స్పందించిన ప్రతీ ఒక్కరికీ ధన్యవాదములు.
-x-x-x-
212
సరిగ్గా అప్పుడే అక్కడకి ఓ నగ మీద నా ఒపీనియన్ తీసుకోవడానికి అమ్మ నన్ను వెదుక్కుంటూ వచ్చి, తిమ్మడు మావ అన్న మాటలు విని, “ఏంటి కన్నలూ? తిమ్మడు ఏదో ఈడూ-జోడూ అంటున్నాడు” అని అనుమానంగా అడిగింది. అమ్మ మాట వింటూనే వంశీ అక్కడ నుంచి ఖంగారుగా పరిగెత్తబోతూంటే, నేను తన చెయ్యి పట్టుకుని ఆపుతూ, “బావా.. ఉండు. అమ్మ మన పార్టీనే.. ఏం పర్లేదు. అమ్మే నీ లవ్ సక్సెస్ చెయ్యగలదు” అంటూ అమ్మకి వంశీని పరిచయం చేశా.
నేను, అమ్మా.. ఇతను వంశీ… మన అయూషీ ఆంటీ వాళ్ల అబ్బాయి. ట్విన్స్ లో ఒకడు. వంశీ వారుణీ ఇద్దరూ ట్విన్స్. ఇద్దరూ మన హాస్పిటల్లోనే, జూనియర్ డాక్టర్స్ గా పని చేస్తున్నారు. ఇద్దరూ మన హాస్పిటల్ హాస్టల్లోనే ఉంటున్నారు. వంశీ గారూ, మా అమ్మ.. మీ హాస్పిటల్ యం.డీ” అని పరిచయం చేశా. వంశీ వంగుని అమ్మ కాళ్లని ముట్టుకుని పైకి లేస్తూ, మీ గురించి చాలా విన్నాను మేడం. మీరు చాలామందికి రోల్ మోడల్. నాకూ-నా చెల్లికి కూడా మీరే రోల్ మోడల్ అని అన్నాడు.
అమ్మ, ఏంట్రా ఈ సోది అన్నట్టు నావైపు చూసింది. నేను నవ్వుతూ, “అమ్మా… వంశీ స్వాతక్కని లవ్ చేస్తున్నాడు. లవ్ ఎట్ ఫస్ట్ సైట్. స్వాతి లేకపోతే, తను బ్రతకలేని స్టేజిలో ఉన్నాడు” అంటూ. వంశీ స్వాతిని లవ్ చేస్తున్న సంగతి చెప్పా. అమ్మ షాకులో నన్ను చూస్తూ, ఫస్ట్ ఒప్పుకోలేదు. “లేదు నాన్నలూ… స్వాతి ఇప్పుడిప్పుడే తనకి తగిలిన దెబ్బ నుంచి మెల్లగా కోలుకుంటోంది. మళ్లీ రిస్క్ వద్దు! చిట్టి బంగారం ఏడిస్తే నేను తట్టుకోలేను.కొన్నాళ్లు ఆగుదాం” అని మొండికేసేసింది. నేను ఏం పర్లేదు, వంశీ కూడా కొన్నాళ్లు పెళ్లికి ఆగగలడు, కొన్నేళ్లు ఇద్దరూ కలిసి ట్రావెల్ చేస్తారు. నచ్చితేనే పెళ్లి చేసుకుంటారు అని చెప్పా.
అమ్మ మాత్రం “ససేమీరా” అని భీష్మించేసుకుని నో అని చెప్పింది. అమ్మ ఎంత మొండిదో నాకు తెలుసు కదా? వంశీ ఆల్మోస్ట్ ఏడుపు మొహం పెట్టుకుని చూశాడు. తను నా వైపు చూడగానే, నేను “ముందు అమ్మని ఇంప్రెస్ చెయ్యాల్సిందే” అని సైగ చేసా. తనకి నా సైగ సరిగ్గా అర్థం కాక, అమ్మ కాళ్ల మీద ఢామ్మని పడిపోతూ, “ఆంటీ.. ప్లీజ్.. ప్లీజ్.. మీరే నా లవ్ కి హెల్ప్ చెయ్యాలి. స్వాతి లేకపోతే నేను బ్రతకలేను” అంటూ బ్రతిమాలడం మొదలెట్టేశాడు.
అమ్మ మాత్రం ఓ పెద్ద సంకట స్థితిలో ఉంది. అమ్మ గొంతు సవరించు కుంటూ, “చూడమ్మా వంశీ… నీది వన్ సైడ్ లవ్. స్వాతి ఏమంటుందో తెలియకుండా నేను నీకు ఎలాంటి మాటా ఇవ్వలేను. స్వాతి ఒప్పుకుంటేనే మిగిలిన అందరమూ ఒప్పుకుంటాము. దాని జీవితంలో మేము ఓ సారి చేసిన తప్పు మళ్లీ చెయ్యలేము. అయినా నువ్వింతలా ప్రేమించడానికి అది కన్నె పిల్ల కాదు. పెళ్ళయ్యి మొగుడు పోయిన …
