రోజూకంటే కాస్త ముందుగానే అంటే చీకటి ఉండగానే మేల్కొన్నాను . జీవితాంతం ఇక ఇలానే హాయిగానిద్రపోవాలన్న మాధుర్యపు అనుభూతితో నిద్రపోతున్న మహీ నుదుటిపై పెదాలను తాకించాను .
ఆ చిన్న ముద్దుకే పెదాలపై తియ్యదనంతో మ్మ్మ్ …… అంటూ నన్ను మరింత అల్లుకుపోయింది .
అంతే తియ్యదనంతో నవ్వుకుని , మహి బుగ్గను ప్రేమతో స్పృశిస్తూ ……. మహీ , నదీ అమ్మ దగ్గరికి వెళ్లివస్తాను – అంతవరకూ హాయిగా నిద్రపో – మన మిత్రుడు తోడుగా ఉంటాడులే అంటూ అతినెమ్మదిగా మహి కౌగిలి నుండి వేరయ్యాను .
మా మంచి మహి అంటూ పెదాలపై తాకీతాకనట్లుగా చేతితో ముద్దుపెట్టి లేచాను .ఆ సమయానికి చలి ఎక్కువగా ఉండటం – అప్పటివరకూ నా హృదయంపై వెచ్చగా నిద్రపోయినట్లు నేను వేరవ్వగానే వణకడం చూసి చిరునవ్వులు చిందిస్తూ వెంటనే ప్రక్కనే చేరి మహి చేతిని అందుకున్నాను . లేదు లేదు లేదు వెచ్చగా నిద్రపో మహీ అంటూ బుగ్గపై వెచ్చనైన ముద్దులుపెట్టాను .
ప్రతీ ముద్దుకూ మహి పెదాలపై తియ్యదనం – ముచ్చటేసి అలా చూస్తూ ఉండిపోవాలనిపిస్తోంది . మహీ …… అమ్మ ఒడిలో సూర్యవందనం చేసుకుని వెంటనే వచ్చేస్తాను అంటూ మల్లెమొగ్గలతో ప్రక్కనే రాసి , మహికి వెచ్చదనం కోసం భుజాలవరకూ పూలను దుప్పటిలా కప్పాను .
వెచ్చగా ఉన్నట్లు అనుభూతి …
