Mera Sapna Sach Hua – Part 4

Kareeb dedh saal ho gaya to socha kyo na meri zindagi main aage kya hua wo share karoon. Bhavishya koi nahin dekh sakta, jo bhawishye main dekh raha tha sacchai usse pare nikli. Vikas sir, raj aur main shaanti se khushi khushi rahe, raj ki job lag gayi thi aur uski ek girlfriend bhi thi jis se usne mujhe milwaya. Dono ki shaadi ki baat chal rahi thi, phir na jaane kya hua ke un dono ka rishta khatam ho gaya. Raj ka kehna tha ke ladki raj ko hum dono se alag karna chahti thi aur raj iske liye ready nahin tha. Khair jo bhi hua lekin uske baad raj udaas rehne laga, raat ko der se ghar aata, na mujhse na apne papa se kuch bolta. Bus ek udaasi cha gayi thi uspar. Hum dono ne us se kai baar poocha lekin usne koi jawab nahin diya. Abhi bhi main hi use nehlata tha jaise main vikas sir ko nehlata tha, apne haath se khilata tha wo din ka har kaam waise hi karta tha bus usne pehle ki tarah hasna bolna band kar diya tha. Subha uska takiya uske aasuon se bheega milta tha, 3 mahine ho gaye the. Phir ek raat wo sharab ke nashe main dhoot hokar ghar aaya. Vikas sir ko ye baat aachi nahin lagi, sir ne us se jor laga kar poocha ke baat kya hai, ladki to koi aur mil jayegi, ek ladki ke peeche wo apni life kyo kharab kar raha hai. Use kuch hosh nahin tha, pehle to chup chaap khada raha phir sir ko gale laga liya aur rone laga aur phir jo bola usne meri aur sir ki duniya hila daali “Papa aapne mera pyar ko mujhse cheen liya, main us ladki se pyaar nahin karta tha, wo to sirf vaibhav ko bhulane ka zariya thi, bataiye papa aapne aaisa kyo kiya”. Related Articles Us Ghar Ke Andar 20 | Hindi Romantic Stories April …