నా బుజ్జి దేవకన్య కూడా ప్రయత్నించిందన్నమాట అంటూ చుట్టూ ఎటుచూసినా పచ్చదనంతో అతిసౌందర్యంగా ఉన్న ప్రకృతిని చూసి ఆనందిస్తున్న మహి కురులపై ప్రేమతో ముద్దుపెట్టాను .
మహి : ఆహా …… ఎంత అందంగా వుందో , జలజలపారుతున్న అమ్మ – రెండువైపులా ఎటుచూసినా పచ్చదనం అంటూ నా నడుముని చుట్టేసి పులకించిపోతోంది – దేవుడా …… చిన్నప్పటి నుండీ ఈ అందమైన ప్రకృతి ఒడిలోనే పెరిగారు కదూ ……. , ఇకనుండీ నా దేవుడితోపాటు నేనుకూడా …….
ఈ సౌందర్యమైన ప్రకృతి ఒడిలోకి అంతే సౌందర్యమైన తన బిడ్డ దేవకన్య అడుగుపెట్టబోతోంది అంటే ప్రకృతి అమ్మకు అంతకంటే ఆనందం ఏమిటి , అదృష్టంలా భావిస్తుంది దేవకన్యా – పైగా ఈ రాజ్యానికే యువరాణి కాబోయే రాణి ……..
అప్పటివరకూ అందంగా సిగ్గుపడుతున్న మహి వెంటనే కళ్ళల్లో చెమ్మతో ……. ఎప్పుడైతే నా దేవుడిని కలిశానో అప్పుడే ఆ క్షణమే నా దేవుడి దాసీని అయిపోయాను – నా దేవుడు ప్రకృతిఒడిలో ఉండబోతున్నారు కాబట్టి నేనుకూడా అక్కడే అంటూ ప్రాణంలా హత్తుకుంది .
చాలా చాలా సంతోషం మహీ ……. , కానీ నీ దేవుడు …… రాజు అవ్వడానికి వచ్చాడు కదా …….
మహి : అయితే మహారాణిని అవుతాను – ఈ ప్రకృతికి ఎటువంటి హానీ జరగకుండా చూసుకుంటాను .
నా దేవకన్య బంగారం – స్నానం చెయ్యకుండా రక్షణగోడ దగ్గర నా జాగ్రత్త గురించే ఆలోచిస్తూ ఉండిపోయావు కదూ అంటూ పెదాలను పెదాలతో మూసేసి అమాంతం ఎత్తుకుని పరుగునవెళ్లి అంతెత్తు నుండి నదీ ప్రవాహంలోకి దూకేసాను . కింద నేలవరకూ వెళ్లి భూతల్లిని స్పృశించి నీటి ఉపరితలం మీదకు చేరుకున్నాము .
నా దేవకన్య భయంతో నా మెడను వదిలితే ఒట్టు , దేవుడా దేవుడా ……. అంటూ కంగారుపడుతూ ఏకమయ్యేలా చుట్టేసి మింగిన నీటిని వదులుతోంది .
ప్రియాతిప్రియమైన మహీ ……. భయం దేనికి , నదీ దేవత అమ్మ …….
మహి : అమ్మ అమ్మ – నా దేవుడిని జాగ్రత్తగా నాదగ్గరికి చేర్చిన అమ్మ అంటూ సంతోషంతో నీళ్లకు ముద్దులుపెట్టి నీటిలో మునకవేసి నీటిని సేవించి ఇక భయం లేనట్లు నన్ను వదిలేసి నాపైకి నీళ్లు జల్లుతూ ఆనందిస్తోంది .
రోజూ ఉద్యానవనంలోని ఈతకొలనులో జలకాలాడిన అనుభవంతో అమ్మ ఒడిలో …
