#31
కొన్ని వేల సంవత్సరాల క్రితం ఒకానొక రాజ్యము, ఆ రాజ్యాన్ని పరిపాలిస్తున్న రాజుకి 6 గురు భార్యలు. ఆ రాజు రాజ్యాన్ని చాలా సమర్ధవంతముగా పరిపాలిస్తూ తన ప్రజలని చాలా బాగా చూసుకుంటున్నాడు. అలాగే యుద్ధవిద్యలలో ఆరితేరినవాడు. శత్రువు ఎవరైనా అతని రాజ్యంపై దండెత్తిన వారిని ఓడించి వాళ్ళ రాజ్యాన్ని తన రాజ్యంలో విలీనం చేసుకునేవాడు. తను మాత్రం రాజ్యకాంక్షతో వేరే రాజ్యాలపై దండెత్తేవాడు కాదు. ఇంకా అతని గురించి చెప్పాలంటే దైవభక్తి మెండు అలాగే మహా దానగుణం కలవాడు అందుకే అక్కడి ప్రజలకి రాజు అంటే ఎనలేని భక్తి.
ఇంతటి సద్గుణాలు కలిగిన అతనికి ఒకే ఒక బలహీనత ఉంది.అదే తనకి నచ్చిన స్త్రీ కనిపిస్తే ఆమెని మోహించడం. అయితే తాను రాజుని తనే ఇలా ప్రవర్తిస్తే రాజ్యంలోని ప్రజలు ఇంకెలా ప్రవర్తిస్తారో అని యోచన చేసి తన కోరికలని నియత్రించుకునేవాడు. అప్పటికి తన కోరికలను జయించలేక తన మనసుని దోచిన ఒక ఆరుగురిని వివాహమాడి వాళ్ళతో సంభోగాన్ని నడుపుతూ తన కోరికలను తీర్చుకుంటున్నాడు. అలాంటి వ్యక్తి జీవితంలోకి ప్రవేశించిన ఒకరి వల్ల అతని జీవన విధానమే మారిపోయింది.
ఒక రోజు ఆ రాజు వేటకి రాజ్యాన్ని ఆనుకుని ఉన్న అడవికి వెళ్ళాడు. అక్కడ జంతువులను వేటాడుతూ ఒక విచిత్రమైన జంతువు అతని కళ్ళకి కనబడేసరికి దాన్ని వేటాడతలచి వెంబడిస్తూ దాని వెనుకే వెళ్ళాడు. ఆ జంతువు రాజు నుంచి తప్పించుకుంటూ వెళ్లగా రాజు దాని వెనకే వెళ్తూ తన సైన్యం నుంచి వేరుపడ్డాడు. ఇదే అదునుగా ఆ జంతువు అతనిపై దాడి చేయసాగింది. అది చూసి రాజు కూడా దాన్ని ఎదుర్కొసాగాడు కానీ విచిత్రంగా ఎందరో శత్రువులను అవలీలగా ఓడించిన అతను ఆ జంతువు పై ఓటమిని ఎదుర్కొనే స్థితికి చేరి తన ప్రాణాలని పోగొట్టుకువడానికి సిద్ధంగా ఉన్నాడు.
తన ప్రాణాలు ఇంకాసేపట్లో పోతాయని రాజు అనుకుంటున్న సందర్భంలో ఎక్కడి నుంచి వచ్చాడో తెలియదు కానీ ఒక వ్యక్తి అక్కడికి వచ్చి ఆ వింత జంతువుతో పోరాడి దాన్ని ఓడగొట్టి చంపేశాడు. అది చనిపోగానే అక్కడ నుంచి ఒక మాయ రూపంలో మాయమయ్యిపొయింది. అది చూసి రాజు ఆశ్చర్యపోగా ఆ వ్యక్తి మాత్రం అదంతా తనకి అలవాటే అన్న మాదిరిగా చూసి రాజు దగ్గరికి వచ్చి అతన్ని పైకి లేపాడు. రాజు అతనికి ధన్యవాదాలు తెలుపుతూ
రాజు : ఎవరు నువ్వు
వ్యక్తి : నా పేరు పంచకుడు ప్రభు
రాజు : పంచకా నీవు ఇక్కడ ఏమి చేస్తున్నావు. ఆ జంతువు మాయమయ్యినా నీవు ఎందుకు …