Ek doosre ke sukh-1

Sunanda ne apne kitchen ka kaam nipta diya tha. Fir wo office jaane ki abhi taiyaari hi karne lagi thi, ki ghar ka phone ring hota hai. Ye phone call uske gaon se thi. Usko koi batata hai ki gaon mein tau ji khet se laut-te waqt tractor se gir gaye the. Aur unke bahut zyada chot aayi thi. Ab tau ji ki umar bhi bahut ho gayi thi, aur fir doctor ne bhi unke firse chal paane par kuch ummeed nahi batayi thi. Tab gaon mein aas-pados ke logon ne ye baat Sunanda ko bata deni sahi samjhi. Ab tau ji ki dekh bhaal ke liye har samay kisi na kisi ka unke paas hona zaroori tha. Darasal tau ji ne kabhi shaadi nahi ki thi, isliye unki koi aulaad bhi nahi thi. Aur Sunanda ke mata-pita ke duniya se chale jaane ke baad inhone hi Sunanda ko apne nigrani mein paala tha. Waise bhi ek inka hi pariwar tha, jo tau ke sabse kareebi tha. Magar jab Sunanda gaon se padhayi ke liye shehar aayi, to wo wapas laut-te hue apne college ke pyar apne boyfriend Naresh se love marriage karke gaon lauti. Jab ye sab tau ji ne dekha, to unhe bada jhatka laga. Unko …