Nastajathakudu – 121

మరుసటి రోజు యధావిధిగా జాగింగ్ జిమ్ పూర్తిచేసుకుని కాలేజీకి వెళ్లి మధ్యాహ్నం క్యాంటీన్ లోనే భోజనం చేసి రూమ్ కి వచ్చి ఫ్రెష్ అయ్యి ఆఫీసుకి బయలుదేరాను. ఆఫీసుకి చేరుకొని నా ఆఫీస్ రూమ్ లోకి ఎంటర్ అయ్యేసరికి రజిని నా టేబుల్ సర్దుతూ కనపడింది. నేను రావడం చూసి, గుడ్ ఈవెనింగ్ సార్,, మీరు చెప్పినట్టే మేనేజర్ గారిని అకౌంటెంట్ గారిని ఉండమని చెప్పాను అని అంది. …. గుడ్ ఈవెనింగ్ రజిని,, వాళ్ళిద్దరినీ పిలవండి అని చెప్పాను. …. రజినీ బయటికి వెళ్లి కొంతసేపటికి కనకరాజు భరద్వాజ్ లను వెంటబెట్టుకొని వచ్చింది. …. వాళ్ళిద్దర్నీ కూర్చోమని కుర్చీలు చూపించగా వాళ్ళిద్దరూ నా వైపు కొంచెం పొగరుగా చూస్తూ సీట్లలో కూర్చున్నారు. రజిని ఆ లెటర్స్ తీసుకురండి అని చెప్పగా రజనీ వెళ్లి ఫైల్ తీసుకువచ్చి నా ముందు పెట్టింది. నేను ఆ రెండు లెటర్లు వాళ్ల ముందు పెట్టి, ఈరోజు నుంచి నా కంపెనీకి మీ సేవలు అవసరం లేదు. మీరే స్వయంగా రిజైన్ చేస్తున్నట్టు ఈ లెటర్ల మీద సంతకం పెట్టండి అని అన్నాను. వాళ్లిద్దరూ ఒకరి మొహం ఒకరు చూసుకుని కొంచెం వెటకారంగా నవ్వుకుని, అనుకున్నాం,, ఇలాంటి వెధవ పని ఏదో చేస్తున్నావని నిన్న జ్యువెలరీ షాప్ మేనేజరుని సెక్యూరిటీ అధికారి స్టేషన్ నుండి బెయిల్ మీద బయటకు తీసుకు వచ్చినప్పుడే అనుకున్నాము. అయినా ఏ ధైర్యంతో ఇదంతా చేస్తున్నావు? నువ్వు మమ్మల్ని బలవంతంగా రాజీనామా చేయమంటున్నావు అని మేము కోర్టుకు వెళితే ఏం జరుగుతుందో తెలుసా? ఇంత కాలం పని చేసి కంపెనీలను కాపాడినందుకు గాను ఈ కంపెనీలో మాకు కూడా వాటా రాయవలసి వస్తుంది అని కొంచెం హేళన చేస్తూ నవ్వారు. …. నేను కూడా చిన్నగా నవ్వి, ఇంతకాలం మీరు పని చేయడానికి కోర్టు మీకు అధికారం ఇచ్చి దాంతోపాటు జీతాలు కూడా తీసుకోమని చెప్పింది. మీరు కూడా బాగానే జీతాలు తీసుకున్నారు కూడా. కానీ ఇప్పుడు ఈ కంపెనీకి మీ సేవలు అవసరం లేదు మర్యాదగా సంతకం పెట్టి వెళ్లిపోండి అనవసరంగా ఈ విషయాన్ని పెద్దది చేసుకోవద్దు అని అన్నాను. కనకరాజు కొంచెం కోపంగా …