Oka Koduku Prayanam | Emotional Telugu Story Series
అక్కడ ఇంటిలో ఇదేసమయానికి బావోయ్ ……… అంటూ కేకవేస్తూ చంద్ర స్పృహలోకొచ్చాడు . ప్రక్కనే కూర్చుని ప్రాణంలా చూసుకుంటున్న చెల్లెమ్మ కృష్ణగాడిని చూసి , బావ …….. బావ ఎక్కడ అని చేతులను పట్టుకుని కంగారుకంగారుగా అడిగాడు .
అన్నయ్యా …….. ఇప్పుడెలా ఉంది అని కళ్ళల్లో కన్నీళ్ళతో చంద్ర చేతిని చుట్టేసి , అన్నయ్య ముఖ్యమైన పని ఉందని ఊరెళ్ళారు అటునుండి ఆట కాలేజ్ కు వెళతారు. సాయంత్రానికి పెళ్ళిచూపుల్లో కలవచ్చు .
అంతే ఒక్కసారిగా కళ్ళల్లో కన్నీళ్లు వచ్చేసాయి చంద్రకు . ఇద్దరినీ కౌగిలించుకుని ఏమిచెయ్యాలి అని ఆలోచనలో పడ్డాడు .
చంద్ర నువ్విలా చేస్తే ఎలా ………. నిన్ను అలా చూడగానే నీ చెల్లీ బావలిద్దరూ ఎంత భయపడిపోయారో తెలుసా ? , కృష్ణకు ఇక తాగను అని మాటిచ్చి తప్పవచ్చా …….. జరిగిందేదో జరిగిపోయింది ముందు ఈ మజ్జిగ తాగి ఫ్రెష్ అవ్వు అందరమూ అవంతిక ఇంటికి బయలుదేరాలి అని లోలోపలే నవ్వుకుని చెల్లికి తాగించమని గ్లాస్ అందించింది .
చంద్ర మరింత బాధతో వద్దన్నా …….. బావ ఇలా మొండిగా ప్రవర్తిస్తే వాడికి కాల్ చేస్తాను . ముఖ్యమైన పనిమీద వెళ్ళాడు సగం లోనే వచ్చేసి తాగనందుకు నిన్ను – తాగించలేనందుకు నన్ను నీ చెల్లిని …….. అని చెబుతుండగానే గట గటా తాగేసాడు .
అదీ ఆ భయం ఉండాలి బావ , ఇప్పుడు వెళ్లి ఫ్రెష్ అయ్యిరా అని లేపి మరీ కింద ఉన్న రూంలో వదిలి కృష్ణా మీ అన్నయ్య బట్టలు రెడీ చెయ్యమనిచెప్పి ప్లాన్ ప్రకారం అప్పటికే బస్ లో రెడీ అయ్యివచ్చిన రమేష్ గణేష్ లకు జాగ్రత్త మీ బావే అని నవ్వుతూ చెప్పి బట్టలు తెచ్చి బెడ్ పై ఉంచిన కృష్ణతోపాటు తన అత్తామావయ్యల ఇంటికి వెళ్లడం కోసం రెడీ అవ్వడానికి పైకివెళ్లారు .
రోజూ నిమిషాల్లో రెడీ అయివచ్చే చంద్ర బాధతో అరగంటకుపైగానే సమయం తీసుకున్నాడు . టవల్ చుట్టుకొని బాత్రూమ్ బయటకు రాగానే రమేష్ గణేష్ బట్టలు అందించి చంద్ర ఎక్కడకు వెళితే అక్కడకు వెనుకే వెళ్లి జాగ్రత్తగా చూసుకుంటున్నారు.
************
ఇక్కడ ఫ్లైట్ లోపలికి అడుగుపెట్టగానే శిల్ప కోసం నా కళ్ళు ఫ్లైట్ మొత్తం గాలిస్తున్నాయి …