episode-84
ఏవండీ,,, ఏవండీ,,, అన్న వదిన పిలుపు వినబడటంతో నాకు మెలుకువ వచ్చింది. కళ్ళు తెరిచి చూస్తే వదిన వీర్రాజు అన్నను నిద్ర లేపుతుంది. టైం చూడగా 7:00 అయ్యింది. అప్పటికే వదిన చీర కట్టుకొని తయారయి ఉంది. అన్న నిద్ర లేవగానే వదిన మాట్లాడుతూ, ఎవరో మీ ఫ్రెండ్ వచ్చారు కింద వెయిట్ చేస్తున్నారు అని చెప్పింది. …. సరే నేను ఇప్పుడే వస్తాను నువ్వు వెళ్ళి టీ ఏర్పాటు చెయ్ అని చెప్పి అన్న బాత్రూం లోకి వెళ్ళాడు. …. వదిన నావైపు చూసి, నువ్వు కూడా లేచి తయారై రా టీ పెట్టేస్తాను అని చెప్పి కిందకి వెళ్ళిపోయింది. అన్న ఫ్రెష్ అయ్యి వచ్చిన తర్వాత నేను బాత్రూం లోకి వెళ్లి ఫ్రెష్ అయ్యి బట్టలు వేసుకుని కిందికి వెళ్లేసరికి వదిన అందరికీ టీ ఇచ్చింది. టీ తాగిన తర్వాత ఆంటీకి, బుడ్డోడికి, వదినకి బాయ్ చెప్పి మేము ముగ్గురం అక్కడినుంచి బయలుదేరి నా ఏరియాకి చేరుకున్నాము.
పార్వతి అమ్మ ఇంటిలోకి తీసుకుని వెళ్లి నేను అనుకున్న రెండు రూములు చూపించి నాకు కావలసిన మార్పుల గురించి అతనికి చెప్పాను. అతను అంతా చూసుకుని జిమ్ గా మార్చవలసిన రూమ్ కి కొంత సివిల్ వర్క్ కూడా అవుతుంది అందుకు అవసరమైన మార్పుల గురించి చెప్పాడు. ఇకపోతే సౌండ్ ప్రూఫ్ గా మార్చవలసిన రూమ్ చూసి ఆ పని చేయడానికి తనకు తెలిసిన ఒక ఎక్స్పర్ట్ ఉన్నాడని అతనితో మాట్లాడి పని మొదలు పెట్టిస్తాను అని చెప్పాడు. మొత్తం అంతా లెక్కలు వేసి సుమారుగా ఐదు నుంచి ఐదున్నర లక్షల వరకు ఖర్చు అవుతుందని అంచనా వేసాడు. నేను అందుకు సరే అని చెప్పి ముందుగా ఒక లక్ష రూపాయలు అడ్వాన్స్ అతనికి ఇచ్చాను. జిమ్ కి సంబంధించిన రూమ్ పనులు రేపటి నుంచి మొదలు పెట్టేస్తాను అని అతను మాటిచ్చాడు. ఇక్కడ జరిగే పని అంతా ఎటువంటి హడావుడి లేకుండా కామ్ గా జరిగిపోవాలి అని అతనికి చెప్పి అవుట్ హౌస్ లో ఉన్న మామ్మని పిలిచి రేపటి నుండి ఇక్కడ కొంచెం పనులు జరుగుతాయి వాళ్లకు కావాల్సిన టి, టిఫిన్లు సంగతి చూసుకోమని చెప్పాను. అందుకు మామ్మ సరే అని చెప్పిన తర్వాత బయటికి వచ్చి అన్నకి నా రూమ్ చూపించిన తర్వాత, ఏం పర్వాలేదు దీపు అంతా సవ్యంగానే జరిగిపోతుంది ఒక వేళ ఏదైనా అవసరమైతే నాకు ఫోన్ చెయ్ నేను వస్తాను అని చెప్పి వీర్రాజు అన్న అతనితో కలిసి వెళ్లిపోయాడు.
నేను నా రూం కి వెళ్లి తయారయ్యి ఇంటికి వెళ్ళాను. అమ్మ, ప్రీతి నా కోసమే వెయిట్ చేస్తూ కూర్చున్నారు. అంకుల్ ఏదో పని ఉండడంతో తొందరగానే టిఫిన్ చేసి వెళ్ళిపోయారు. ముగ్గురం కలిసి కూర్చుని టిఫిన్ చేసి ప్రీతి రూమ్ లో సెటిల్ అయ్యాము. ఇచ్చిన మాట ప్రకారం ఆరోజు సాయంత్రం వరకు ప్రీతితో మాత్రమే గడిపాను. కొంతసేపు కంప్యూటర్లో గేమ్స్ ఆడుకున్న తర్వాత ప్రీతి మాట్లాడుతూ, అన్నయ్య నాకు డ్రైవింగ్ …
