సాయంత్రం నేను ఫ్రెష్ అయ్యి ఇంటి దగ్గర నుంచి బయలుదేరి ఇన్స్పెక్టర్ గారి ఇంటికి చేరుకున్నాను. అది ఒక రెండంతస్తుల బిల్డింగ్. బయట సెంట్రీ కాపలా కాస్తున్నాడు. నేను సెంట్రీ దగ్గరకు వెళ్లి నాపేరు చెప్పగా అతను నన్ను లోపలికి పంపించాడు. నేను లోపలికి వెళ్లి అక్కడ ఉన్న ఒక సర్వెంట్ ని కలిసి నేను ఇన్స్పెక్టర్ గారిని కలవాలని చెప్పాను. మీరు సోఫాలో కూర్చోండి నేను ఇప్పుడే సార్ ని పిలుచుకొని వస్తాను అని చెప్పి సర్వెంట్ లోపలికి వెళ్ళాడు. కొంతసేపటికి ఇన్స్పెక్టర్ గారు వస్తూ కనబడ్డారు. అతను వచ్చి సోఫాలో కూర్చుని, హ,, మిస్టర్ దీపక్ ఎలా ఉన్నావు? అని అడిగారు.
నేను బాగానే ఉన్నాను సార్. …. ఏం తీసుకుంటావు కూల్ ఆర్ హాట్? …. ఏం వద్దు సార్, ఒక గ్లాసు మంచినీళ్ళు తెప్పించండి చాలు. …. ఇన్స్పెక్టర్ మంచినీళ్లు తెమ్మని సర్వెంట్ కి చెప్పగా అతను మంచి నీళ్ళు తీసుకొని వచ్చి నాకు ఇవ్వగా నేను మంచి నీళ్ళు తాగాను. హ,, దీపక్ ఇంకేంటి? …. మీరే చెప్పాలి సార్. …. ముందు నువ్వు ఈ సార్ సార్ అనడం ఆపు. నా పేరు రుద్ర ప్రతాప్. సో,, నువ్వు నన్ను రుద్ర అని పిలిస్తే సరిపోతుంది. అర్థమైందా? …. ఇన్స్పెక్టర్ కొంచెం యంగ్ కావడంతో నాకు కూడా పెద్దగా అభ్యంతరం అనిపించలేదు. అందువలన సరే అని అన్నాను.
అయితే దీపు నేను నిన్ను ఇక్కడికి ఎందుకు రమ్మన్నాను అని నువ్వు ఆలోచిస్తున్నావు కదూ? …. అవును. …. అసలు విషయం ఏమిటంటే దీపు, సూటిగా సుత్తి లేకుండా చెబుతున్నాను, నీ ధైర్యసాహసాలు నాకు చాలా నచ్చాయి. …. అదంతా,,, ఏదో మానవత్వంతో నా బాధ్యతగా భావించి చేసినవి. …. కరెక్టుగా చెప్పావు. అందుకే నువ్వు నాకు నచ్చావు. ఈ రోజుల్లో సమాజం పట్ల ఇంత భాద్యతగా ఎవరు ఉంటున్నారు చెప్పు. అందుకే నువ్వు ఇన్స్పెక్టర్ లాగా నాకు అండర్ కవర్ గా పని చేయాలని కోరుకుంటున్నాను. నీ శక్తి మీద నాకు నమ్మకం ఉంది. అందుకు నీకు కావలసిన ట్రైనింగ్ అంత ఇప్పిస్తాను. …. కానీ,,,, నేనెలా సార్?? …. నీలో ఉన్న పట్టుదల, ధైర్య సాహసాలు అతి తక్కువ …
