హాస్పిటల్ నుంచి ఇంటికి చేరుకున్న తర్వాత నన్ను స్ట్రెచర్ లోనే ఇంట్లో తీసుకుని వెళ్లారు. గ్రౌండ్ ఫ్లోర్ లో ఉన్న రూమ్ నాకు కేటాయించింది అమ్మ. నన్ను రూమ్ లోకి తీసుకుని వెళ్లి బెడ్ మీద పడుకోబెట్టారు. వెంటనే అమ్మ ఎవరిని లోపలికి రానీకుండా డోర్ క్లోజ్ చేసి నా దగ్గరికి వచ్చి నా ఒంటిపై ఉన్న హాస్పిటల్ గౌన్ తీసేసి ఒక దుప్పటి కప్పి ఆ గౌన్ ని నన్ను మోసుకుని వచ్చిన అంబులెన్స్ వార్డ్ బాయ్స్ కి ఇచ్చి, తన పర్సులో నుంచి 200 రూపాయలు తీసి వారికి ఇచ్చి పంపింది. ఆ తర్వాత అందరూ నేను ఉన్న రూమ్ లోకి వచ్చి నా చుట్టూ చేరి కూర్చున్నారు. మాతో పాటు ఇంటికి వచ్చిన పుష్ప కొంచెం సేపు ఉండి తన ఇంటికి వెళ్ళిపోయింది. ఇక ఇంట్లో అంకుల్, అభి, దేవి, అను, ప్రీతి మరియు అమ్మ మిగిలారు. ఇప్పటికైతే ఇదే నా కుటుంబం.
అందరూ నన్ను కంటికి రెప్పలా చూసుకున్నారు. నాకు ఎటువంటి ఇబ్బంది కలగకుండా చూసుకోవడానికి తాపత్రయపడుతున్నారు. కొంతసేపటి తర్వాత అమ్మ అందరినీ భోజనానికి పంపి నా కోసం భోజనం పట్టుకొని రూమ్ లోకి వచ్చింది. నన్ను కొంచెం పైకి లేపి బెడ్ రెస్ట్ కి చేరపడేలా కూర్చోబెట్టి నా నడుం దగ్గర దుప్పటి చక్కగా సర్ది నా పక్కన కూర్చుని భోజనం తినిపించడం మొదలు పెట్టింది. నేను రెండు ముద్దలు తిన్న తర్వాత, నువ్వు కూడా తినమ్మ అని అన్నాను. …. నేను తర్వాత తింటానులే ముందు నువ్వు తిను అంటూ నాకు భోజనం తినిపించింది. భోజనం పూర్తయిన తర్వాత నాకు టాబ్లెట్ ఇచ్చి పడుకోబెట్టి దుప్పటి సరి చేసి బయటకు వెళ్లింది. కడుపు నిండడంతో కళ్ళు మూతలు పడి నిద్ర పట్టేసింది.
సాయంత్రం మెలుకువ వచ్చేసరికి 5:30 అయ్యింది. అమ్మ లోపలికి వచ్చి ఒక తడి గుడ్డ తీసుకుని నా మొహం శుభ్రంగా తుడిచి బయటకు వెళ్ళగానే అందరూ కలిసి లోపలికి వచ్చారు. తర్వాత అమ్మ అందరికోసం స్నాక్స్ మరియు టి తీసుకొని వచ్చింది. దేవి మరియు ప్రీతి నాకు చెరో వైపు కూర్చుని స్నాక్స్ నా నోటికి అందిస్తూ అందరూ సరదాగా మాటల్లో పడ్డాము. అలా రాత్రి 8 గంటల వరకు అందరం సరదాగా కాలక్షేపం చేసాము. ఇక ఆ తర్వాత రాత్రి భోజనాలు ముగించుకుని అందరూ పడుకోవడానికి సిద్ధమయ్యారు. ప్రీతి మరియు దేవి నా రూంలోకి వచ్చి నా దగ్గర పడుకోవడానికి పోటీపడుతూ గొడవ పడటం మొదలుపెట్టారు. అది గమనించిన అమ్మ లోపలికి వచ్చి దీపుకి కొంచెం నయం అయ్యేవరకు ఎవరు వాడి దగ్గర పడుకోవడానికి కుదరదు అని చెప్పి వాళ్ళిద్దర్నీ పైకి పంపించింది.
ఇక చేసేదేమీలేక వాళ్ళిద్దరు నాకు గుడ్ నైట్ చెప్పి చెరో చెంపమీద ముద్దు పెట్టి …