పాఠక మిత్రులారా! ఒక చిన్న విన్నపము !! అన్యధా భావించవద్దు.
ఎంతో మంది కథ చదువుతున్నారు. నైస్ అప్డేట్ అనో గుడ్ అప్డేట్ అనో ఒక్క రెండు ముక్కలు వ్రాస్తే మీ సొమ్మేమీ పోదు కదా? అట్లానే లైకులూ [] రేట్లూ [] కొట్టినా మీకు కలిగే నష్టం ఏమీ ఉండదు.. కానీ కష్టపడి కథలు వ్రాసే రచయితలకు మాత్రం ఎనలేని ఉత్సాహాన్ని కలుగచేస్తాయి అవి.
దయచేసి గమనించగలరు. సైలెంటుగా చదివి వెళ్ళిపోకుండా, మీకు నచ్చితే ఒక చిన్న షాభాషీ ఇవ్వండి. నాకు మరింత ఎనర్జీతో తరువాయి అప్డేట్ వ్రాయడానికి ఎంతో దోహదపడతాయి. నచ్చకపోతే ఎందుకు నచ్చలేదో చెప్పండి. సరిచేసుకోవడానికి ప్రయత్నం చేస్తాను.
=========
ప్రస్తుతం: (ఇప్పటిదాకా చెప్పిన కధ ఇండెక్సు : [1 – 100] , [101 – ] )
20.3 పాత పురాణాలు – కొత్త కోరికలు – 3
నా కళ్ళు ఆటోమాటిక్గా ఎరుపెక్కుతూ, నా దవడ కండరాలు బిగుసుకుంటూ ఉంటే, అవీ సవీ ఇద్దరూ నా కళ్ళల్లోని ఎరుపు జీర, నా మొహంలోని కోపమూ చూసి రెండువైపులనుంచీ లల్లీని గట్టిగా పట్టుకున్నారు. లల్లీ నా చేతులు పట్టుకుని, “విన్నూ! ఆగు పూర్తిగా విందాం! విని ఏం చెయ్యాలో అదే చేద్దాం! వదిలేది మాత్రం లేదు! ఆగు ప్లీజ్! వీళ్ళు భయపడుతున్నారు!” అంటూ నా చేతులమీద నిమురుతూ ఉండేసరికి, నా విచక్షణ నా కోపాన్ని కొంచెం కంట్రోల్ చేసింది. నేను లేచి సిగరెట్టు వెలిగించి, “సారీ! చెప్పండి! కోపాన్ని కంట్రోల్ చేసుకోలేకపోయా!” అని గట్టిగా శ్వాస బయటకు వదిలి, వాళ్ళని చెప్పమంటూ దమ్ము కొడుతూ అటూ ఇటూ తిరగసాగను. సవీ “మగడా! మీ నాన్నగారు వాళ్ళు చేసే స్మగ్లింగ్ వ్యాపారానికి అడ్డు వస్తునారు అని ఆ యంపీ ఎవరికో సుపారీ ఇస్తేనే, మీ ఇంటిమీద దాడి జరిగింది. మీరిరువురూ వాళ్ళని పారద్రోలారు. తర్వాత ఆ యంపీ సుపారి వేరేవాళ్ళకి ఇస్తే, వాళ్ళు చేసిన అటాక్లో మీ నాన్నగారు తీవ్రంగా గాయపడి మరణించారు.
ఈ మొత్తం విషయంలో మీ నాన్నగారిని కోయంబత్తూర్ ట్రాన్స్ఫర్ చేయించడంలో మాత్రమే పారూ వాళ్ళ నాన్న గారి హస్తం ఉంది. అక్కడికి పంపిస్తే, కొత్త ఊరిలో మీ నాన్నగారిని చంపడానికి సులువవుతుందని ప్లాన్ చేసి యంపీ పారూ వాళ్ళ నాన్నకి బోలెడంత లంచం ఇచ్చి ట్రాన్స్ఫర్ చేయించాడు. పారూ వాళ్ళ నాన్న, ఆ డబ్బుకి కక్కూర్తి పడి, మీ నాన్నగారిని ట్రాన్స్ఫర్ చేయించాడు. ఆ యంపీ చేసే దొంగ వ్యాపారమేమిటో తెలిస్తే, మీరు షాకవ్వుతారు. మేము చంపిన మనుషులు ఇతని మనుషులే. దొంగ విగ్రహాల స్మగ్లింగు విషయం పారూ వాళ్ళ నాన్న తన పాత పరిచయాలతో కనుక్కుని యంపీకి చెబుతే, యంపీ పారూ వాళ్ళ నాన్నకి లంచం ముట్టచెప్పి, తన మూకని ఆ విగ్రహాలని కొట్టెయ్యడానికి పంపాడు. వాళ్ళ ఖర్మ కాలి మీ అమ్మగారు అప్పుడే నీకు పుట్టినరోజున వండిపెట్టాలి అని కోరిక కోరితిరి. మేము మా నిజ రూపము చూపించేసరికి సగం మంది చచ్చితిరి. మిగిలిన సగం …
