స్పందించిన ప్రతీ ఒక్కరికీ ధన్యవాదములు.
-x-x-x-
82
ఆ ఒక్క మాట కోసమే కదా? మేమిద్దరమూ ఇంత డ్రామా ఆడుతోంది?? ఆ మాట మా నోటి వెంట ఎట్టి పరిస్థితులలోనూ రాకూడదు. అందుకే అమ్మమ్మతో కలిసి నేను ఈ డ్రామా ఆడాను. ఇప్పుడు విషయం పెర్ఫెక్టుగా ఉంది. అది గంజాయి పంట అని ముందర మేము అంటే, అది మీరే పెంచుతున్నారేమో? అని మొత్తం గూడెం వాళ్ల మీదకి తోసే ఛాన్స్ ఉంది. అదే ఆఫీసర్ నోటి వెంట ఆ మాట వస్తే కనుక, ఆ మొక్కలేంటో మాకు తెలియదూ అని వాళ్లందరూ ఒప్పుకున్నట్టు కదా? ఇది అసలే ఓ పంచాయతీ. కనుక అన్నీ రాసుకోవడం జరుగుతోంది. ఆ యాంగిల్లో గూడెం సేఫ్.
ఇంక మిగిలిన పాయింట్.. వాళ్ళిద్దరూ వాళ్లంతట వాళ్లే మంటల్లోకి పరిగెత్తారు, కాపాడబోయిన మన వాళ్లు నలుగురు స్పృహ కోల్పోయి సీరియస్గా ఉన్నారు. ఈ మాట అమ్మమ్మకి చెప్పినట్టు చెప్పి, నేను ఆఫీసరుకి కన్వే చేసేశా. మిగిలింది లా & ఆర్డర్. అది కాసులు తాత చూసుకోగలడు. నేను మౌనంగా నుంచుని ఉన్న తాత పక్కకి వెళ్లి, “తాతగారూ ప్లీజ్… దయచేసి, నేను సెట్ చేసిన స్టోరీనే ముందరకి తీసుకుని వెళ్లండి. మీరు ఇంకోటి చెప్పద్దు. అన్నీ ఆలోచించే, నేనూ అమ్మమ్మా ఇది మొదలెట్టాం అర్థం చేసుకోండీ” అని ఆయన చెవిలో గొణిగి, ఏమీ ఎరగనట్టు జేజి పక్కకి పోయి నుంచున్నా.
పొద్దున్న ఎలుగుబంట్ల దాడిలో దెబ్బలు తిన్న అన్నకి స్పృహ తెప్పించడం కోసం నేను కోసుకుని వచ్చిన ఆకులనే పిండి వాటి వాసనని స్పృహ తప్పిన వాళ్లకి చూపిస్తోంది జేజి. “ఇవేం ఆకులు జేజి మామ్మా?” అంటూ డౌట్ అడిగా. “రసాంగి ఆకులు బుడ్డోడా. ఎటువంటి మత్తులోంచి అయినా, ఇవి బయటకు పడేస్తాయి. చిత్రంగా ఈ నలుగురి మీదా అంతగా పనిచెయ్యట్లేదు. తెలివి వచ్చినట్టే వచ్చి, మళ్లీ మగతలోకి జారిపోతున్నారు” అంతూ నుదురు రుద్దుకుంటూ మందుల డబ్బాలోంచి ఇంకో రకం పసరు తీసి వాడడం మొదలెట్టింది. కాసులు తాత ఆఫీసర్లతో కేస్ రాయిస్తున్నాడు.
అంతకు ముందు జీపులో పెద్ద పులిని వేసుకుని వెళ్లిన బ్యాచ్ ఫోన్ చేశారు. పెద్ద పులిని వాళ్ల డాక్టర్ చూశాడంట. “రెండు ఎముకలు విరిగాయీ, ఓ రెండు నెలలు మన దగ్గరే పెట్టుకుని నయం అయ్యాకే అడవిలోకి వదలాలీ. పై ఆఫీసర్లకి చెప్పు ఈ …
