స్పందించిన ప్రతీ ఒక్కరికీ ధన్యవాదములు.
-x-x-x-
215
లంకలో మిగిలింది నేనూ, పిన్నీ, అమ్మమ్మా, జేజిలిద్దరూ, గంగమ్మా, తిమ్మడు మావా, ఈరిగాడు తాతా, శాంత పెద్దమ్మా, రాణెమ్మ పిన్నీ, స్వాతీ, వారుణీ, కింద సెల్లారులో నలుగురు ఫారినర్లూ మాత్రమే. ఈరిగాడు తాత వస్తూనే -1లో దూరిపోయాడు. ఫంక్షన్ వల్ల పిన్ని బాగా అలసిపోయింది. అమ్మమ్మతో “అమ్మా! మందు కొట్టాల్సిందేనే, ఒళ్ళంతా నెప్పులు” అని అంటే, అమ్మమ్మ “నాకూ అలానే ఉంది. తోటలో కూర్చుందాం పట్టు” అంటూ జేజిలిద్దరినీ, గంగమ్మనీ కూడా రమ్మంది. తిమ్మడు మావ పార్టీ ఏర్పాట్లు చెయ్యడానికి బిజీ అయిపోయాడు.
ఇంకక్కడ, నేనూ, శాంత పెద్దమ్మా, రాణెమ్మ పిన్నీ, స్వాతీ, వారుణీ మాత్రమే ఉన్నాము. దేవి, అమ్మమ్మనీ, జేజిలిద్దరినీ, గంగమ్మనీ కార్టులో ఎక్కించుకుని వెళ్తూ, “రేయ్ కన్నలూ.. రాత్రంతా మేల్కుని ఉండకు. త్వరగా పడుకో. సేయ్ స్వాతి కోతీ… నువ్వేమీ రేపు వెళ్లిపోవట్లేదు. వారం రోజులు ఇక్కడే ఉంటున్నావ్. ఎక్కువ హైరానా పడిపోకు” అంటూ నన్నూ-స్వాతినీ హెచ్చరించి మరీ గోల్ఫ్ కార్ట్ స్టార్ట్ చేసి ఫౌంటెయిన్ దగ్గరకి వాళ్లందరినీ తీసుకుని వెళ్లిపోయింది.
గోల్ఫ్ కార్ట్ లైట్లు కనుమరుగవ్వగానే, అక్కడ రాణెమ్మా, వారుణీ, శాంత పెద్దమ్మా ఉన్నారూ అని అస్సలు పట్టించుకోకుండా స్వాతి నా మీదకి జంపు చేసి, నా చంక ఎక్కేసి, “లంజా కొడకా… నాకిప్పుడు పెళ్లి కావాలీ అని నేను నిన్ను అడిగానా?” అని అరుస్తూ నా జుట్టు పీకేస్తూ నా మీద పడిపోయింది. స్వాతిని బుజ్జగిస్తూ, “మరేం చెయ్యమే… వాడు అమ్మ కాళ్ల మీద పడి వదల్లేదు. నువ్వు దొరక్కపోతే ఛస్తా అన్నాడు. అయినా వాడికి అమ్మా-నేనూ చెప్పేశాం. నీకు నచ్చితేనే పెళ్ళీ అని” అని అన్నా.
స్వాతి మరింత కోపంతో నా జుట్టు పీకేస్తూ, “అయితే మాత్రం? నీ అక్కని ఎవడో దానయ్య గాడికి ఇచ్చి పెళ్లి చేస్తా అని ఒప్పేసుకుంటావా? చెక్ చేసుకునేది ఏమీ లేదా? రేప్పొద్దున్న ఇంకెవడో వచ్చి స్వాతి లేకపోతే నేనూ చస్తా అంటే వాడికీ నన్నిచ్చి పెళ్లి చేస్తావా?” అని ఉక్రోషంగా అరుస్తూంటే, రాణెమ్మా-శాంతపెద్దమ్మా ఇద్దరూ దాన్ని ఊరుకోబెట్టబోయారు. అట్టర్ ఫ్లాప్. స్వాతి ఇద్దరి మాటలూ అస్సలు కేర్ చెయ్యలేదూ, నా జుట్టు పీకడం ఆపలేదూ… నేను వారుణి వైపోసారి చూసి, ఉస్కో అని సైగ చేసా.
వారుణి ముందుకొచ్చి, స్వాతి వీపు నిమురుతూ, “అది కాదు స్వాతీ! వాడు నా అన్న అని చెప్పట్లేదు కానీ వాడు పాపం మంచోడే. వాడితో కొన్ని రోజులు ట్రావెల్ చేసి చూడు. నీకు వాడు నచ్చితేనే పెళ్లి. లేదంటే లేదు. కుసుమా మేడం కూడా ఇదే వాడికి చెప్పారు. నిన్నేమీ రేపే పెళ్లి చేసుకో అని ఎవరూ బలవంతం పెట్టట్లేదు. నీకు వచ్చిన కష్టం మొత్తం వాడికి చెప్పడం జరిగింది. అయినా కూడా వాడు …
