episode-125
తార, సోము, జెస్సీ ముగ్గురూ కలిసి వర్క్ స్టేషను హాల్లో కూర్చుని దీపు కనబడకపోగా ఫోన్లు కూడా నాట్ రీచబుల్ లేదా స్విచ్ ఆఫ్ అని వస్తూ ఉండటంతో ఎక్కడికి వెళ్ళాడో అని తెలియని మిస్టరీలో బుర్రలు చించుకుంటున్నారు. ఇదివరకు కూడా ఇలా మూడు రోజులపాటు ఫోన్ కూడా చేయకుండా బయట ఉండటం తెలిసిన విషయమే అయినప్పటికీ దీపు రూమ్ తలుపులు తెరిచి ఉండడం అన్ని వెహికల్స్ ఇక్కడే ఉండటంతో కొంచెం అనుమానంగా ఉంది. కొద్దిసేపు ముగ్గురు తీవ్రంగా ఆలోచించి, ఒకసారి లాప్టాప్ లో తన లొకేషన్ చెక్ చేస్తే? అని అన్నాడు సోము. ఆ తర్వాత ముగ్గురు కలిసి ఐబి ఫోన్ నెంబరు ఆధారంగా లాప్టాప్ లో లొకేషన్ సెర్చ్ చేయగా కనబడిన ఆ లొకేషన్ చూసి ముగ్గురు ఒకరినొకరు చూసుకొని గతుక్కుమన్నారు.
ముగ్గురు ఒకేసారి, అక్కడకు ఎలా వెళ్ళాడు? అని అనుకున్నారు. ఎందుకంటే ల్యాప్టాప్ లో కనబడుతున్న లొకేషన్ ఒక లోయను సూచిస్తుంది. అప్పటికి సమయం రాత్రి 12:00 దాటడంతో ముగ్గురు వెంటనే అలర్ట్ అయ్యి గబగబా తయారయ్యి ఆ లొకేషన్ దగ్గరికి బయలుదేరారు. వెళ్తూ వెళ్తూ చీఫ్ కి కూడా కాల్ చేసి ఈ విషయాన్ని వివరించి చెప్పి ఎందుకైనా మంచిది ఒక స్పెషల్ టీం ని కూడా రెడీగా ఉంచమని చెప్పారు. జెస్సీ స్పీడ్ గా డ్రైవ్ చేస్తూ సుమారు రెండు గంటల సమయానికి ఆ లొకేషన్ దగ్గరికి చేరుకున్నారు. మధ్యలో ఉండగా చీఫ్ కాల్ చేసి స్పెషల్ టీం అక్కడకు చేరుకుంటుంది అని చెప్పారు. వీళ్ళు ముగ్గురు ఆ లొకేషన్ దగ్గరకు చేరుకొని చూడగా అక్కడ కొన్ని వాహనాల టైర్ల గుర్తులు కనబడ్డాయి. అలాగే ఒక గన్ ఇంకా అక్కడక్కడ రక్తపు మరకలు విరిగిన హాకీ స్టిక్స్ కనబడ్డాయి.
అవన్నీ చూడటంతో ముగ్గురికి గుండె దడదడ లాడింది. ఏదో జరగకూడనిది జరిగిందని ఒకరినొకరు మొహాలు చూసుకున్నారు. అలాగే మరికొంచెం చుట్టుపక్కల చూడగా రెండు శవాలు కూడా కనబడ్డాయి. అంతలోనే అక్కడికి ఒక హెలికాప్టర్ వచ్చిన శబ్దం వినబడడంతో కిందనుంచి సెల్ఫోన్ లైట్లతో సిగ్నల్ ఇచ్చారు. హెలికాప్టర్ ల్యాండ్ అయ్యి అందులో నుంచి చీఫ్ మరియు కొంతమంది రెస్క్యూ టీం దిగగా ముగ్గురు కలిసి చీఫ్ కి సెల్యూట్ చేశారు. చీఫ్ దగ్గరికి వస్తూనే, ఏమైంది? ఎనీ ఇన్ఫర్మేషన్? అని అడిగారు. …. సార్,, చూస్తుంటే ఇక్కడ చాలా పెద్ద ఫైట్ జరిగినట్టు అనిపిస్తుంది. అటు చూడండి సార్ అక్కడ కొన్ని హాకీ స్టిక్స్ విరిగిపడి ఉన్నాయి. అదిగో ఒక గన్ కూడా పడి ఉంది. దీపు ఉన్న లొకేషన్ ఆ లోయలోకి చూపిస్తుంది అని అన్నాడు జెస్సీ. వెంటనే చీఫ్ లాప్టాప్ మోనిటరింగ్ చేస్తూ రెస్క్యూ టీం ని హెలికాప్టర్ తో లోయలోకి వెళ్లి సెర్చ్ చేయమని ఆర్డర్ వేశారు.
**********
అదే సమయంలో మరొకచోట ఇద్దరు వ్యక్తులు కూర్చుని మాట్లాడుకుంటున్నారు. అది మరెవరో కాదు అనిల్ రాజ్ గాడి బాబు మరియు రాజేష్ వర్మ. రాజేష్ ఇప్పటికి నా మనసు కుదుటపడింది అని అన్నాడు అనిల్ గాడి బాబు. …. నువ్వు సరిగ్గా వాడి ఊపిరి చెక్ చేసావా? లేదంటే వాడు మళ్ళీ తిరిగి వచ్చి మన ముందు నిల్చున్నా నిల్చుంటాడు. ఇప్పుడు మన గురించి వాడికి నిజం కూడా తెలిసిపోయింది. వాడు ఈ సారి కూడా మళ్ళీ తిరిగి వచ్చాడు అంటే ఇన్నేళ్లుగా మనం పడ్డ శ్రమ అంతా వృధా అయిపోతుంది అని అన్నాడు రాజేష్ వర్మ. …. అలా ఏం జరగదులే, ఈ పాటికి ఆ లోయలో వాడి బాడీని ఏ జంతువులో పీక్కుతింటూ ఉంటాయి అని అనిల్ గాడి బాబు అనడంతో ఇద్దరూ కలిసి హ్హహ్హహ్హ,,, అంటూ పెద్దపెట్టున నవ్వుకున్నారు.
వాళ్ళిద్దరూ అలా మాట్లాడుకుంటూ ఉండగానే ఎవరో వెనకనుండి వచ్చి రాజేష్ వర్మ మొహాన్ని ప్లాస్టిక్ కవర్ తో మూసేసారు. వెనక నుండి …
