Nastajathakudu – 108

episode-102 తార కథ విన్న తర్వాత తన మీద నాకు జాలి కలిగింది. తన జీవితంలో ఇంత విషాదాన్ని దాచి పెట్టుకొని బయటికి మాత్రం చాలా సరదాగా హుషారుగా కనబడుతుంది. నా గురించి తెలుసుకున్నావు మరి నీ సంగతేంటి? ఒక పక్క చూస్తే ఇప్పుడే కాలేజీలో జాయిన్ అయ్యావు. మరోపక్క జేమ్స్ బాండ్ లాగా యాక్షన్ హీరో అవతారం ఎత్తావు. అసలు నువ్వు మన చీఫ్ ని ఎలా కన్విన్స్ చేసావురా బాబు? ఆయనేమో నీమీద పూర్తి నమ్మకంతో ఉన్నాడు పైపెచ్చు నిన్ను చూసి నేర్చుకోమని మాతో చెబుతున్నాడు. డిపార్ట్మెంట్ ట్రైనింగ్ తీసుకున్న మమ్మల్ని నువ్వు లీడ్ చేసే  ఆపరేషన్ కోసం అసిస్టెంట్లుగా పంపించడంలో ఆంతర్యం ఏమిటో నాకు అర్థం కాలేదు. అఫ్ కోర్స్ నీ సామర్థ్యం ఏమిటో ఈ నాలుగు రోజులలో తెలుసుకున్నాను కానీ ఇంత చిన్న వయసులో డిపార్ట్మెంట్ లోకి రావడం ఎలా సాధ్యపడింది? అని అడిగింది తార. ఇందులో గొప్ప సీక్రెట్ ఏమీ లేదు. నేను ఈ లైన్లోకి రావడానికి కారణం నాకు ఎదురైన కొన్ని చేదు అనుభవాలు. ఆ అనుభవాలు నన్ను చావు అంచుల దాకా తీసుకువెళ్ళాయి. అటువంటి సమయంలోనే నేను చచ్చేలోపు నాకు చేతనైనంత చేసి పోవాలి అని డిసైడ్ అయ్యి ఈ లైన్లోకి రావడం జరిగింది. అందులో భాగమే నిన్న రాత్రి మీకు తెలియకుండా నేను చేసిన మరొక ఆపరేషన్. దాని గురించి ఏదో ఒక రోజు మీకు చెబుదామని అనుకున్నాను. మళ్లీ మనమందరం కలుసుకున్న రోజు తప్పకుండా మీ ముగ్గురికి కలిపి చెబుతాను. ఇంతకీ చీఫ్ ఏమని చెప్పారు? అని అడిగాను. …. ఇంత వరకు మేము నీ దగ్గర ఏదో ఒకటి రెండు ఆపరేషన్లలో ఉండి వెళ్లిపోతాం అని అనుకున్నాము. కానీ నిన్న చీఫ్, నువ్వు ఏం చెబితే అది చెయ్యమని ఎంతకాలం మేము నీ దగ్గర ఉండాలి అనేది నువ్వే డిసైడ్ చేస్తావని అది మనం కలిసి చేసే పనుల రిజల్ట్ మీద ఆధారపడి ఉంటుందని చెప్పారు.  మరి ఈ విషయం మీద మీ ముగ్గురి అభిప్రాయం ఏమిటి? వాళ్ళిద్దరూ ఏమైనా అన్నారా? అని అడిగాను. …. తొక్కలోది చీఫ్ అంత క్లియర్ గా ఆర్డర్స్ ఇచ్చిన తర్వాత ఇంకా అనడానికి ఏముంటుంది? ప్రస్తుతానికి నువ్వే మా బాస్ నీ ప్లానింగ్ ఫాలో అయిపోవడమే మాకున్న అతి ముఖ్యమైన పని. నువ్వు ఎందులో దూకమంటే …