పాఠక మిత్రులారా! ఒక చిన్న విన్నపము !! అన్యధా భావించవద్దు.
ఎంతో మంది కథ చదువుతున్నారు. నైస్ అప్డేట్ అనో గుడ్ అప్డేట్ అనో ఒక్క రెండు ముక్కలు వ్రాస్తే మీ సొమ్మేమీ పోదు కదా? అట్లానే లైకులూ [] రేట్లూ [] కొట్టినా మీకు కలిగే నష్టం ఏమీ ఉండదు.. కానీ కష్టపడి కథలు వ్రాసే రచయితలకు మాత్రం ఎనలేని ఉత్సాహాన్ని కలుగచేస్తాయి అవి.
దయచేసి గమనించగలరు. సైలెంటుగా చదివి వెళ్ళిపోకుండా, మీకు నచ్చితే ఒక చిన్న షాభాషీ ఇవ్వండి. నాకు మరింత ఎనర్జీతో తరువాయి అప్డేట్ వ్రాయడానికి ఎంతో దోహదపడతాయి. నచ్చకపోతే ఎందుకు నచ్చలేదో చెప్పండి. సరిచేసుకోవడానికి ప్రయత్నం చేస్తాను.
=========
ప్రస్తుతం: (ఇప్పటిదాకా చెప్పిన కధ ఇండెక్సు : [1 – 100] , [101 – ] )
22.2 ప్రతీకారం-ప్రతిఫలం – 2
ఇంతలో నాకు సర్జరీ చేసిన డాక్టర్స్, “ఇతనికి ఇప్పుడే సర్జరీ అయ్యింది. మీరు కాసేపు వెయిట్ చెయ్యాలి! ఇంకా ఎనస్తీషియా మత్తులోంచి బయటకు రాలేదు” అంటూ సెక్యూరిటీ ఆఫీసర్లని పక్కకి నెట్టేసి, “సిస్టర్! పేషంట్ ని ఐసీయూ కి షిఫ్ట్ చెయ్యండి” అని సెక్యూరిటీ ఆఫీసర్లకి అడ్డం పడ్డారు. సెక్యూరిటీ ఆఫీసర్లు బిక్కమొహాలేసుకుని చూస్తూ ఉంటే, అమ్మ “ఆఫీసర్! జరిగిన దానిలో మావాడి తప్పేం లేదు. నేనో ఎక్స్ అయ్.ఏ.యస్ ఆఫిసర్ ని. లోపల ఓటీలో ఉన్నది మీ ఎక్స్ ఇంటెలిజెన్స్ డీజీ ప్రసాదు గారు. ఆయన మా అబ్బాయికి పిల్లనిచ్చిన మావగారు. ఆయన మీద రామనాధపురం యంపీ, కిరాయి గూండాలతో అసాల్టు చేయిస్తే, వెన్నెముక విరిగింది. ఆయనని కాపాడడానికి వెళ్ళి నా కొడుకు చెయ్యి విరగ్గొట్టుకున్నాడు. వాడి మీద ఇంకో కేస్ కూడా పెడుతున్నా! నా భర్త, మూడు నెలల క్రింద మరణించిన మీ కోయంబత్తూర్ స్పెషల్ ఐజీ, నారాయణ. ఆయనని చంపించింది కూడా ఈ యంపీయే! మీకు చేతనయితే వెళ్ళి ముందర యంపీని అరెస్ట్ చేసి మా వాడి జోలికి రండి. లేదంటే, రేపీపాటికి, మీ సీట్లో వేరే వాళ్ళుంటారు” అంటూ సీరియస్ వార్ణింగ్ ఇచ్చింది. సీఐ దానికి రెస్పాన్స్ గా, “అమ్మా! మీ అమ్మగారు చదివించబట్టే నేనీ రోజు సీఐగా ఉన్నాను. కానీ అక్కడ చనిపోయింది ముగ్గురు ఫారినర్లూ, ఈ నియోజకవర్గపు యంపీ! మేమేమీ యాక్షన్ తీసుకోకపోతే మా ఉద్యోగాలు పోతాయి అమ్మా! మా పరిస్థితి కొంచెం అర్థం చేసుకోండి.” అంటూ బ్రతిమాలసాగాడు.
లల్లీ సర్కిల్ కి అడ్డం పడి, “అట్లా అని గాయాలపాలయ్యి ఆపరేషన్ జరిగిన పేషంటుని అరెస్ట్ చేస్తారా” అంటూ ఘర్షణకి దిగుతూ ఉంటే, నేను “లల్లీ! ఆగవే! ఆఫీసర్! నేనెక్కడికీ పారిపోయే బ్యాచ్ కాదు. మీరు కావలంటే యఫ్ఫైఆర్ లో నన్ను అరెస్ట్ చేసి మెరుగైన వైద్యం కొరకు ప్రైవేటు హాస్పిటల్లో జాయిన్ చేశాము అని రాసుకోండి. మీకింకా అనుమానం ఉంటే సెక్యూరిటీ ఆఫీసర్ కాపలా పెట్టుకోండి.” అంటూ ఉంటే, “ఇంక చాలు! పేషంట్ ఎక్సైట్ అయితే కుట్లు డ్యామేజ్ అవుతాయి. సిస్టర్! తీసుకెళ్ళు” అంటూ డాక్టర్స్ సిట్యువేషన్ కంట్రోల్లోకి తీసుకొచ్చారు. చివరికి …
