మదన సుందరి – 131 వ భాగం – Continuation – 1
రచన: గుడ్ మెమొరీస్
This Episode 14 Pages – Posted on ఏప్రిల్ 24, 2024
============================================
(మీ అభిప్రాయాలను nrtalkies@gmail.com కి తెలియచేయండి)
============================================
– 4 –
ఈవిషయం ఇంకా అప్పటికి రమణి గమనింపుకు రాలేదు. రమణి తన మానాన తను ఓ మంచి పిల్లలా క్లాసులో కూర్చున్నాది. కానీ ఇంగ్లీషు మాష్టారు పదే పదే తనవైపే చూస్తుండడంతో ఈరోజు మాష్టారికి ఏమయ్యింది..? ఈయన ఎందుకు పదేపదే నన్నే చూస్తున్నారు..? అనుకున్నదే కానీ తల కిందకు దించి తనను తాను చూసుకోలేదు.
రమణి చదువుతున్న తరగతి గదికి అటుపక్క ఇటుపక్క రెండు గుమ్మాలు ఉంటాయి. సరిగ్గా గుమ్మాలకు ఎదురుగా రెండు పెద్దపెద్ద కిటికీలు ఉంటాయి. ఆ కాలేజ్ లో అన్ని తరగతి గదులకు ధారాళంగా గాలి వెలుతురు వస్తుంది. కాలేజీ చుట్టూ ప్రహరీగోడ లేదు. అదీ కాక కాలేజీ చుట్టూ పంటపొలాలు మామిడితోపులు ఉంటాయి. ఈ పంట పొలాలు మామిడి తోపుల వల్ల సాయంత్రం ఆ తరగతి గదుల కిటికీలను తలుపులను గట్టిగా బిగించి ముయ్యకపోతే తెల్లారేప్పటికి తరగతి గదుల నిండా చిన్న చిన్న పురుగులు గుట్టలు గుట్టలుగా పేరుకుపోతాయి. అదేకాకుండా ఒక్కోసారి పాములు కూడా పిల్లల పుస్తకాల సొరుగుల్లో బజ్జుంటూ ఉంటాయి. అందుకే సాయంత్రం కాలేజీ అయిపోయాక అన్ని తరగతి గదుల కిటికీలు మూసి లోపలివైపునించి గడియలు పెడతారు. అలాగే తరగతి గది ఒక గుమ్మం తలుపు లోపలి వైపునించి గడియవేసి రెండవ వైపు గుమ్మానికి బయట వైపునించి తాళం వేస్తారు. ఈ తరగతి గదుల కిటికీలు తలుపులు మూసే బాధ్యత ఆ ఆ తరగతి గదుల్లో ఆఖరి పీరియడ్ పాఠం చెప్పే మాష్టారిదే..! పొద్దున్న తరగతి గదులను ఊడ్చి సుబ్బరం చేసే పనివాళ్ల బాధ్యత ఏంటంటే, తరగతి గది సుబ్బరం చేసే ముందు ప్రతీ కిటికీ తీసి ప్రతీ బల్లకింద అలాగే పిల్లలు పుస్తకాలు పెట్టుకునే బల్లల సొరుగుల్లో పురుగులు పాములు లేకుండా చూసి తరువాత తరగతి గదులను సుబ్బరం చెయ్యాలి. ఈ పురుగులు పాముల బెడద వల్ల ఈ కాలేజీలో తరగతి గదులను సుబ్బరం చెయ్యడానికి మామూలుగా కున్న మరో ముగ్గురు పనివాళ్లను ఎక్కువగా నియమించింది ఆ కాలేజీ ని నిర్వహించే వీళ్ళ కంపెనీ యాజమాన్యం.
ఇంతలో ఇంగ్లీషు మాష్టారు రోజూలా పాఠం చెప్పకుండా, క్లాసులో పిల్లలు వేసవి సెలవులకు తమతమ తాతగారి ఊరు …
