Oka Koduku Prayanam | Emotional Telugu Story Series
అమ్మా చెప్పడం మరిచిపోయాను నాదేవతను రెండు సార్లు కౌగిలించుకొనడం ఆలస్యం స్పృహ కోల్పోయింది నాకు చాలా భయం వేసింది అని కంగారుపడుతూ అడిగాను . కిట్టయ్యా అంతా వివరంగా చెబుతాను కూర్చో అని సోఫాలో కూర్చోబెట్టుకొని నా చేతులను అందుకొని కళ్ళల్లో చెమ్మతో చెప్పడం మొదలెట్టింది.
నీ దేవత పుట్టినరోజు మరునాడు ఉదయం తెల్లవారుఘామునే పడుకున్న నాదగ్గరకు కళ్ళల్లో కన్నీళ్ళతో వచ్చి లేపి అమ్మా నేను తప్పు చేశాను , మనం వెంటనే వైజాగ్ వదిలి వెళ్లిపోతున్నాము అని చెప్పగానే , నిద్రమత్తు మొత్తం ఎగిరిపోయి కావ్య ఏమి మాట్లాడుతున్నావురా ………., ఇప్పుడిప్పుడే నాతల్లిని నాకంటే ప్రాణంగా ప్రేమతో చూసుకునే ఆత్మీయులు దొరికారని ప్రతి దేవతకూ సంతోషంతో పూజలు చేస్తున్నాను . మళ్లీ అలాంటి జీవితానికే వెళదామంటున్నావు . మన కిట్టయ్యకు చెల్లికి తెలుసా అని అడిగాను . అమ్మా ఎక్కువ సమయం లేదు ఒక్క నిమిషం ఇక్కడ ఉన్నా నీవు చెబుతున్న ప్రాణమైన ఆత్మీయులకు మనం ద్రోహం చేసినవాళ్ళమే అవుతాము . హైద్రాబాద్ వెళ్ళిపోయాక మొత్తం వివరిస్తాను .
మహేష్ లేవగానే కాలేజ్ కి రెడీ అవ్వమని చెప్పి కాలేజ్ కి పిలుచుకొనివెళ్లిపోతాను . కాల్ చేసాను కొద్దిసేపట్లో లగేజీ ట్రాన్స్ఫర్ వెహికల్ వచ్చేస్తుంది . మధ్యాహ్నం లోపు ఏమిచేస్తావో తెలియదు అమ్మకు తెలియకుండా లగేజీ మొత్తం వెహికల్ లోకి పనివాళ్ళతో మార్పించేయ్ , మహేష్ మధ్యాహ్నం exam కు వెళ్ళగానే నేను వచ్చేస్తాను హైద్రాబాద్ వెళ్లిపోతున్నాము అని చెప్పింది . ఆ మాటలు విని నా గుండెలో అగ్నిపర్వతం బద్దలైనట్లు బాధతో కన్నీళ్లు వచ్చేసాయి . నీ దేవత చూసి కన్నీళ్లను తుడిచి తప్పడం లేదమ్మా ……….నీ కిట్టయ్యకు ఎటువంటి అనుమానం రాకూడదు అని గుండెల నుండి తన్నుకొస్తున్న బాధ మరియు కన్నీళ్ళతో చెప్పింది .
రేయ్ తల్లి నీ మహేష్ ను వదిలి ఉండగలవా ………నీ వల్ల కాదే , నా కిట్టయ్య అయితే తట్టుకోలేడే ఒకసారి ఆలోచించు అని చెప్పాను . అంతే లోలోపలే బోరున విలపించి డ్రెస్ తడిచిపోయేంతలా కన్నీటిని కార్చి , వెంటనే కన్నీళ్లను తుడుచుకుని పైకి లేచి నా ప్రాణం కంటే ఎక్కువైన మహేష్ ను వదిలి ఉండటం నావల్ల కాదమ్మా అయినా గుండెను రాయి చేసుకుంటాను . మనం వెళ్లిపోతున్నాము ఇది ఫైనల్ అని తెగేసి చెప్పి బయటకు వెళ్లిపోతుంటే ,
ఇక్కడ నుండి వెళ్ళాక నువ్వే బాధపడతావే , నా కిట్టయ్య ను వదిలి నేను ఎక్కడికీ వెళ్ళను , నువ్వు ఎంత పెద్ద తప్పు చేసినా నీ మహేష్ మరియు అమ్మ క్షమించి గుండెల్లో దాచుకుంటారు . నేను వెంటనే వెళ్లి నా కిట్టయ్యకు విషయం చెప్పేస్తాను అని బెడ్ పైనుండి లేచాను . అమ్మా…….ష్ ష్……. అంటూ దగ్గరకొచ్చి నా ప్రాణాలు పోయినంత ఒట్టు అని తలపై చేతిని పెట్టుకోవడంతో , బెడ్ పై కూలబడిపోయి అంతటి మాట వద్దురా నా బంగారుతల్లి …
