episode-51
పొద్దున నిద్రలేచి జాగింగ్ కి వెళ్లాను. కొంతసేపు పరిగెత్తి కరాటే క్లాసు చూస్తూ ఎక్సర్సైజులు పూర్తిచేసుకుని మళ్లీ జాగింగ్ చేస్తూ ఉండగా వెనకనుంచి అను పరిగెత్తుకుంటూ వచ్చి నాతోపాటు జాగింగ్ చేయడం మొదలుపెట్టింది. నేను అనూని చూసి, హాయ్ అను,, గుడ్ మార్నింగ్ అని పలకరించాను. …. ఏంటి,,, సార్ నిన్న జాగింగ్ కి రాలేదు? అంటూ దీర్ఘం తీసి అడిగింది. …. కొంచెం పని ఉండి రాలేకపోయానులే అని అన్నాను. …. అంత ముఖ్యమైన పని ఏంటో అయ్యగారికి? అని అనుమానంగా చూస్తూ అడిగింది. …. ఏం లేదు,,,, కొంచెం పర్సనల్ అని ఆ విషయాన్ని అక్కడితో కట్ చేశాను. …. ఈరొజు ఒకసారి ఇంటికి రావచ్చుగా అని అడిగింది అను. …. ఇంటికా?? దేనికి? …. దేనికో చెబితే గాని రావా? …. ఇప్పుడు అభితో నాకు పనేమీ లేదు. …. ఇంటికి రావాలంటే అన్నయ్యతో పని ఉండాలా? …. లేకపోతే ఊరికే ఎందుకు వస్తాను, నా జాగింగ్ అయిపోయింది నేను వెళ్తాను అని అనూకి బాయ్ చెప్పి పార్క్ గేటు వైపు నడిచాను.
అను అక్కడే ఆగిపోయి తనతో సరిగా మాట్లాడకుండా వెళ్లిపోతున్నందుకు నా వైపు కోపంగా చూస్తూ మొహం మాడ్చుకుంది. నేను పార్క్ గేట్ నుంచి బయటికి వస్తూ ఉండగా అప్పుడే వచ్చి ఆగిన కార్లో నుంచి ఆ ముగ్గురు వ్యక్తులు దిగుతూ నన్ను చూసి చీదరించుకుని మొహాలు తిప్పుకున్నారు. మనసుకి కొంచెం బాధగా అనిపించినా ఇదంతా అలవాటైన పనే కావడంతో అలాగే నడుచుకుంటూ ముందుకు సాగిపోయాను. రూమ్ కి చేరుకుని స్నానం చేసి బయటకు వచ్చేసరికి ఫోన్ రింగ్ అవడంతో లిఫ్ట్ చేశాను. అటునుంచి దేవి అక్క మాట్లాడుతూ, హాయ్ రా తమ్ముడు ‘గుడ్ మార్నింగ్’ అని అంది. …. హాయ్ అక్క ‘గుడ్ మార్నింగ్’ అని పలకరించాను. …. తమ్ముడు ఒకసారి ఇంటికి రావా,,, అని కొంచెం గారంగా అడిగింది. …. ఇప్పుడా?? అని అడిగాను. …. అవును ఇప్పుడే, ఏం నీకేమైనా పని ఉందా? అని అడిగింది. …. లేదక్కా పనులేవి లేవులే, కొంచెం డ్రైవింగ్ క్లాసు చూసుకొని ఒక గంట తర్వాత వస్తే పర్వాలేదుగా? …. పర్వాలేదు,, నీకోసం టిఫిన్ రెడీ చేసి పెడతాను నువ్వు వచ్చెయ్ అని చెప్పి ఫోన్ కట్ చేసింది.
నేను రెడీ అయ్యి బయటికి వచ్చి డ్రైవింగ్ క్లాస్ కార్ రావడంతో ఎక్కి బయల్దేరాను. నాకు డ్రైవింగ్ నేర్పించే అన్న నాతో మాట్లాడుతూ, నువ్వు చాలా తొందరగానే డ్రైవింగ్ నేర్చుకున్నావు దీపు. ఇప్పుడు చాలా పర్ఫెక్టుగా బండి నడుపుతున్నావు. ఇంకో నాలుగైదు రోజుల్లో నీ క్లాస్ పూర్తయిపోతుంది. నువ్వు పేపర్ల మీద సైన్ చేసి ఇస్తే మా మేనేజర్ నీ డ్రైవింగ్ లైసెన్స్ ఏర్పాటు చేసి నీకు అందజేస్తాడు అని చెప్పాడు. నన్ను అభి వాళ్ల ఇంటి ముందు దింపే ముందు లైసెన్స్ కోసం అప్లికేషన్ మీద నా సంతకాలు తీసుకుని నన్ను దింపి వెళ్ళిపోయాడు. నేను అభి వాళ్ళ ఇంట్లోకి వెళ్లేసరికి అభి పేపర్ చూస్తూ సోఫాలో కూర్చుని ఉన్నాడు. అప్పుడే కిచెన్ లో నుంచి బయటికి …
