06
రెండు గంటలు అవుతుండగా మూర్తి ఇంటికి తిరిగి వచ్చాడు…
లోపలికి వస్తూనే తనకు ఎదురొచ్చిన కోడలి మొహంలో సంతోషం చూసి ‘ఏంటమ్మా విశేషం..?’ అని అడగబోయి, వెంటనే గదిలోంచి బయటకు వస్తున్న కొడుకుని చూసి, “ఎప్పుడొచ్చావ్ రాజా..? నీ భార్య తండ్రి ఇప్పటికి గుర్తొచ్చారా..??” అని అడగ్గానే “మిమ్మల్ని ఎప్పుడూ మర్చిపోలేదు నాన్నగారు..” అని ఆయన కాళ్ళకి నమస్కారం చేసి ఆశీర్వాదం తీసుకుని, ఎదో చెప్పబోతుంటే “ముందు ఇద్దరూ భోజనం చెయ్యండి..” అని గీత నవ్వుతూ అంటూ ఇద్దరినీ భోజనానికి లేపింది..వడ్డించింది..కొసరి కొసరి వడ్డించి, మొగుడికి బాగా పెట్టింది…
మాటల మధ్యలో కుమారి మరిది రవి గురించి భర్త ను అడిగింది…
“హ్మ్మ్..వాడు బానే ఉన్నాడు లే..college కి వెళ్ళి వస్తున్నాడు..బాగానే చదువుకుంటున్నాడు..” అని చెప్పి, భోజనం పూర్తి చేశాక తండ్రి కొడుకులిద్దరూ కూర్చొని డబ్బు గురించి మాట్లాడుకున్నారు…
“నాన్న మొత్తం ప్లాన్ చేసుకున్నాను, డబ్బు కట్టేసి, మంచి రోజు చూసి, మొదలు పెట్టటమే ఆలస్యం..” అన్నాడు సూర్యం ఆశగా తండ్రి వంక చూస్తూ…
“ఎంత కావాలి..?”
“50 లక్షలు..”
“నేను 5,000 తో వ్యాపారం మొదలుపెట్టి కష్టపడి ఈ స్థాయికి వచ్చాను..నువ్వు ఇప్పుడే, ప్రారంభించటాని కే, 50 లక్షలు అంటే ఎలా..?మన దగ్గిర ఇప్పుడు అంత డబ్బు కూడా లేదు, ఏం చేద్దాం..?” అని ఆయన అంటూంటే సూర్యం “మీరే ఏదో ఒకటి చెయ్యాలి నాన్న..ఇది నా కల, చదువయ్యాక తమ్ముడు కూడా నాతో కలిసి ఇదే కొనసాగిస్తాడు..నాకు ఆ నమ్మకం ఉంది నాన్న..”
“సరే..చూద్దాం..” అని క్షణం ఆలోచించి, “నాతో రా..” అన్నాడు ఆయన తాను పైకి లేస్తూ…
తండ్రి కొడుకులు ఇద్దరూ బయటకు వెళ్లారు…
వాళ్ళను అటు పంపించి బెడ్రూం లోకి వచ్చి ఫోన్ చూసిన కుమారికి, ఉష నుంచి 5 missed calls కని పించాయి ఆ ఫోన్ లో…
వెంటనే ఆమె ఉష కు ఫోన్ చేసి “అక్కా ఎలా ఉన్నావు..?” అని ఆడగగానే “ఏంటి కుమారీ ఇంటికెళ్లాక నన్ను పూర్తిగా మర్చిపోయావు కదూ..?!!” అని నిష్టూర్యం ఆడింది ఉష…
“లేదక్కా ఆయనొచ్చారు..మామ గారితో బిజినెస్ గురించి మాట్లాడుతున్నారు, నేను అక్కడే ఉండి చూసు కోలేదు..” అంది ఎక్స్ప్లనేషన్ గా…
ఇద్దరూ పిచ్చాపాటి …
