స్పందించిన ప్రతీ ఒక్కరికీ ధన్యవాదములు.
-x-x-x-
137
అమ్మమ్మ తలూపుతూ, నా వైపే చూస్తూ, ప్రిన్సీతో “ఏం విజయా? ఎలా ఉంది కాలేజ్? ఎటెండెన్స్ ఎలా ఉంది? సెకండ్ ఇయర్ వాళ్లు అందరూ వస్తున్నారా? కోవిడ్ కేసేస్ ఏమీ లేవు కదా? ఎవరికీ సింప్టంప్స్ లేవు కదా? అందరి టెంపరేచర్ కంపల్సరీగా చెక్ చేస్తున్నారు కదా? కుసుమ ఎవరో అబ్బాయిని స్పాన్సర్ చేస్తోంది అంటగా? ఆ పిల్లాడు విలువిద్య ఏపాటిదా అని స్వయంగా చూడడానికి వచ్చా. పిలిపించు ఆ పిల్లాడిని. ఇంతకీ ఈ అమ్మాయి ఎవరు?” అని అంది. ప్రిన్సీ నా వైపు తిరుగుతూంటే, నా విషయం పక్కన పెట్టి, “లచ్చి మ్యాటర్ చెప్పెయ్యి” అని తనకి సైగ చేశా.
నేను సైగ చెయ్యడం అటు అమ్మమ్మా, ఇటు రంగి అమ్మమ్మా ఇద్దరూ చూశారు, కానీ లచ్చి మాత్రం చూడలేదు. ఇద్దరి కళ్ళల్లోనూ ఓ అనుమానం. నేను అటు ప్రిన్సీ, ఇటు లచ్చీ చూడకుండా, ఇద్దరికీ దణ్ణం పెట్టి “తర్వాత చెబుతా” అని సైగ చేస్తూ, ఆ అమ్మాయి సంగతి చూడమని బ్రతిమలాడా. అమ్మమ్మ నా సైగ చూస్తూనే, మళ్లీ ప్రిన్సీని రెట్టించింది. ప్రిన్సీ, తటపటాయిస్తూనే, “అదీ.. మేడం.. మీ అసిస్టెంట్ వైస్ ప్రెసిడెంటు గారబ్బాయి, ఈ అమ్మాయిని ఏడిపిస్తున్నాడు. ఇందాక లంచ్ టైంలో కామెంట్ చేస్తే, నాకు అది తెలిసి, ఆ అబ్బాయిని పిలిపించి వార్నింగ్ కూడా ఇచ్చా.
కానీ, ఆ రౌడీ వెధవ, ఈ పిల్ల క్లాసుకి వెళ్లగానే మళ్లీ కామెంట్ చేశాడంట. కంప్లెయింట్ చెయ్యడానికి వచ్చిందీ అమ్మాయి” అని చెప్పింది. అమ్మమ్మ కళ్లల్లో ఎర్రని జీర. “ఎవడు వాడు. వాడి బాబు పేరేంటి?” అని అడిగింది. ప్రిన్సీ ఓ పేరు చెప్పింది. అమ్మమ్మ ఆఫీసుకి ఫోన్ చేసి, “ఆ వైస్ ప్రెసిడెంటూ, అతని భార్యా ఎక్కడున్నా ఓ గంటలో కాలేజీలో నా ముందర ఉండాలీ” అని ఓ ఆర్డర్ వేసి ఫోన్ పెట్టేసి, “గంటలో వస్తారు. వాళ్ల విషయం ఆ పిల్లాడి విషయం నేను హ్యాండిల్ చేస్తా. నువ్వు ఇన్వాల్వ్ అవ్వకు. ఈ అమ్మాయినీ ఇన్వాల్వ్ చెయ్యకు. తన భవిష్యత్తు దెబ్బ తింటుంది.
అది సరే కానీ, ఈ కాలేజీ ఛెయిర్ పర్సన్ ని. నన్ను పట్టించుకోకుండా సోఫాలో కూర్చుని ఫోనులో ఆడుకుంటున్న అ పిల్లాడు ఎవడు? అంత ఠీవిగా కూర్చున్నాడు? నీ కొడుకా?” అని నన్ను కొంటెగా చూస్తూ అడిగింది. ప్రిన్సీ తొట్రుపడుతూ, “అయ్యో మేడం, ఆ అబ్బాయి మా వాడు కాదు. మీకు తెలుసుగా? మావాడు బ్యాంకాక్లో ఇరుక్కుపోయాడూ అని. ఇందాక మీరు అడిగారే ఆర్చర్.. ఈ పిల్లాడే ఆ అబ్బాయి. ఈ …
