episode-110
మరుసటి రోజు పొద్దున్న జాగింగ్ జిమ్ అంతా పూర్తయిన తర్వాత రుద్ర ఇచ్చిన ఫైల్ లోని మిగిలిన రెండు కేసుల గురించి జెస్సీ, సోము లకు వివరించి వారిద్దరి గురించి రెక్కీ చేయమని చెప్పాను. అన్నీ కుదిరినప్పుడు మూడో కంటికి తెలియకుండా వాళ్లను లేపేయమని చెప్పాను. కానీ పొరపాటున కూడా ఇద్దరినీ ఒకేసారి చంపొద్దని కనీసం ఒక్క రోజైనా గ్యాప్ ఉండేటట్టు చూసుకోమని, పని పూర్తి అయిన వెంటనే డీటెయిల్స్ మొత్తం నాకు వెంటనే చెప్పమని వాళ్లతో చెప్పాను. ఆ తర్వాత నిన్న చెప్పిన పని గురించి ఏం చేశారు? అని అడిగాను. …. ఆల్రెడీ డిటెక్టివ్స్ ఆ పనిలోనే ఉన్నారు సాయంత్రం వరకు మనకి వాళ్ళ పూర్తి డీటెయిల్స్ వచ్చేస్తాయి అని చెప్పాడు జెస్సీ. …. ఓకే గుడ్,, నేను కాలేజీకి వెళ్తాను మళ్లీ మనం సాయంత్రం కలుసుకుందాం అని చెప్పి నేను నా రూమ్ కి వచ్చి తయారయ్యి కాలేజీకి వెళ్లాను.
ఈ రోజు కూడా అను మాటిమాటికి నన్నే చూస్తూ గమనిస్తూ వుంది. జ్యోతి మాత్రం మామూలుగానే శ్రద్ధగా క్లాసులు వింటోంది. బ్రేక్ టైంలో నాకు అరుణ దగ్గర నుంచి కాల్ వచ్చింది. నేను కొంచెం పక్కకు వెళ్లి కాల్ లిఫ్ట్ చేసి అరుణతో మాట్లాడగా, కర్మకాండలు సజావుగా పూర్తయ్యాయి ఈరోజు ఆచారాల ప్రకారం మూలకి తీసుకొచ్చే కార్యక్రమం జరుగుతుందని మరో రెండు రోజులు అక్కడే ఉండి చిన్న చిన్న పనులు పూర్తిచేసుకుని ఆదివారం సాయంత్రానికి వైజాగ్ వస్తాను అని చెప్పింది. తనకు ఏమైనా అవసరం ఉంటే కాల్ చేయమని బాయ్ చెప్పి తిరిగి అను జ్యోతిల దగ్గరకు వచ్చాను. నేను ఫోన్ మాట్లాడుతున్నంత సేపు అను నా వైపు చూస్తూనే ఉండడం నేను గమనిస్తూనే ఉన్నాను. ఓయ్ ఏంటది?? రెండు రోజుల నుంచి చూస్తున్నాను మాటిమాటికి నా వైపే చూస్తున్నావు నేను చూస్తే మొహం తిప్పుకుంటున్నావు ఏం సంగతి? అని అనుని ఉద్దేశించి అడిగాను.
నేనేమీ నిన్ను చూడలేదు నీకే అలా అనిపిస్తుంది కాబోలు ఈమధ్య కొత్త కొత్త స్నేహాలు కొత్తవారితో తిరుగుళ్ళు పాత వారితో ఫోన్లు,,, సార్ చాలా బిజీ అయిపోయారు కదా అందుకే లేనివి ఉన్నట్టు ఊహించుకుంటున్నారు అని కొంచెం ఎటకారంగా అంటూ ఎద్దేవా చేసింది. …. తనకి ఇంపార్టెన్స్ ఇవ్వటం లేదు అని అను ఫీల్ అవుతున్నట్టు నాకు అర్థమైంది. పైగా పాత వారితో ఫోన్లు అన్న పదాన్ని …
