స్పందించిన ప్రతీ ఒక్కరికీ ధన్యవాదములు.
-x-x-x-
166
స్వాతి మౌనంగా తలూపుతూ, “మొత్తం చెప్పాలి. కుసుమమ్మ వచ్చాక, మనం బయటకు పోదాం అప్పుడు మొత్తం చెప్పు” అని నాతో ఒట్టు పెట్టించుకున్నాక కానీ తను శాంతించలేదు. నేను మౌనంగా ఒట్టు పెట్టేశా.. కారణం! అమ్మకి ఫోన్ చెయ్యడం అమ్మమ్మ ఆడిన డ్రామా!! అమ్మ ఏమీ రావట్లేదూ…… తనకి మేమేమీ నిజాలనీ, మొత్తం స్టోరీనీ చెప్పబోవట్లేదూ……
నా నింజా అమ్మమ్మ, నాన్న మీద,నింజా టెక్నిక్స్ లో చెప్పబడే “బో ర్యాకూ” టెక్నిక్తో ఎటాక్ చేసింది. కత్తులూ సుత్తులూ పట్టుకోనక్కర్లేదు. ఆ టెక్నిక్ వాడి, స్కెచ్ వేసి శత్రువుని పడగొట్టచ్చు. అదే చేసింది. ఏంట్రా? అమ్మమ్మ అమ్మకి ఫోన్ చేసింది కదా? లోకేషన్ కూడా పెట్టింది కదా అంటారా? అమ్మమ్మ ఫోన్ చేసింది అమ్మకి కాదు. అమ్మకి ఫోన్ చేసినట్టు నటించింది కానీ, అసలు ఎవరికీ ఫోన్ చెయ్యలేదు.
వాట్సాప్ లొకేషన్ మాత్రం నిజం. కానీ అది అమ్మ ఫోనుకి పంపించలేదు. నా ఫోనుకి పంపించింది. ఎప్పుడో నేను సర్టిఫికెట్లో పేరుని వేలితో మూసి విజయకి చూపించినట్టే, కాంటాక్ట్ పేరు మీద వేలు పెట్టి లోకేషన్ పంపించింది అది. నా జేబులో ఉన్న నా ఫోనే వైబ్రేట్ అయ్యింది. అమ్మమ్మ మొహంలోని కన్నింగ్ లుక్ అర్థం చేసుకుని, నేను కూడా దీన్నే అవకాశంగా వాడి, స్వాతక్కకీ నిజం చెప్పేశా.
అక్కడ, నా నింజా స్ట్రోక్ దెబ్బకి, నాన్న విలవిలలాడుతూ కాళ్లబేరానికి వచ్చేశాడు. ఇటు స్వాతక్క కూడా నా బుట్టలో పడిపోయింది. పాపం! అది అమ్మ వస్తోందీ అన్న టెన్షన్లో గంతులెయ్యకుండా ఆగింది. కాసేపటి తర్వాత ఇప్పుడు ఉన్నంత ఆవేశమూ-వేడీ ఉండవు కదా? సరే! ఇక్కడ దీని పరిస్థితి ఇలా ఉంటే, నాన్న సంగతేంటో చూద్దాం. అమ్మమ్మ కరెక్టుగా నాన్న వీక్ పాయింట్ మీద కొట్టింది.
అమ్మ ముందర నాన్న పేంట్ ఊడదీసి నుంచోబెడతా అని అమ్మమ్మ బెదిరించేసరికి, మొండిగా పొగరుగా నుంచున్న నాన్న కాస్తా కాళ్ల బేరానికి వచ్చేశాడు. నాన్న అమ్మమ్మ ముందర మోకాళ్ల మీద కూలబడిపోయి, “ఇక్కడకి ఇప్పుడు బంగారం దేనికి? అది వయొలెంట్. ఏదైనా దుందుడుకు నిర్ణయం తీసుకుంటే? వద్దు అక్కా. తనని రావద్దని చెప్పు” అని బ్రతిమలాడుతున్నాడు.
అమ్మమ్మ, కాలి మీద కాలేసుకుని ఠీవీగా వెనక్కి జరిగి కూర్చుంటూ, నా వైపు చూస్తూ, “మీ అమ్మ రావడం పక్కా. ఈలోపు నిజాలన్నీ చెప్పేస్తే, ఆ భ్రమర బుట్టలోకి ఎలా లాగిందో, దాని ప్లాన్ ఏంటో? మొత్తం చెబితే, మీ అమ్మని ఆపడం గురించి ఆలోచిస్తా అని మీ అయ్యకి చెప్పండి దొర వారూ” అని …
