పాఠక మిత్రులారా! ఒక చిన్న విన్నపము !! అన్యధా భావించవద్దు.
ఎంతో మంది కథ చదువుతున్నారు. నైస్ అప్డేట్ అనో గుడ్ అప్డేట్ అనో ఒక్క రెండు ముక్కలు వ్రాస్తే మీ సొమ్మేమీ పోదు కదా? అట్లానే లైకులూ [] రేట్లూ [] కొట్టినా మీకు కలిగే నష్టం ఏమీ ఉండదు.. కానీ కష్టపడి కథలు వ్రాసే రచయితలకు మాత్రం ఎనలేని ఉత్సాహాన్ని కలుగచేస్తాయి అవి.
దయచేసి గమనించగలరు. సైలెంటుగా చదివి వెళ్ళిపోకుండా, మీకు నచ్చితే ఒక చిన్న షాభాషీ ఇవ్వండి. నాకు మరింత ఎనర్జీతో తరువాయి అప్డేట్ వ్రాయడానికి ఎంతో దోహదపడతాయి. నచ్చకపోతే ఎందుకు నచ్చలేదో చెప్పండి. సరిచేసుకోవడానికి ప్రయత్నం చేస్తాను.
=========
ప్రస్తుతం: (ఇప్పటిదాకా చెప్పిన కధ ఇండెక్సు : [1 – 100] , [101 – ] )
21.2 పాత పప్పలూ – కొత్త గొడవలూ – 2
నేను ప్రశాంతంగా ఆయమ్మ పక్కనుంచి లేచి, పెద్దీ ఒడిలో తలెట్టి పడుకుని, “పెద్దీ! లల్లీకి ఏమైనా నా అవసరం పడితే లేపవే” అంటూ కళ్ళుమూసుకున్నాను. నేనలా చనువుగా పెద్దమ్మ తొడమీద తలపెట్టి పడుకోగానే, కొంతమంది కనుబొమ్మలు ఆశ్చర్యంతో పైకి లేచాయి. కొంతమంది కనుబొమ్మలు అనుమానంతో ముడిపడ్డాయి. నేను వాళ్ళందరి ముఖాల్ని ఒక స్కాన్ చేసి, పెద్దమ్మ పొట్టకేసి తిరిగి, కళ్ళు మూసుకున్నాను. పెద్దమ్మ ఎటువంటి వికారమూ లేకుండా కేవలం ఆప్యాయతా-ప్రేమతో నా తల రాయడం మొదలెట్టి, లల్లీ ఫైటింగుని ఆస్వాదిస్తూ నా భుజమ్మీద దాని ఫైటింగ్ స్టెప్స్ కి అనుగుణంగా రిథమిక్గా జోకొట్టసాగింది. వారం రోజులనుంచీ అలిసిపోయి ఉన్న నేను, పెద్దీ మృదువైన అరచేతులు నన్ను జోకొడుతూ ఉంటే, పక్కనే లల్లీ ఒంటరిగా రణం చేస్తున్నా, రణగొణధ్వని విపరీతంగా ఉన్నా కూడా, సమ్మగా పెద్దీ తొడల మెత్తదనాన్ని నా తలా, మెడా ఆస్వాదిస్తూ, కళ్ళు మూతలు పడి పడుకుండిపోయాను. పెద్దీ లేవరా అని తట్టి లేపేసరికి, ఒక్కసారిగా ఉలిక్కిపడి లేచి చూసేసరికి, మొత్తం 21 మంది రౌడీలు కాళ్ళూ చేతులూ విరగ్గొట్టుకుని, నేలమీద పడి బాధతో అరుస్తూ దొర్లుతూ ఉన్నారు. రోజా, గంగా, పెదనాన్నా వాళ్ళకి ఫస్టెయిడ్ చేస్తూ ఉన్నారు. సినాలీ, రెండో నర్సూ కూడా ఖంగారుగా అటూ ఇటూ పరిగెడుతూ మా డాక్టర్లకి అసిస్ట్ చేస్తూ ఉన్నారు. పెద్దమ్మ కూడా వాళ్ళకి సాయంగా వెళ్ళాలనే నన్ను తట్టి లేపింది.
లల్లీ వేసుకున్న రామ నీలం షర్ట్ కాస్తా, డిజైనర్ వేర్ లాగా, నీలం, ఎరుపు రంగుల్లోకి మారిపోయింది. దాని చేతులు రెండూ గోరింటాకు పెట్టుకుంటే పండినట్టు ఎర్రగా ఉన్నాయి. అదింకా ఆవేశంతో రొప్పుతూ ఉంది. నేను లేచి, అమ్మమ్మ కాళ్ళకి ఆనుకోగానే, పెద్దమ్మ కూడా లేచి, ఇంట్లోంచి స్టెత్ తీసుకొచ్చుకుని, కాళ్ళూ చేతులూ విరిగి దొర్లుతున్న వాళ్ళకి ఫస్ట్ ఎయిడ్ చెయ్యసాగింది. …
