Shaadi Ke Baad – 25

Shaadi Ke Baad – Part 25 story update Supriya ke mann mein hulchul ho rahi thi. Jab tak woh Megha ke saath baithi baat kar plan bana rahi thi tab tak toh sab acha hi lag raha tha par ab akele mein use ye poore idea hi galat lag raha tha. Baar baar uske dimaag mein pic. Rahul ko Atul aur Supriya ke ghar aaye kayi hafte ho chuke they. Us din Supriya ko kiss karne ke baad uski himmat hi nahi hui ki woh wapas wahan jaaye. Pata nahi us par kaun sa bhoot sawaar ho gaya th. Update 25 Supriya ke mann mein hulchul ho rahi thi. Jab tak woh Megha ke saath baithi baat kar plan bana rahi thi tab tak toh sab acha hi lag raha tha par ab akele mein use ye poore idea hi galat lag raha tha. Baar baar uske dimaag mein pichli kafi saari baatein hi ghoom rahi thi. Par Megha ne use samajhaya tha ki apne darr par kabu paane ke liye use ek baar toh ye karke dekhna hi hoga. Aur kuch aisa karenge ki Supriya agar kahin mushkil main fas jaye toh Megha use aa kar nikal le. Usse bhi jyada, shayad jiske baare mein Supriya soch rahi thi, woh toh shayad pehle se hi tadap raha tha usse milne ko. Rahul ko Atul aur Supriya ke ghar aaye kayi hafte ho chuke they. Us din Supriya ko kiss karne ke baad uski himmat hi nahi hui ki woh wapas wahan jaaye. Pata nahi us par kaun sa bhoot sawaar ho gaya tha us din. Woh sochta rehta ki woh aisa ladka toh nahi hai jo kisi aur ki wife ko kiss kar de, aur woh bhi aise ladki jo use bahut achi lagti thi. Us tarah se nahi, par haan shayad us tarah se bhi. Pata nahi woh buri tarah confused tha. Supriya uski nazar mein har tarah se perfect thi, ek biwi ki tarah, ek dost ki tarah, ek khoobsurat ladki ki tarah, har tarah se.  Par ab na toh woh uska phone utha rahi thi na hi uske messages ka jawaab de rahi thi. Shayad woh kafi gussa thi usse, aur ho bhi kyun na. Par fir woh sochta ki is sab mein poori tarah se uski galti toh nahi thi, aakhir Atul ne kyu use itna kuch bataya aur kyu Supriya uske kandhe par sir rakh kar ro rahi thi. Fir jab woh aur sochta rehta toh jawab bhi apne aap se hi mil jaata, Supriya toh use ek acha dost samajhti thi aur woh… Kam se kam dosti ke bahane hi sahi woh Supriya se pehle mil toh paata tha, use dekh toh paata tha. Ab toh uska bhi chance nahi tha. Atul bhi ab usse thoda door door rehta tha, waise bhi woh uska senior tha. Aaj kal toh saare important clients usko hi milte they aur office mein uske promotion ki baat chal rahi thi. Is sab se use bahut jalan hoti thi, kitni achi life thi uski – itni sundar biwi aur job mein bhi tarraki. Kafi lucky thi sach mein Supriya uske liye, jab se woh uski life mein aayi thi, Atul ki toh kismat bas upar ki aur hi thi. Pichle 3-4 hafto mein uska dhyan kaam se bilkul hat sa gaya tha. …