Oka Koduku Prayanam | Emotional Telugu Story Series
అమ్మా అందరినీ చూశారుగా నేను పెళ్లి హడావిడిలో తిరుగుతుంటాను కాబట్టి మీరు ఎవరిని కావాలంటే వారిని ప్రొటెక్షన్ గా ఉంచుకోండి అని చెప్పాను. అమ్మ కళ్ళల్లో ఆనందబాస్పాలతో నువ్వు నా కొడుకు అని చెప్పుకోవడానికి గర్వపడుతున్నాను బేబీ , ఇలా arrange చేశావని అక్కయ్యా వాళ్లకు తెలుసా ?. ఇంకా లేదమ్మా వాళ్ళను సెట్ చేసి చెబుదామని ఆగాను అని బదులిచ్చి , ఇందుఅమ్మకు తిరుపతి నుండి డాక్టర్ అమ్మ వచ్చిందని మెసేజ్ పెట్టి నర్గీస్ ఇంటిదగ్గర కారు ఆపి అమ్మను చెయ్యి అందుకొని కారు దిగగానే ,
ఇంట్లో నుండి అమ్మమ్మా మరియు అమ్మావాళ్ళతో సహా అందరూ బయటకు రావడంతో అమ్మా అంటూ కౌగిలించుకోవడానికి ముందుకు వెళ్లగా , బేబీ ప్రక్కకు తప్పుకో అంటూ ప్రక్కకు లాగేసి డాక్టర్ అమ్మను చూసి సంతోషం పట్టలేక అమ్మలిద్దరూ అమాంతం కౌగిలించుకొని ప్రయాణం బాగా జరిగిందా అని మొదలెట్టి క్షేమ సమాచారాల తరువాత , మహిని , దివ్యక్కను మరియు అత్తయ్యను ఆప్యాయంగా కౌగిలించుకొని , అక్కయ్యా నాకు కూడా డాన్స్ చెయ్యాలని ఉంది అన్న కోరికను అమ్మ చెవిలో చెప్పింది. వెల్కమ్ చెల్లి అంటూ మెహ్రీన్ దగ్గర నుండి మొదలెట్టి అందరినీ పరిచయం చేసిన తరువాత , ముందు లోపలికి రా అంటూ డాక్టర్ అమ్మను పిలుచుకొనివేలుతూ , బావా బయట ఏంటి అంతమంది అని అడగడంతో అందరూ వెనక్కు తిరిగి ఆశ్చర్యంగా చూస్తున్నారు.
లేడీ బౌన్సర్లను రమ్మని పిలిచి వరుసగా నిలబడమని చెప్పి మహి పెళ్లి అయ్యేంతవరకూ మిమ్మల్ని కంటికి రెప్పలా చూసుకునేందుకు వచ్చారు , మీరు ఎక్కడకు పిలుచుకొనివేళ్ళమంటే అక్కడికి పిలుచుకొనివెళ్లి జాగ్రత్తగా తీసుకువస్తారు అర్థమయ్యింది కదా అని చెప్పి , బౌన్సర్స్ …
