అక్కయ్యా – వదినమ్మా …… వేచిచూసింది చాలు – ఇక ముసుగు కూడా తీసేయ్యండి , మిమ్మల్ని స్పృశిస్తుంటేనే మీ కంపనాల ద్వారా మీ మనసులోనిది తెలిసిపోతోంది , మేము తోడుగా ఉండి చెడగొట్టడం ఇష్టంలేదు , మీ మనసులోని చిలిపికోర్కెలన్నీ తీర్చుకోండి అంటూ బుగ్గలపై ముద్దులుపెట్టారు , ఒక్క క్షణం ఉండండి బుజ్జాయిలను తీసుకుని వెళ్లిపోతాము .
మహి : వద్దు వద్దు …… , మెలకువ వచ్చినప్పుడు వాళ్ళ నాన్నపై లేకపోతే విద్వాంసమే , ఆ సంగతి నేను చూసుకుంటానులే అంటూ నలుగురినీ కౌగిలించుకుంది .
యువరాణి : ఇక్కడనుండి వెంటనే వెళ్లిపోండి అనేకదా అంటున్నారు వెళతాము వెళతాములే , మీ దేవుడి కోసం ఎంతలా ఎదురుచూసారో కళ్లారా చూసినవాళ్ళం అంటూ సంతోషంగా కౌగిలించుకున్నారు , మీ మిత్రుడు కృష్ణకు – సింహాలకు అనువైన విశ్రాంతి గదులను కేటాయించడం మావంతు ……. , మిత్రులారా ….. మీ యువరాణికి తోడుగా వీరాధివీరుడే ఉన్నారుకదా వచ్చేయ్యండి అంటూ పిలుచుకునివెళ్లారు కాస్త భయంభయంగానే ……..
చప్పుడు చెయ్యకుండా చిరునవ్వులు చిందిస్తూ లోపలికివచ్చి , అలసిపోయి జోకొడుతూ నిద్రపోతున్న నావైపే కళ్ళల్లో ఆనందబాస్పాలతో కన్నార్పకుండా చూస్తూ ఒక్కొక్క అడుగే వేస్తోంది . దేవుడా …… నాలుగేళ్లు అవుతున్నా – ఇంతకాలం దూరంగా ఉన్నా – మోసం చేసి నన్ను ఒక యువరాజు తీసుకెళ్లినా …… ఎక్కడ ఉన్నానో కూడా తెలియని నాపై అంతే ప్రేమను కురిపిస్తూ ఇంతదూరం వచ్చారు , మీ విరహాన్ని మరిన్ని రోజులు పెంచుతున్న నన్ను మన్నించండి అంటూ నాపాదాలను స్పృశించి కళ్ళకు హత్తుకుంది .
అలా స్పృశించిందో ఆ క్షణమే ఆకాశంలో ఉరుము ……. , చాలాకాలంగా వినకపోవడం వలన ఒక్కసారిగా భయపడి నాప్రక్కచేరి బుజ్జితల్లితోపాటు నన్ను హత్తుకుంది , హత్తుకున్నంతసేపూ ఉరుములు మెరుపులు …….. , మరింత మరింత గట్టిగా హత్తుకుంటూనే ఉంది .
అంతలో నెమ్మదిగా అమ్మా అమ్మా …… అంటూ బుజ్జితల్లి ముద్దు ముద్దు పలుకులు .
మహి : ఓరకంటితో చూసి బుజ్జితల్లీ ఇంకా నిద్రపోలేదా అంటూ ముద్దుపెట్టింది , భయం వేస్తోందా ? .
బుజ్జితల్లి : నాన్న గుండెలపై ఉన్న నాకు భయమా …… ? , భయపడుతున్నది ఎవరో తెలుస్తోంది .
మహి : చిన్నగా నవ్వుకుంది , తొలిసారి మీ నాన్న గుండెలపైకి చేరినప్పుడు నాకూ ఇంతే ధైర్యం వచ్చింది .
బుజ్జితల్లి : అయితే మళ్లీ నాన్నను హత్తుకుని ధైర్యం తెచ్చుకోండి అంటూ మహి పెదాలపై ముద్దుపెట్టి , బిగుతైన మహి పట్టు నుండి ఎలాగోలా బయటపడి , అటువైపుకువెళ్లి అన్నయ్యా – నాన్నా అంటూ మాఇద్దరి బుగ్గలపై ముద్దులుపెట్టి , తన అన్నయ్యను చుట్టేసి పడుకుంది . తలెత్తి ఆశ్చర్యంగా చూస్తున్న మహివైపు …. అమ్మా …… తెల్లారాక కుదరదు ఇన్నాళ్లూ ఎంత ప్రేమ దాచుకున్నారో నాన్నకు పంచండి అంటూ బుజ్జినవ్వుతో గట్టిగా కళ్ళు మూసుకుంది .
మహి : నా బుజ్జితల్లి బంగారం అంటూ నవ్వుకుంది – నా నుదుటిపై ప్రాణం కంటే ఎక్కువైన ముద్దుపెట్టి దుర్గమ్మ తల్లీ మీపైనే …
