Oka Koduku Prayanam | Emotional Telugu Story Series
రెండు మూడు రౌండ్స్ పూర్తయ్యేటప్పటికి గోవర్ధన్ గాడు లీడ్ లోకి వచ్చేశాడు . అప్పుడే ఐశ్వర్యను క్షమించమని వేడుకుంటున్నా నిన్ను చూసి , కృష్ణవేణి బాధపడుతుంటే తన ద్వారా మొత్తం తెలుసుకొని , ఇప్పుడు కోయిదా నీకు అన్యాయం చేస్తే , క్షేమంగా కిడ్నాప్ నుండి తిరిగివచ్చిన నా భార్య పాప నన్ను ఈ జన్మలో క్షమించరు . అందుకే వెంటనే సరిచేసి ఐశ్వర్య గెలిచేలా చేసాను అని చెప్పగానే , అన్నయ్యా అంటూ మోకాళ్లపై కూర్చున్నాను . మహేష్ బాధపడకు నేను అదే పరిస్థితుల్లో ఉన్నా మీ అక్కయ్యా పాప కూడా నీకోసం తమ ప్రాణాలైనా ఇచ్చి నిన్ను సంతోషంగా గెలిపించేవారు అని సంతోషంతో చెప్పారు .
అన్నయ్యా ఆశకు నేనంటే అంత ఇష్టమా అని అడిగాను . ప్రాణం మహేష్ రోజూ నిన్నే తలుచుకుంటుంది. నీ ప్రతిమను గుండెల్లో భద్రపరుచుకున్నట్లుగా చార్ట్ లో డ్రా చేసి దానితోనే అన్నయ్యా అన్నయ్యా ఎక్కడ ఉన్నారు అంటూ మాట్లాడుతూ నవ్వుతుంది , నీకు కనీసం చిన్న థాంక్స్ కూడా చెప్పలేదు అని బాధపడుతుంది అని అన్నయ్య మురిసిపోతూ చెప్పి , వస్తున్న కన్నీటిని బలవంతంగా ఆపుకున్నారు. అన్నయ్యా నేనంటే ప్రాణమిచ్చె పాపను నేను , మీ నుండి ఎలా దూరం కానిస్తాను అంటూ విశ్వ సర్ తో చిరునవ్వులు చిందిస్తున్న పాప ఫోటోను మొబైల్ లో చూపించాను . ఆశ అంటూ సంతోషంతో మొబైల్ అందుకొని లేచి ప్రక్క ఫొటోలో ఉన్న తన భార్యను కూడా చూసి మహేష్ పాప ఎక్కడ ఉంది అని ఆత్రంగా అడిగారు .
విశ్వ సర్ గురించి వివరించి ఆయన ఇంట్లోనే సేఫ్ గా ఉన్నారు అంటూ కాల్ చేసి ఆశ డార్లింగ్ నాన్నగారు మాట్లాడతారు అంటూ అందించాను . నా తల్లి అంటూ మాట్లాడి ఫోన్ లోనే ఆనందబాస్పాలతో ముద్దులుపెట్టి …….., వస్తాము తల్లి మీ అన్నయ్యను పిలుచుకొనివస్తాను అంటూ ముద్దులుపెట్టి , మహేష్ అంటూ నావైపుకు తిరిగి సంతోషం పట్టలేక గట్టిగా కౌగిలించుకొన్నారు.
అన్నయ్యా పాపను వెంటనే చూడాలని ఉంది అని చెప్పాను . అంతకంటే ముందు ఐశ్వర్యకు జరిగింది మొత్తం తెలిపి నీమీద ఉన్న కోపాన్ని తొలగించాలి పదా అని చెప్పారు . వద్దు అన్నయ్యా తను నిజాయితీగా గెలిచింది . మళ్లీ ఇదంతా చెప్పి బాధపెట్టడం ఇష్టం లేదు . ఇక నామీద కోపం అంటారా భరిస్తాను . తన కోపం తీరేంతవరకూ క్షమాపణలు చెబుతూనే ఉంటాను . తప్పు చేసింది నేను కాబట్టి తన కోపం అనే శిక్షను కూడా సంతోషన్గా అనుభవిస్తాను అని చెప్పి బయటకు వచ్చేన్తలో , ఐశ్వర్య కళ్ళల్లో నీళ్లతో ఆఫీస్ రూంలోకి వెళ్ళిపోయింది . కింద ఒక్క స్టూడెంట్ కూడా కదలకుండా ఉండటం చూసి అన్నయ్యా విక్రమ్ సర్ ఐటి అడ్రస్ అని చెప్పి మీరు …
