సామంతరాజులు : ముందుకువస్తే మిమ్మల్నీ వివస్త్రులను చెయ్యాల్సివస్తుంది రాణులూ …….. అంటూ తల్లుల ఒంటిపై చేతులు వెయ్యబోయారు .
ఆ ఆరాచకాన్ని చూస్తూ ఇక ఊరికే ఉండలేకపోయాను – దుర్గమ్మ తల్లీ ఇక మీపైనే భారం అంటూ వెనుక నుండి మూడు బాణాలను నాలుగు వేళ్ళతో అందుకుని చెట్టు చాటునుంది బయటకువచ్చి ఒకేసారి వదిలాను .
ఒక్కసారిగా మూడు బాణాలు వాయువేగంతో వెళ్లి ముగ్గురి సామంతరాజుల అరచేతులను చిట్లిపోయేలా చీల్చేశాయి .
ముగ్గురు తల్లుల వస్త్రాలకు ఇంచు దూరంలో భయంకరమైన నొప్పితో హాహాకారాలు ఉద్యానవనం మొత్తం వినిపించాయి .
ఆ కంగారులో సైనికులు ఎక్కుపెట్టిన బాణాలు విడుదల అవ్వడంతో పిల్లలూ పిల్లలూ …… అంటూ రాణులు గట్టిగా కేకలువేశారు .
అధిచూసి వెంటనే మరొక మూడు బాణాలను అందుకుని అంతకు రెట్టింపు వేగంతో గురిచూసి వదిలాను .
పిల్లల గుండెల్లోకి దిగడానికి కసింత దూరంలో నా బాణాలు ….. ఆ బాణాలను గురితప్పించడంతో రాణులు – తల్లులు – బంధింపబడిన తండ్రులు ఊపిరిపీల్చుకున్నారు .
సామంతరాజులు చేతులను మరొకచేతితో పట్టుకుని ఇంకా నొప్పితో కేకలువేస్తూనే ఉన్నారు .
బాణాలు వదిలినవాడు ఎవడు ? – ఎటువైపు నుండి వచ్చాయి ? అంటూ చుట్టూ చూస్తున్నారు మహారాజు – సామంతరాజులు …….
అటువైపు మహారాజా అంటూ నావైపుకు బాణాలను ఎక్కుపెట్టారు వందలమంది సైనికులు , అంతటితో ఆగకుండా మరొక వందమంది నావైపుకు కత్తులతో – ఈటెలతో నావైపుకు పరుగునవస్తున్నారు .
మహారాజు : వాడిని ఖండఖండాలుగా నరికేయ్యండి – వొంట్లోకి కనీసం వంద బాణాలైనా దిగాలి .
వీరాధివీరా జాగ్రత్త అంటూ కంగారుపడిపోయారు బుజ్జాయిలు రహస్య మార్గంలో ………
బుజ్జాయిలవైపు కన్నుకొట్టి , ఎవరు ఎవరి ఒంట్లో ధింపుతారో రండి అంటూ ధనుస్సును కిందకువదిలి చేతులతో రెండు కత్తులను అందుకుని నావైపుకు వస్తున్న వందమంది మీదకు విరుచుకుపడ్డాను , చేతులు – వేళ్ళు – చెవులు ……. తెగ నరుకుతూ నేరుగా వెళ్లి మహారాజు ముందు నిలబడ్డాను గర్వంగా ……..
గుంపులో ఎవరెవరికి ఏమేమి తేగాయో చూసుకుని హాహాకారాలతో నొప్పిని అనుభవిస్తున్నారు .
మహారాజు : ఊహించనట్లుగా నుదుటిపై చెమటతో వెనక్కు అడుగులువేసి , ఇంకా చూస్తున్నారే వీడిపై బాణాల వర్షం కురిపించండి .
రాణి అయితే కదలకుండా చూస్తూ ఉండిపోయారు .
కురిపించండి కురిపించండి ……. , ఇక్కడ నాపై బాణాల వర్షం కురిస్తే అక్కడ రాజ్యపు పొలాలలో మీ యువరాజుపై బాణాల వర్షం కురుస్తుంది .
మహారాజు : నా బిడ్డ ……. , ఆగండి అంటూ రెండుచేతులతో సైగలుచేశాడు .
అవును మీ ఒక్కగానొక్క వారసుడైన యువరాజు మా బానిసగా ఉన్నాడు .
మహారాజు : నేను నమ్మను …….
బుజ్జాయిలూ ధైర్యంగా రండి .
వీరాధివీరా వీరాధివీరా ……. అంటూ బుజ్జాయిలు పరుగున రావడం – మీరు ఉండగా మాకెందుకు భయం మీకేమీ కాలేదుకదా అంటూ నా గుండెలపైకి చేరడం ముద్దులుపెట్టడం చూసి నోటివెంట మాట రాలేదు …
