episode-103
ఆనందం సంతోషం ఉద్వేగం ప్రేమ ఆప్యాయత ఇలా కొన్ని అద్భుతమైన భావాలతో పెనవేసుకుని మనసు ఉప్పొంగుతూ ఉండగా అనిర్వచనీయమైన అనుభూతికి లోనవుతూ ఇంటికి చేరుకున్నాను. కారు పార్క్ చేసి లోపలికి వెళ్ళేసరికి అమ్మ అంకుల్ సోఫాలో కూర్చుని టీవీ చూస్తున్నారు. నేను దగ్గరకు వెళ్లి హలో అంకుల్,,, అని పలకరించగా అమ్మ నన్ను చూసి చెయ్యి పట్టుకుని ఇద్దరి మధ్యలో కూర్చోబెట్టుకుంది. హౌ ఆర్ యు దీపు,, కాలేజీ లైఫ్ ఎలా ఉంది? అని సరదాగా అడిగారు అంకుల్. …. కూల్ అంకుల్,, చాలా బాగుంది అని నవ్వుతూ సమాధానం ఇచ్చాను. …. ఇంతలో టీవీలో వస్తున్న న్యూస్ ఛానల్ లో రాజుగాడి హత్యకు సంబంధించిన వార్త మొదలైంది. బహుశా పొద్దున్నుంచి ఆ వార్త బ్రేకింగ్ న్యూస్ లాగా కంటిన్యూ చేస్తున్నట్టున్నారు. అంకుల్ దృష్టి టీవీ మీదకి మళ్ళడంతో నేను కూడా ఇంకేమీ మాట్లాడకుండా ఆ వార్తను చూస్తూ కూర్చున్నాను.
బ్రేకింగ్ న్యూస్,,, నిన్న అర్ధరాత్రి దాటిన తర్వాత ప్రముఖ ఫైటర్ రాజుని హత్య చేసి సిటీలోని బహిరంగ ప్రదేశంలో మృతదేహాన్ని పడేసారు. ఈసారి కూడా ఈ పని చేసింది DD అనే తెలుస్తుంది. మళ్లీ అదే ప్రశ్న,,, ఇంతకీ ఈ DD ఎవరు? సమాజంలోని ఇటువంటి వ్యక్తులతో అతనికి ఉన్న శత్రుత్వం ఏమిటి? ఇంతకుముందు కూడా ఫైటర్ రాజు తమ్ముడు రాణా కూడా ఇలాగే హత్యకు గురి కాబడ్డాడు. ఇప్పుడు ఫైటర్ రాజు కూడా మొన్న రాత్రి తన అడ్డా నుంచి మాయమై అతని అడ్డా అంతా తన అనుచరుల శవాలతో నిండిపోయింది. నిన్న రాత్రి సిటీ కూడలిలో రాజు కూడా శవమై తేలాడు. ఈ వార్త తెలిసిన దగ్గర్నుంచి సెక్యూరిటీ ఆఫీసర్లు దర్యాప్తులో నిమగ్నమై ఉన్నారు కానీ ఇంతవరకు ఎటువంటి ఆచూకీ లభించలేదు అని సమాచారం. ఆ తర్వాత రాజు శవం తాలూకా వీడియోలు అంతకు ముందు రోజు అతని అడ్డాలో అనుచరుల శవాల వీడియోలు చూపిస్తూ మళ్లీ అదే న్యూస్ రిపీట్ అవుతోంది.
అంకుల్ మాట్లాడుతూ, సిటీలో ఇలాంటి చెత్తగాళ్లు ఎక్కువైపోయారు. క్రైమ్ రేట్ బాగా పెరిగి జనాలు బాగా ఇబ్బంది పడుతున్నారు. ఇలాంటి నేరగాళ్లను సమాజంలో నుంచి ఏరిపారేయడానికి ఎవరో కంకణం కట్టుకుని మన సిటీలోకి ఎంటర్ అయినట్టున్నారు అని అన్నారు. …. నా చేయి ఇంకా అమ్మ చేతిలో ఉండడంతో అమ్మ నా చెయ్యి గట్టిగా పట్టుకుని చిన్న చిరుమందహాసంతో వెలిగిపోతున్న మొహంతో “నువ్వేనా”? అన్నట్టు నా వైపు చూసింది. అదే సమయంలో అమ్మకి కన్ఫర్మేషన్ ఇస్తూ నా పెదాలపై చిన్న చిరునవ్వు మెరవడంతో అమ్మ పొంగిపోయి ఆ ఆనందం అంకుల్ కి తెలియకుండా జాగ్రత్త పడుతూ, కానీ చట్టం దృష్టిలో ఆ DD నేరస్తుడు అయిపోతున్నాడు కదా? అని అంది. …. కానీ సమాజం దృష్టిలో అతను దేవుడు అవుతున్నాడు కదా? బహుశా అతను అటువంటి వ్యక్తుల చేతుల్లో దగాపడ్డ వ్యక్తి అయి ఉంటాడు అందుకే ఒక పథకం ప్రకారం ఇలాంటి పని చేస్తూ ఉండొచ్చు. ఏది ఏమైనా నేరగాళ్ల సంఖ్య తగ్గుతున్నందుకు ఆ చేస్తున్న వ్యక్తిని అభినందించి తీరాలి అని అన్నారు అంకుల్.
ఇక ఆ టాపిక్ అంతటితో ముగిస్తే బెటర్ అని అనుకుని, అమ్మ,, బంగారం ఎక్కడ? అని అడిగాను. …. భోజనం చేసి ఇప్పుడే పైకి వెళ్ళింది నాన్న పద నీకు కూడా భోజనం పెడతాను అంటూ పైకి లేచి అమ్మ కిచెన్ లోకి వెళ్ళింది. మరో రెండు నిమిషాలు అంకుల్ నాతో పిచ్చాపాటీ మాట్లాడి తన రూమ్ లోకి వెళ్ళిపోయారు. అమ్మ నన్ను డైనింగ్ టేబుల్ మీద కూర్చోబెట్టి భోజనం వడ్డించి నేను తింటున్నంతసేపు నన్నే చూస్తూ మురిసిపోతూ కూర్చుంది. భోజనం పూర్తయిన తర్వాత, అమ్మ నీతో కొంచెం మాట్లాడాలి నేను పైకి వెళ్లి బంగారాన్ని కలిసి వస్తాను ఆ తర్వాత మాట్లాడుకుందాము అని చెప్పి పైకి వెళ్లాను. రూమ్ డోర్ …
