episode-112
ఇక్కడ దీపు అమ్మ చెల్లి మెత్తని బంతుల మధ్య సుఖంగా నిద్రపోయాడు కానీ అక్కడ అభి ఇంట్లో తన బెడ్ రూములో ఉన్న అను నిద్రపట్టక తలగడను కౌగలించుకొని నలిపేస్తూ దీపు గురించి ఆలోచనలలో మునిగిపోయింది. అబ్బా,, ఇప్పుడు నేను ఏం చెయ్యాలి ఎలా చెయ్యాలి? దీపుకి దూరంగా ఉండటం నావల్ల కావడం లేదు ఏదో ఒకటి చేసి ఆ దొంగ సచ్చినోడిని నావాడిని చేసుకోవాలి అని అనుకుంటూ ప్రేమ మైకంలో జోగులాడుతుంది. నా ప్రేమ గురించి వాడికి తెలియజేయడం ఎలా? ఇంతకంటే ఏం చేయాలో అర్థం కావడంలేదు. కానీ అప్పుడప్పుడు వాడికి కూడా నామీద ప్రేమ ఉందని అనిపిస్తుంది. వాడి మనసులో నేను ఉన్నానని నా మనసుకు తెలుస్తుంది. నేను వాడిని ప్రేమిస్తున్నానని వాడికి కూడా తెలుసు అని నాకు అనిపిస్తుంది. కానీ వాడు మాత్రం ఏమీ ఎరగనట్టు అమాయకుడిలాగా ఫేస్ పెట్టుకొని తిరుగుతాడు.
అబ్బా,, ఇక్కడ ప్రాణాలు గుంజేస్తున్నట్లు ఉంటే వాడు అక్కడ హాయిగా నిద్రపోతుంటాడు. అను దీపుని కౌగిలించుకుంటునట్టు ఊహించుకుంటూ తలగడను మరింత గట్టిగా నలిపేస్తూ, ఇలా మేమిద్దరం ఒకరి కౌగిలిలో మరొకరు మైమరచిపోయే రోజు ఎప్పుడొస్తుందో? ఇలా మేము ఇద్దరం కలిసి సుఖసంతోషాలను పంచుకునే రోజు ఎప్పుడొస్తుందో? ఒకవేళ వాడు నా ప్రేమను అంగీకరించకపోతే,,,, అమ్మో నా ప్రాణాలు పోతాయి. లేదు లేదు,,, అలా జరగడానికి వీల్లేదు. ఎలాగైనా వాడి మీద ఉన్న నా ప్రేమను వాడికి అర్థం అయ్యేటట్టు చేసి తీరుతాను. ఎట్టి పరిస్థితుల్లోనూ దీపు లేకుండా నేను జీవించలేను. ఎలాగైనా వాడిని నా సొంతం చేసుకుని తీరుతాను అని అనుకుంటూ పరిపరివిధాల ఆలోచనలతో మంచం మీద దొర్లుతూ ఊహలలో విహరిస్తోంది.
**********
ఇక్కడ దీపు అను ఎవరి ఇంట్లో వారు తీయని కలలు కంటూ హాయిగా నిద్రపోయారు కానీ నగరంలో మరోచోట మరో వ్యక్తి నిద్రలేకుండా తీవ్రంగా ఆలోచిస్తూ కూర్చున్నాడు. అది మరెవరో కాదు ఇంతవరకూ చాలాసార్లు దీపుని చంపడానికి ప్రయత్నించి విఫలమవుతూ వస్తున్న అసలైన బాస్. కూర్చుని కొత్త కొత్త ప్లాన్లు ఆలోచిస్తున్నాడు కానీ ఏది కూడా వర్కౌట్ అయ్యేటట్టు కనబడక పోవడంతో తనలో తానే మాట్లాడుకుంటూ, అసలు ఏం చేసి వీడిని తప్పించాలి? వీడు మళ్లీ బతకకుండా శాశ్వతంగా పైకి పోయేలా ఏం చేస్తే బాగుంటుంది? అసలు వీడు ప్రతిసారి ఎలా తప్పించుకోగలుగుతున్నాడు? ఇక ఉపేక్షించి లాభం లేదు కొంచెం గట్టిగా ప్రయత్నించి ఏదో ఒకటి చేసి తీరాలి అని గట్టిగా నిర్ణయించుకున్నాడు.
**********
మరుసటి రోజు పొద్దున్న అలవాటు ప్రకారం తెల్లవారే నిద్రలేచి …
