Oka Koduku Prayanam | Emotional Telugu Story Series
ఉదయం 6 గంటలకు మొదట అంకుల్ కు స్పృహ రావడంతో , నర్స్ బయటకువచ్చి చెప్పింది .
అమ్మను పవిత్రను లేపి విషయం చెప్పాను . ముగ్గురమూ లోపలికి వెళితే అంకుల్ అంటీ బెడ్ ప్రక్కనే కూర్చుని అంటీ చెయ్యి స్పృశించడంతో , అంటీ కూడా నెమ్మదిగా కళ్ళు తెరిచారు .
అమ్మ వెళ్లి ఇద్దరి కళ్ళనూ పరీక్షించి , బేబీ ……… చాలా త్వరగా కొలుకున్నారు మరికొద్దిసేపు రెస్ట్ తీసుకుంటే చాలు ఇంటికి వెళ్లిపోవచ్చు . అంకుల్ ప్రేమ చూస్తేనే అర్థమైపోతోంది ఇంటి దగ్గర ప్రాణంలా చూసుకుంటారని , ఇక్కడ మందుల వాసన కంటే ఇంటిలో ప్రేమనే మరింత కొలుకునేలా చేస్తుంది అని ఇద్దరికీ మరొక ఇంజక్షన్ వేశారు .
అంకుల్ ……… పవిత్రను చూడగానే కళ్ళల్లో కన్నీళ్ళతో , తల్లీ మమ్మల్ని క్షమించు నిన్ను ఎంత ఇబ్బందులకు గురిచేసాము , హింసించాము , కొట్టాము ………. మీ అమ్మా నాన్నలను బాధపెట్టాము , అయినా ఇవేమీ మనసులో ఉంచుకోకుండా అని రెండుచేతులతో నమస్కరించారు .
మావయ్యా ……… ఇప్పుడవన్నీ ఎందుకు మీరు బాగుంటే అదే చాలు అనిచెప్పారు .
బాబు ………. మమ్మల్ని క్షమించు అని నా పాదాలపై పడిపోబోతే ఆపి బెడ్ ను అంటీ ప్రక్కకు జరిపి పడుకోబెట్టి , మీ కోడలు చెప్పినట్లు మీరు హాయిగా రెస్ట్ తీసుకోండి మరి కొన్ని గంటల్లో డిశ్చార్జ్ అయిపోవచ్చు అనిచెప్పాను .
అంటీకి మొత్తం అర్థమైనట్లు ………. కళ్ళల్లో కన్నీళ్లు కారుస్తుంటే , పవిత్ర వెళ్లి తుడిచి అత్తయ్యా ఏమీ ఆలోచించకుండా రెస్ట్ తీసుకోండి అని చేతిని స్పృశించారు .
అంటీ ……… పవిత్ర చెయ్యి అందుకుని ముద్దుపెట్టి ఆపకుండా కన్నీళ్లను కారుస్తూనే ఉంది .
ప్రక్కనే ఉన్న నర్సులకు పర్సులోని డబ్బు మొత్తం ఇవ్వబోయాను .
సర్ మమ్మల్ని క్షమించండి ………. ఉదయం నుండీ రెస్ట్ లేకపోవడం వలన అలా ……….
పర్లేదు తీసుకోండి మీరు ఆక్టివ్ గా ఉంటేనే హాస్పిటల్ కు వచ్చినవాళ్ళు దైర్యంగా ఉంటారు . మేంఉన్నాము కాబట్టి రెండు ప్రాణాలు నిలబడ్డాయి . ఎవ్వరూ తోడు లేని పేదవాళ్ళ పరిస్తితి అని బాధపడుతుంటే,
వద్దు సర్ ………. మేము చేసినది తప్పు ఇక ఎప్పుడూ అలా చెయ్యము , మా డ్యూటీని ఆత్మసంతృప్తితో ఏమీ ఆశించకుండా చేస్తాము అని వెళ్లి గ్లూకోజ్ మార్చారు.
లవ్ యు బేబీ ………..
ఇంతలో అందరూ లోపలికివచ్చారు .
బావగారు ………. అని ముఖం కూడా చూపించడానికి తనకే పాపం అనిపించి పాశ్చాత్తాపంతో రెండు చేతులనూ జోడించి కుమిలిపోతుండటం చూసి , అంకుల్ దగ్గరకువెళ్లి బావగారు …
