Maya Ka Saya – Episode 1

This story is part of the Maya Ka Saya series Yeh story hain 26 saal ke ladke Mohit ki, jiski zindagi me ek aesa daur aaya ki jisne uski zindagi ko badal diya. Aage ki kahaani Mohit ki jubaani suniye… Movie shuru hone me kuchh hi minutes bache thhe aur mujhe taiyar hokar jaldi se theatre pahuchana tha. Movie chhutne ka dar nahi tha, dar tha Dimple ke naraj hone ka. Dimple pichhle do saal se meri girlfriend hain. Waise hum ek dusre ko 4 saal se jaante hain aur saath college me padhe hain. Naam hi ki tarah uske gaalo par dimple padte hain jo mujhe bahut pasand hain aur uski khubsurti ko chaar chand lagaate hain. Dimple ko ek minute bhi movie ka chhutna pasand nahi hain, yaani mere late pahuchane ka matlab tha Dimple ke gusse ko sahna. Wo waise hi meri laparwahi aur latelatifi se bahut pareshan hain. Main jaldi se taiyar hokar theater par pahuch gaya, ticket to online pahle hi le liye the aur Dimple pahle hi waha ticket liye mera intejar kar rahi thi. Mujhe laga aaj phir daat padegi par mujhe dekh Dimple muskurayi to mujhe achchha laga. Hum dono theater me pahuche. Abi bhi movie ke pahle ke title chal rahe the to khairiyat thi ki …