Mahesh.thehero
కృష్ణా …….. చిన్నన్నయ్య ఇంటికి పోనివ్వు .
కృష్ణ : మహేష్ …….. అంతంత మాటలు అన్నాక కూడా , నిన్ను మనిషిగా కూడా చూడని వాళ్ళను అన్నయ్యలూ అని ఇంకా ప్రేమతో పిలవడం అవసరమా – తప్పుగా మాట్లాడితే క్షమించు …….. , నా ఫ్రెండ్ ను అలా అంటే నేను తట్టుకోలేను – ఈ విషయం అంటీవాళ్లకు తెలిస్తే మరింత బాధపడతారు .
బుజ్జితల్లులకు – బుజ్జాయిలకు ……. తండ్రి అవసరం ఎప్పటికైనా ఉంటుంది కదా , దానికోసం ఎన్ని మాటలైనా పడటానికి నేను సిద్ధం .
కృష్ణ : ఈ మాటలు వింటే మాత్రం నలుగురు పిల్లలూ మరింత బాధపడతారు – వాళ్ళు తమ నాన్నలను నాన్నలుగా ఎప్పుడో మరిచిపోయారు – వింటే బాధపడటం కాదు బుజ్జికన్నీళ్ళతో మా డాడీ మీరే కదా అని ప్రాణంలా కొట్టినా కొడతారని నీకూ తెలుసు కదా మహేష్ ……….
తప్పదు కృష్ణా …….. ఒక్క అన్నయ్య అయినా మారుతాడని చిన్న ఆశ . చిన్నప్పటి నుండీ అన్నయ్యలు ద్వేషంతోనే చూసారు – కనీసం ఒక్కసారైనా తమ్ముడూ అని పిలిస్తే ఆనందించాలని ……….
కృష్ణ : కలిసి ఉన్నప్పుడే జరుగలేదు ఇప్పుడు అత్యాశే అవుతుంది మహేష్ …….
నువ్వు చెప్పేదీ నిజమే , ఇప్పుడు ఆ సంగతి ఎందుకులే ముందు అమ్మ కోరిక ఎలా తేర్చాలో అర్థం కావడం లేదు కృష్ణా ………
కృష్ణ : నువ్వు ఊ అను మీ అన్నయ్యను కిడ్నప్ చేసి తీసుకెళ్లిపోతాను .
మరి సెక్యూరిటీ ………
కృష్ణ : oh shit వాళ్ళు ఏకంగా ఇద్దరు ఉన్నారుకదూ ……. , మొన్న ఏమో …. డాక్టర్ అనిచెప్పి వసుంధర అంటీతోపాటు సులభంగా లోపలికివెళ్లాము . మహేష్ అటుచూడు ఒక సెక్యూరిటీ ……. మీ అన్నయ్య కాళ్లపై పది ఏదో ఆర్థిస్తున్నట్లున్నాడు . విండోస్ క్లోజ్ చేసి ప్రక్కగా పార్క్ చేద్దాము నువ్వు కాస్త తలదించుకో ……. అని దగ్గరగా తీసుకెళ్లాడు .
సెక్యూరిటీ : సార్ …….. మీరే ఎలాగైనా కాపాడాలి నా మనవరాలు హాస్పిటల్లో చావుబ్రతుకుల్లో ఉంది , మిమ్మల్నే నమ్ముకున్నాను , సహాయం చేస్తారని మాటిచ్చారు .
చిన్నన్నయ్య : నేనా ….. అలాంటి మాట ఎప్పుడూ చెప్పను . 3 లక్షలు …… నా ఒకరోజు జల్సాలకు సరిపోతుంది – ఆ డబ్బుని నీకు ఇచ్చి ఈరోజంతా బార్ కు వెళ్లకుండా జపం చెయ్యమంటావా జపం , వధులుతావా లేక నిన్ను జాబ్ నుండి పీకేయ్యాలా…….. ? .
రెండవ సెక్యూరిటీ : సర్ ……. వారం ముందు సహాయం చేస్తానని మీరే మాటిచ్చారు సర్ ……..
చిన్నన్నయ్య : రేయ్ నువ్వు మూసుకో నిన్నూ పీకేయ్యాలా ? , ఏదో తాగిన మత్తులో మీ నసను వదిలించుకోవడానికి అని ఉంటాను . మాటపై నిలబడటానికి నేనేమైనా మీ పెద్ద సర్ అనుకున్నారా …… ? , అందుకే కదా వాడి నుండి ఆస్తిమొత్తాన్ని లాగేసుకుని కుమిలిపోయేలా మాట్లాడి అమెరికా పారిపోయేలా చేసింది . అయినా మీ జీతం ఎంత మీరు అడిగేది ఎంత …….. చేస్తే చావనీ భూమికి భారం అయినా తగ్గుతుంది .
సెక్యురిటి : కోపం వచ్చినా తప్పదన్నట్లు సర్ అలా అనకండి మిమ్మల్నే నమ్ముకున్నాను మీ పాదాలు పట్టుకుంటాను .
వదలరా వదులు మీ అలగాజనం తాకితేనే వొళ్ళు కంపరం నాకు అని విధిల్చడమే కాకుండా కాలితో తన్ని లోపలికివెళ్లిపోయాడు .
కిందపడి రోధిస్తున్న సెక్యూరిటీని బాధపడుతూనే లేపి చెట్టుకింద నీడలో కూర్చోబెట్టాడు .
కృష్ణ : విన్నావా మహేష్ …….. అంకుల్ ను …….. , అప్పటికే నేను బాధపడుతుండటం చూసి భుజం పై చేతినివేశాడు .
కృష్ణా …….. ఏ హాస్పిటలో వెళ్లి కనుక్కో ……..
కృష్ణ : సూపర్ మహేష్ అని వాటర్ బాటిల్ తీసుకుని కిందకుదిగివెళ్లి , ఓదారుస్తున్న సెక్యూరిటీతో మాట్లాడి – పెద్దయ్యా ……. దేవుడు ఉన్నాడు మీ మనవరాలికి ఏమీకాదు దైర్యంగా ఉండండి – అన్నా ……. చూసుకోండి అని వాటర్ అందించి వచ్చి , పాప పేరు సితార మహేష్ కారుని వేగంగా సూపర్ స్పెషాలిటీ హాస్పిటల్ కు తీసుకెళ్లి ఆపాడు.
ఇద్దరమూ పరుగున లోపలికివెళ్లాము . కృష్ణ వెళ్లి రిసెప్షన్ లో పాప సితార గురించి అడిగాడు – ఎక్కడ ICU లో ఉందా …… ? .
రిసెప్షనిస్ట్ : నిన్నటితోనే వాళ్ళు కట్టిన బిల్ అయిపోయింది సర్ అందుకే అక్కడ వెయిటింగ్ ప్లేస్ లో కూర్చున్నారు – డబ్బు కడితే బెడ్ ఇస్తాము .
జనాలమధ్యన చిన్న పాప …
