నేను కేఫ్ కి చేరుకునేసరికి పొద్దున షిఫ్ట్ లో ఉండే సూపర్వైజర్ నాకోసం వెయిట్ చేస్తున్నాడు. సాయంత్రం షిఫ్ట్ సూపర్వైజర్ కూడా అతనితో పాటు నిల్చున్నాడు. నేను వాళ్ళిద్దరినీ చూసి, ఏంటన్నా నువ్వు ఇంకా డ్యూటీ దిగలేదా? అని మొదటి సూపర్వైజరుని అడిగాను. …. లేదు దీపు పొద్దున్న నువ్వు ఇచ్చిన ఆర్డరుకి ప్రైస్ లిస్ట్ తయారు చేస్తూ కూర్చున్నాను. మధ్యాహ్నం వీడు కూడా తోడవడంతో కొంచెం పని ఈజీ అయిపోయింది అంటూ రెండవ సూపర్వైజరుని ఉద్దేశించి చెప్పాడు. నేను వారి దగ్గర నుంచి మొత్తం ఎస్టిమేషన్ తీసుకుని చూసేసరికి దాదాపు 9,00,000 ఉంది. సరే అయితే దీనికి నేను మన సర్వీస్ చార్జెస్, ప్రాఫిట్ మార్జిన్, ఇంకా జిఎస్టి అన్నీ కలిపి ఫైనల్ ఎస్టిమేషన్ వేసి కొటేషన్ పంపిస్తాను అని చెప్పి వారితో మరి కొంచెం వివరంగా మాట్లాడి నా కేబిన్ లోకి వెళ్లాను. ఈరోజు అను నా సీట్ లో కాకుండా సోఫా మీద పడుకుని మొబైల్ చూసుకుంటుంది.
నేను లోపలికి ఎంటర్ అవ్వగానే అను పైకి లేచి కూర్చుంది. నేను అనుకి హాయ్ చెప్పి వెంటనే నా పనుల్లోకి దిగిపోయాను. నేను ఇంకేమీ మాట్లాడకుండా సీరియస్ గా పని చేసుకోవడం చూసి అను కూడా ఏమి మాట్లాడ లేదు. దాదాపు ఒక గంటన్నర పాటు లెక్కలు వేసుకొని రఫ్ గా 12,00,000 కి కొటేషన్ ప్రిపేర్ చేశాను. కానీ ప్రాఫిట్ మార్జిన్ గురించి ఒకసారి అభితో మాట్లాడి వేస్తే బాగుంటుందని అనిపించింది. సరిగ్గా అదే సమయానికి డోర్ తెరుచుకుని అభి లోపలికి వచ్చాడు. ముందు నేను కొంచెం ఆశ్చర్యపోయినా, హాయ్ అభి,, గుడ్ ఈవెనింగ్, ఇప్పుడే నీ గురించే అనుకుంటున్నాను ఇంతలో నువ్వే వచ్చావు లేదంటే ఫోన్ చేసేవాణ్ని అని అన్నాను. …. కంగ్రాట్స్ దీపు,,, ఏదో ఒక పెద్ద ఆర్డర్ ఒప్పుకొన్నావు అని తెలిసింది అంటు నా దగ్గరకు వచ్చి నేను నిల్చోగా నన్ను హాగ్ చేసుకుని అభినందించాడు.
ఈ విషయం నీకు ఎలా తెలిసింది? ఇంకా నేనే ఫోన్ చేసి చెబుదామని అనుకుంటున్నాను. కొంచెం అర్జెంట్ గా కొటేషన్ ప్రిపేర్ చేయవలసిన అవసరం రావడంతో ఇంతవరకు చేయలేదు. ఇప్పుడే రఫ్ గా ప్రిపేర్ చేసి ప్రాఫిట్ మార్జిన్ గురించి నిన్ను అడిగి అప్పుడు వేద్దామని అనుకుంటున్నాను ఇంతలో నువ్వే వచ్చావు అని అన్నాను. …. అదేంటి దీపు అలా మాట్లాడతావు ఇప్పుడు నువ్వు ఇక్కడ మేనేజరువి నిర్ణయాలు తీసుకోవాల్సింది నువ్వే. ప్రతిదాని గురించి నాతో చర్చించవలసిన అవసరం లేదు. …. అది కాదు అభి నేను ఇక్కడ సీట్లో కూర్చున్న తర్వాత బైటనుంచి వచ్చిన మొట్టమొదటి ఆర్డర్ కదా కొంచెం నీతో చెప్పి చేస్తే బాగుంటుందని అనిపించింది. …. నో నో,,, అటువంటి ఫార్మాలిటీస్ ఏమీ అవసరం లేదు. ఒకవేళ నువ్వు ఆర్డర్ నష్టానికి చేసిన ఐ డోంట్ కేర్. నీ కంటే నాకు ఈ బిజినెస్ ఏమీ ఎక్కువ కాదు. నాకున్న బిజినెస్ లలో ఇది 2% కూడా ఉండదు. సో,,, ఇక్కడ అధికారం నీదే అని అన్నాడు అభి.
అప్పటికే 7:00 దాటిపోవడంతో, సరే బాయ్ నేను వెళ్తున్నాను. అను పద వెళ్దాం అని అన్నాడు అభి. …. ఇంత వరకు జరుగుతున్నది అంతా మౌన ప్రేక్షకురాలి లాగా చూస్తున్న అను మాట్లాడుతూ, ఏం,, వచ్చిన ఇంత సేపటికి నేను గుర్తొచ్చానా? అని అంది. …. అభి నవ్వుతూ అను దగ్గరికి వెళ్లి భుజం చుట్టు చేయి వేసి దగ్గరకు తీసుకొని, నువ్వే కదా ఫోన్ చేసి రమ్మన్నావు ఇప్పుడేమో నామీద …
