాడకుండానే తుర్రుమని మారిపోయావు. అసలు నువ్వు చెప్పావనే నేను ఇక్కడకు వస్తున్నాను. అలాంటిది నువ్వు నన్ను పట్టించుకోకుండా వెళ్ళిపోతే ఏమనుకోవాలి? అంటూ చిన్న కన్నీటిబొట్టు కార్చింది. …. అను మీద నాకు జాలి కలిగింది. నేనంటే తన మీద ఎటువంటి అభిప్రాయం ఏర్పరుచుకోలేదు. కానీ తను నన్ను ప్రేమిస్తుంది అటువంటప్పుడు తను ఈ విధంగా ఫీల్ అవ్వడం సమంజసమే అనిపించింది.
లేదు అను నువ్వు నన్ను తప్పుగా అర్థం చేసుకున్నావు. అసలు విషయం ఏంటంటే, ఈరోజు నుంచి నేను పుష్ప వదిన ఇంట్లో భోజనం చేస్తాను అని మాట ఇచ్చాను. ఒకవేళ నువ్వు ఇంటి దగ్గర భోజనం చేయకుండా వస్తే ఒక్కదానివే రెస్టారెంటుకి వెళ్లి తినాల్సి వచ్చేది. అందుకే నిన్ను ఇంటి దగ్గర భోజనం చేసి రమ్మని అక్కతో చెప్పాను. ఇకపోతే నేను తొందరగా వెళ్ళడానికి కారణం కూడా అదే. నేను తొందరగా వెళ్లకపోతే వాళ్లు కూడా భోజనం చేయకుండా నా కోసం ఎదురుచూస్తూ ఉంటారు. వాళ్లను భోజనం చేయకుండా అలా వెయిట్ చేయించడం మంచిది కాదు కదా అందుకనే నేను తొందరగా వెళ్లిపోయింది అని వివరణ ఇచ్చాను. …. అది విన్న అను మొహంలో భావాలు మారిపోయాయి. బయటకు కనబడనీయకుండానే లోలోపల సంతోషంతో సిగ్గులమొగ్గ అయింది. ఆమె చెంపలు ఎరుపెక్కాయి.
కానీ కొంచెం గాంభీర్యం ప్రదర్శిస్తు, అయితే ఆ విషయం నాకు ముందే చెప్పొచ్చు కదా? అయినా అక్కడ భోజనం చేస్తానని ఎందుకు ఒప్పుకున్నావు? కావాలంటే నేను మరి కొంచెం ముందు వచ్చే దాన్ని కదా? అని అడిగింది. …. అది కాదు అను, రోజు రెస్టారెంట్లో భోజనం చేయడం మంచిది కాదు అని వాళ్ళు మరీ మరీ అడగడంతో వాళ్ళ ఇంటి దగ్గర భోజనం చేస్తాను అని ప్రామిస్ చేశాను. నువ్వు కూడా నావల్ల రోజు రెస్టారెంట్లో భోజనం చేయడం అంత మంచిది కాదు. ఎలాగూ నువ్వు ఇంటి దగ్గర నుంచి వస్తున్నావు కాబట్టి భోజనం చేసి రమ్మని అక్కతో చెప్పాను. ఇకపోతే,,,, నేను రమ్మన్నాను అని నువ్వు ఇక్కడికి రానవసరం లేదు. ఖాళీగా ఉన్నావ్ కదా అని ఒక పూట ఇక్కడికి వచ్చి వెళితే కేఫ్ చూసుకున్నట్టు ఉంటుంది అలాగే నీకు కాలక్షేపం …
