Nastajathakudu – 123

మీరు ఏమి అనుకోకపోతే నేను ఒక మాట చెప్పవచ్చా? అని ఇద్దరు వైపు చూశాను. …. ఇద్దరూ ఒకేసారి నా వైపు చూస్తూ, ఏంటి బాబు? అని అడిగారు అంకుల్. …. చూడండి అంకుల్ మన కంపెనీకి సంబంధించినంత వరకు మీకంటే నమ్మకమైన వ్యక్తి మరొకరు లేరు. ఇంతవరకు లీగల్ అడ్వైజర్ గా మీరు చేసిన కృషి చాలా గొప్పది. మీరు ఇప్పుడు పూర్తిగా కంపెనీ నుండి తప్పుకున్నారు కాబట్టి పద్మిని గారు కూడా “లా” చదివారు కాబట్టి మీ ప్లేస్ లో ఆమె మన కంపెనీలోనే ఎందుకు చేరకూడదు? మీకంటే నమ్మకమైన వ్యక్తులు నాకు ఎవరు దొరుకుతారు? అని అన్నాను. …. అంకుల్ కొంచెం ఆలోచించి పద్మిని వైపు చూశారు. ఆమె మాత్రం ఏమీ మాట్లాడకుండా తలదించుకుంది. నా గురించి నువ్వు అనవసరంగా ఆలోచించడం మానెయ్ తల్లీ. ఇంకా నా కాళ్లు చేతులు ఆడుతున్నాయి బయటికి వెళ్లి నా పనులు నేను చేసుకుని రాగలుగుతున్నాను. ఒకవేళ అటువంటి అవసరం ఏర్పడితే అప్పుడు నువ్వు ఉద్యోగం వదిలేసి నా దగ్గరే ఉందువుగాని అని చెప్పారు అంకుల్. పద్మిని కొంచెంసేపు ఆలోచించి, మీరు ఇప్పుడు అన్న మాటకి కట్టుబడి ఉంటాను అంటే నేను మీ మాట వింటాను. కానీ,,, అంటూ ఆగిపోయింది పద్మిని. …. ఆ మాట అంకుల్ కి కొంచెం సంతోషం కలిగించడంతో, ఆ చెప్పమ్మా కానీ?? అని అడిగారు. …. అంటే నాకు ఈ కోర్టు వ్యవహారాలు పెద్దగా అనుభవం లేదు కదా? నేను లీగల్ అడ్వైజర్ గా ఉండడం సరైనది కాదేమో? అని అంది. …. నువ్వు భయపడేట్టుగా ఏమీ ఉండదమ్మ అవసరమైతే సలహాలు ఇవ్వడానికి నేను ఇంట్లోనే ఉంటాగా? కావాలంటే నా జూనియర్ల సహాయం కూడా తీసుకోవచ్చు. నువ్వు మరీ అంత తెలివి తక్కువ దానివి కాదు ఆ విషయం నాకు తెలుసు కదా. ఇంతకుముందు కూడా నువ్వు చాలా పనులలో నాకు సహాయంగా పనిచేసిన దానివి కదా అని అన్నారు అంకుల్. అయినా సరే ఆమె కొంచెం సందిగ్దంలో ఉండడంతో నేను మాట్లాడుతూ, మీరు మరీ ఎక్కువగా ఆలోచిస్తున్నారు పద్మిని గారు. ఒకవేళ మీకు లీగల్ అడ్వైజర్ గా ఉండడం ఇష్టం లేకపోతే SEZ లో ఉన్న మన డైమండ్ ఫ్యాక్టరీ మేనేజరుగా కూడా పని చేయవచ్చు. మీకు నచ్చితే రెండు …