రేయ్ మామా …….. మ్యాచ్ కు పిలుస్తారంటావా అని అడిగాడు .

రేయ్ నీయబ్బా ……… నేనేదో సరదాకి అడిగాను రా అని వీపుపై కొట్టి భుజం చుట్టూ చేతినివేసి చిరునవ్వులు చిందిస్తూ పైకి వెళ్ళాము .

పార్టీ ఎంజాయ్ చేసారా ……. బాగా మెక్కారా అని చెల్లి ఫీల్ అవుతూ అడిగింది . ఇక్కడ మాత్రం నేను తినిపిస్తే తింటారు ………..

రేయ్ …….. ఇప్పుడు కూడా మీ అన్నయ్య నీ చేతితో తినడానికే వచ్చాడు .

మరి పార్టీలో ……….

ఓన్లీ కూల్ డ్రింక్స్ అని చూపించాడు .

అన్నయ్యా ………. మీకు అక్కయ్య చేతితో తినిపించలేదని , తను కూడా తినలేదు పాపం అని ఫుడ్ పైకి తీసుకొచ్చింది కార్తీక .

చెల్లెమ్మా ……… లవ్ యు అని నెత్తిపై ప్రాణంలా కొట్టి ఆకలేస్తోంది .

లవ్ యు sooooo మచ్ అన్నయ్యా …….. అని ప్లేటులో వడ్డించుకొనివచ్చి మాకు తినిపించబోతే , ముందు నువ్వు అనిచెప్పాము .

ఆనందబాస్పాలతో తిని తినిపించింది . అక్కయ్యా ……. నాకు అని కార్తీక పెద్ద నోరు తెరువడంతో నవ్వుకున్నాము . అందరికీ చెల్లే తినిపించి మురిసిపోయింది .

కాసేపు బయట చల్లటి గాలిలో సేదతీరి బెడ్ పై వాలిపోయాము . అక్కయ్యా ……. మీ ప్రియమైన చెల్లికోసం అనెను ఏర్పాట్లు చేసేసాము . చెల్లిని మేము లేని సమయంలో మీరే చూసుకోవాలి అని అమ్మవారిని ప్రార్థించి అక్కయ్యనే తలుచుకుంటూ నిద్రపోయాను .

తెల్లవారుఘామునే లేచి అందరమూ రెడీ అయ్యి గుడికి వెళ్లిచ్చాము . అంటీ మాకిష్టమైన టిఫిన్ చేసింది . తినేసి అంటీ ఆశీర్వాదం తీసుకుని అక్కయ్య ఫోటోని బ్యాగులో ఉంచుకుని బయటకు వస్తుంటే , అంటీ లంచ్ బాక్స్ అందించారు .

అంతే కళ్ళల్లో చెమ్మతో నా గుండెలపై వాలిపోయింది .

చెల్లీ ……… మధ్యాహ్నం ఒక్కపూట అలవాటు చేసుకుంటాను . నీ భవిష్యత్తు ముఖ్యం అని నుదిటిపై ముద్దుపెట్టి కన్నీళ్లను తుడిచి , చెల్లీ వాడు స్కూటీలో (చెల్లి డ్రైవింగ్) నేను బుల్లెట్ లో కాలేజ్ చేరుకున్నాము .

Welcome freshers ……… అని బ్యానర్లతో స్వాగతం పలికింది కాలేజ్ . సెక్యూరిటీ అడ్మిషన్ లెటర్ చూసి స్టూడెంట్స్ ను మాత్రమే లోపలికి పంపిస్తున్నారు . పేరెంట్స్ ను బయటే ఆపేస్తున్నారు .

అన్నయ్యా , రేయ్ ……..మొదటిరోజు కాస్త భయంగానే ఉందిరా ……….

రేయ్ మేము ఈరోజంతా ఇక్కడే ఉంటాము కదా జాబ్స్ కు లీవ్ ఇచ్చేసాము . ర్యాగింగ్ గురించి ఏమాత్రం ఆలోచించకుండా వెళ్లు , కొద్దిగా ఇబ్బందిపడినా చాలు missed కాల్ ఇవ్వు మరుక్షణంలో నీ ముందు ఉంటాము అని బుగ్గలను స్పృశించాడు .

అయినా మీరు ఉండగా నాకెందుకు భయం అని ఇద్దరినీ హత్తుకొని చుట్టూ చూసి వాడి పెదాలపై ప్చ్ …….. అంటూ ముద్దుపెట్టి ముసిముసినవ్వులతో వెనక్కు తిరిగి తిరిగి చూస్తూ స్కూటీలో లోపలికివెళ్లింది .

రేయ్ మామా …….. ఛాన్స్ మళ్లీ మిస్ చేసుకున్నాను రా అని ఫీల్ అవుతోంటే , మెడ చుట్టూ చేతినివేసి నలిపేసాను . పాపం ప్రతిసారీ నా చెల్లే …………..

ఇంతలో మాకు నిన్న సహాయం చేసిన లవర్స్ స్కూటీ , బైకులలో వచ్చారు . Hi బ్రదర్ అని ఆగాడు , కానీ సిస్టర్ మాత్రం మావైపు కోపంతో లోపలికివెళ్లిపోయింది .

Sorry బ్రదర్ చెప్పానుకదా అని మాట్లాడి లోపలికివెళ్లాడు . Freshers అందరూ తొలిరోజు కాబట్టి వాళ్ళ పేరెంట్స్ తోపాటు వచ్చి కాస్త భయపడుతూనే లోపలికివెలుతున్నారు .

అర గంట అయినా మెయిన్ బ్యాచ్ రాకపోవడం చూసి , రేయ్ మామా భయపడి రాలేదేమోరా అని నవ్వుకున్నాము .

కానీ అమ్మాయిలను ఎవరైనా సెకండ్ థర్డ్ ఇయర్ స్టూడెంట్స్ కొంపదీసి ర్యాగింగ్ చేస్తారేమోనని కాలేజ్ కు గంట ముందుగానే వచ్చేసారు . మామూలుగా అయితే ప్రిన్సిపాల్ ఫ్రెషర్స్ కు ఆడిటోరియం లో వెల్కమ్ స్పీచ్ ఇస్తారు . ఆ స్పీచ్ కు కూడా వీళ్ళు ఫ్రెషర్స్ ను పంపించకుండా ర్యాగింగ్ చేసేవాళ్ళు . కానీ ఈ ఇయర్ మాత్రం దగ్గరుండి అమ్మాయిలను ఎవ్వడూ టచ్ చెయ్యకుండా స్వయంగా వీళ్లే ఆడిటోరియం వైపు పంపించి , అబ్బాయిలను మాత్రం గ్రౌండ్ లో wait చెయ్యమని పంపిస్తున్నారు .

ఏంటన్నా …….. ఈ సంవత్సరం కొత్తగా అని కొంతమంది థర్డ్ ఇయర్ స్టూడెంట్స్ వచ్చి అడిగారు . 

రేయ్ నాకొడకల్లారా మాకు తెలియకుండా అమ్మాయిలను ఎవడైనా ర్యాగింగ్ చేసినట్లు తెలిసిందా అంటూ చెంపలపై ఒక్కొక్క దెబ్బ వేసి , గుద్ద నోరు మూసుకుని క్లాస్ లకు వెళ్ళండి , అబ్బాయిలను కావాలంటే మీ ఇష్టం గ్రౌండ్ లో ఉన్నారు వెళ్ళండి అని లాగేసి , sorry సిస్టర్స్ sorry సిస్టర్స్ మిమ్మల్ని ఏనాకొడుకూ టచ్ చెయ్యకుండా చూసుకునే బాధ్యత మాది అని అక్కడ white గులాబీ పూలు ఉన్నాయి తీసుకునివెళ్లండి అని కెప్టెన్ ముందుండి చూసుకుంటున్నాడు .

 మొదట చెల్లి సంతోషంతో పువ్వు అందుకొని ఆడిటోరియం వైపు వెళ్ళింది . క్లాస్ లకు వెళుతూ లవర్స్ ఇద్దరూ చూసి షాక్ తో ఈ సంవత్సరం అమ్మాయిలకు ర్యాగింగ్ లేదు అని విషయం తెలుసుకుని , ఏంజెల్ తియ్యి తియ్యి ……… తొందరగా ఇంటికి కాల్ చేసి నా మరదలిని కాలేజ్ కు రమ్మనిచెప్పు , బయటున్న బ్రదర్ చెప్పినట్లుగానే చేసాడు . ఎంతచెప్పినా నువ్వు వినలేదు కోపంతో లోపలికి వచ్చేసావు , వాళ్ళు ఎంత బాధపడిఉంటారో .

వెంటనే వాళ్ళ నాన్నకు కాల్ చేసి నాన్నా ……… చెల్లిని ఇక ఏమాత్రం భయపడొద్దు అనిచెప్పు అని వివరించింది .

 చాలా సంతోషం తల్లీ అర గంటలో నీ చెల్లి కాలేజ్ లో ఉంటుంది అని ఉత్సాహంతో చెప్పడంతో , ఆనందంతో పొంగిపోయి తన లవర్ ని కౌగిలించుకుని చేతినిపట్టుకొని పరుగున మాదగ్గరికివచ్చి , తలదించుకొని నిలబడింది .

ఏంటి బ్రదర్ ……….. లోపల ర్యాగింగ్ ఉధృతంగా జరుగుతున్నట్లుందే ……..

థాంక్యూ థాంక్యూ soooooo మచ్ బ్రదర్ అని చేతులను కలిపి , కాలేజ్ హిస్టరీలో తొలిసారి ఫైనల్ ఇయర్ స్టూడెంట్స్ ముందుండి ఫ్రెషర్స్ అమ్మాయిలను కనీసం కన్నెత్తైనా చూడకుండా పంపించేస్తున్నారు .

అవునా ……… రేయ్ మామా , కెప్టెన్ మనకంటే ముందే వచ్చేసారురా అని కౌగిలించుకున్నాము .

మరి సిస్టర్ ఇలా మౌనంగా నిలబడిపోయారు . 

అన్నయ్యలూ ………. sorry , మీ వలన నా చెల్లి ఈరోజు కాలేజ్ కు రాబోతోంది థాంక్యూ sooo మచ్ అని ఆనందంతో చెప్పింది .

సిస్టర్ …….. ఈ ఆనందం చాలు అని సంతోషంతో మాట్లాడుతుండగానే బైకులో వచ్చినవాళ్లను నాన్న , చెల్లీ అని కౌగిలించుకుని , ఈ అన్నయ్య వల్లనే నాన్న అని చెప్పింది .

థాంక్స్ బాబు …….. నా చిన్నకూతురు ర్యాగింగ్ కు భయపడి కాకేజ్ కు వెళ్ళను అని రూంలోనే ఉండిపోయింది. ర్యాగింగ్ లేదని కాల్ చెయ్యడంతో రెడీ అయ్యి ఉత్సాహంతో వచ్చేసింది .

అన్నయ్యా ………ప్రిన్సిపాల్ స్పీచ్ స్టార్ట్ అవ్వబోతోంది అని చెప్పింది .

Go ahead సిస్టర్……… all the best అని చెప్పడంతో , థాంక్స్ అన్నయ్యా …… అని లోపలికివెళ్లారు .

 గులాబీ పువ్వు అందుకొని సీనియర్లను చూస్తూ నవ్వుకుని దర్జాగా ఆడిటోరియం లోకివెళ్లి అందరూ ర్యాగింగ్ గురించే మాట్లాడుతూ మురిసిపోతూ ఉండటం చూసి , చెల్లిప్రక్కనే కూర్చుని చాలా ఆనందపడుతుంటే , 

చెల్లి సంతోషంతో నవ్వుకుని i am కృష్ణవేణి అని చేతిని చాపింది , i am సౌమ్య అని ఒకరికొకరు పరిచయం చేసుకుని ఫ్రెండ్స్ అయిపోయారు . 

ప్రిన్సిపాల్ , ఫ్యాకల్టీ వెల్కమ్ స్పీచ్ ఇచ్చి ఈరోజు క్లాస్సెస్ జరగవు , మీ ఇష్టం కాలేజ్ లో ఎక్కడ ఏమేమి ఉన్నాయో తెలుసుకోండి . ఇప్పుడే విషయం తెలిసింది అమ్మాయిలకు ర్యాగింగ్ లేదని కంగ్రాట్స్ అనిచెప్పి వెళ్లిపోయారు .

 చప్పట్లతో మారుమ్రోగించి లేచి అందరూ ఒకరినొకరు చేతులు కలిపి పరిచయం చేసుకున్నారు .

 కృష్ణ ……… అసలు నేనైతే ఈరోజు ర్యాగింగ్ కు భయపడి కాలేజ్ కు రాకూడదు అని ఇంట్లోనే నా రూంలో ఉండిపోయాను . మేము కూడా మేము కూడా అని చాలామంది అన్నారు .

మా అక్కయ్య ఇందుమతి ఇక్కడే సెకండ్ ఇయర్ చదువుతోంది . వెంటనే కాల్ చేసి విషయం చెప్పడంతో మాటల్లో చెప్పలేని ఆనందంతో వచ్చేసాను . ర్యాగింగ్ జరగకుండా చూసిన అన్నయ్యలను కూడా నాకు పరిచయం చేసింది .

ఇందు ……… ఎవరు ఎవరు ఆ అన్నయ్యలు అని అడిగారు . 

బయట కలిశాను ఫ్రెండ్స్ , ఈపాటికి వెళ్ళిపోయి ఉంటారు . ఎమున్నారు హీరోల్లా …………. అన్నయ్యలూ అని పిలవబుద్ధి అవ్వలేదు నాకు అనిచెప్పడంతో , 

చెల్లికి 50% అనుమానం కలిగింది .

అవునా అవునా ……… shit shit మాకు ఆ అదృష్టం లేదు , కనీసం నెంబర్ అయినా ఉన్నా థాంక్స్ చెప్పేవాళ్ళము . కాలేజ్ సెలెక్ట్ చేసుకున్నప్పటి నుండి ఎంత భయపడ్డామో తెలుసా , అలా ఎంటర్ అవ్వగానే మొత్తం పోగొట్టేశారు అని ఫీల్ అవుతుంటే,

ఫ్రెండ్స్ నాదగ్గర నెంబర్ ఉందిగా మా అక్కయ్య ఫ్రెండ్ దగ్గర ఉండటంతో తీసుకున్నాను అనగానే , ప్రతి అమ్మాయి చుట్టుముట్టేసి please please ………… అని నలిపేస్తూ అడిగారు .

సరే సరే ఫ్రెండ్స్ ఒక్కనిమిషం మన సంతోషానికి కారణమైన అన్నయ్యలకు మనం హృదయపూర్వకంగా థాంక్స్ చెప్పాలి వీలైతే చిలిదనంతో ఒక ఆటపట్టిద్దాము అని అందరూ సంతోషంతో యాహూ అని కేకలువేసి , ఫ్రెండ్ ముందు నెంబర్ చెప్పమని మొబైల్స్ బయటకు తీశారు .

సగం నెంబర్స్ చెప్పగానే వాడు , అన్నయ్యనే ……… అని కళ్ళల్లో చెమ్మతో వెంటనే తుడుచుకుని నాకోసం ఇంతమంది పెదాలపై చిరునవ్వు అని మురిసిపోతోంది .

అందరూ ఒకేసారి కాల్ చెయ్యడంతో బిజీ బిజీ అని వస్తుండటంతో వాట్సాప్ లో సేవ్ చేసుకుని థాంక్స్ ……… అని మెసేజ్ లు పంపించారు .

కృష్ణ ……… అందరూ తీసుకున్నారు నీకు వాళ్లకు థాంక్స్ చెప్పాలని లేదా అని అడిగింది . 

 చిలిపినవ్వుతో ఇందు …….. ఇలా రా అని మీదగ్గర కేవలం నెంబర్ ఉంటే నా హృదయంలో వాళ్లే ఉన్నారు అని చెవిలో గుసగుసలాడి , నేను కృష్ణగాడు చెల్లీ బుగ్గలపై ముద్దులుపెడుతున్న పిక్ తీసి అన్నయ్య , వీడు నా హీరో అని చూపించింది .

అంటే కృష్ణ ………. నీకోసం మొత్తం అందరు అమ్మాయిల పెదాలపై చిరునవ్వు , గుండెల్లో ధైర్యం నింపారన్నమాట , ఎంత అదృష్టవంతురాలివే నువ్వు థాంక్యూ soooooo మచ్ అని అందరికీ చెప్పబోతుంటే ,

నా అన్నయ్య ఏమిచేసినా ఒక కారణం ఉంటుంది కాబట్టి చెప్పకు అని ప్రామిస్ తీసుకుంది .

ఆ అన్నయ్యలలో మీ అన్నయ్య ఎవరన్నావు ……… ఇదిగో అని మళ్ళీ పిక్ చూపించి, ఈ క్షణం నుండి నీ ప్రియుడు మాత్రమే నాకు అన్నయ్య , మీ అన్నయ్య …….. అని సిగ్గుపడుతూ మెలికలు తిరిగిపోతోంది .

ఇందు ……… sorry to say this , మా అన్నయ్య హృదయం ఒక దేవతతో నిండిపోయింది . ఇంత ఇంత అంటే కూడా స్థానం లేదు అక్కడ , ఎంత ప్రయత్నించినా వేస్ట్ అని హత్తుకొని చెప్పింది .

మీ అన్నయ్య సంతోషన్గా ఉండాలి ……….. అని కన్నీళ్లను తుడుచుకుని , నువ్వు మాత్రం చెప్పకు ఆటపట్టించైనా సంతోషిస్తాము please please please …… కృష్ణ అని గడ్డం పట్టుకుని బ్రతిమాలింది .

మీ ఇష్టం అని నవ్వుకుని కృష్ణగాడికి కాల్ చేసి రేయ్ ఈరోజు క్లాస్సెస్ లేవు లంచ్ కు ఇంటికివెళ్లిపోవచ్చు అనిచెప్పి అన్నయ్యకు ఇలా మెసేజ్ లు వస్తూనే ఉంటాయని చెప్పడంతో , వాడు గట్టిగా నవ్వుకుని అయితే మీ అన్నయ్య అయిపోయాడు అని బదులిచ్చి బయట వేచిచూస్తుంటాము రా లవ్ యు అని ప్రేమతో ముద్దుపెట్టాడు .

ఏంట్రా అని అడిగాను ………. మొదటిరోజు కదరా నీ చెల్లికి క్లాస్సెస్ లేవు అని లంచ్ కు ఇంటికి వెళ్లిపోదాము అనిచెప్పింది .

అయినా ఏంటి నీ మొబైల్ కు మెసేజ్ లు వస్తూనే ఉన్నాయి అని భుజం పై చేతినివేశాడు .

ఏంటో రా ……… థాంక్స్ అన్నయ్యా , లవ్ యు హీరో ……… అని చాలా నెంబర్స్ నుండి మెసేజ్ లు వస్తూనే ఉన్నాయి . అందరూ అమ్మాయిలే అనిచెప్పాను .

ఏదీ చూడనీ అని మొబైల్ అందుకొని చూసి రేయ్ మామా ……… లవ్ మెసేజ్ లుకూడా , హార్ట్ కూడా పంపించారు . 

ఇగ్నోర్ రా మామా ……… నా హృదయం అక్కయ్యకు , చెల్లికి మాత్రమే తెలుసుకదరా …….. అని కట్ చేసేసి , ఇక తమరు ఎప్పుడు కాలేజ్ కు అని అడిగాను .

సిగ్గుపడుతూ ……… అదిగో నా కాలేజ్ అని ప్రక్కనే ఉన్న govt డిగ్రీ కాలేజ్ వైపు వేలిని చూపించాడు . రేపే నీ చెల్లిని ఇక్కడ వదిలి జాయిన్ అయిపోతాను .

నా చెల్లికి దగ్గరలోనే ……… పెద్ద ప్లానింగ్ తోనే ఉన్నావు , లవ్ యు రా మామా ఇక రోజూ ఇద్దరూ వెళ్లొచ్చు రావచ్చు హమ్మయ్యా ……..అనుకున్నాను . 

మరి నీ కాలేజ్ ………..

ఇంకా నెలరోజుల సమయం ఉందిరా …….. అని బదులిచ్చాను . IPS అవ్వాలంటే ఫస్ట్ ఇయర్ నుండే ప్రిపేర్ అవ్వాలిరా కాబట్టి కాలేజ్ జాయిన్ అయ్యాక పార్ట్ టైం జాబ్ వదిలేసి కేవలం అదే లక్ష్యంతో ముందుకువెల్లు .

మరి డబ్బు ఎలారా ……… రేయ్ ఉన్న డబ్బుతో జాగ్రత్తగా ఖర్చు చేసుకువెళ్లడమే , మన లక్ష్యాలకు తప్ప మనం ఇక దేనికి ఖర్చు చేస్తామురా …….. కానీ చెల్లికిమాత్రం ఏలోటూ రానివ్వకూడదు అడగకముందే మనమే తెలుసుకుని తీర్చాలి , నేనున్నాను కదా అని ధైర్యం చెప్పాను .

లవ్ యు రా మామా అని ఉద్వేగంతో కౌగిలించుకున్నాడు .

లంచ్ బెల్ కొట్టగానే చెల్లి తన ఫ్రెండ్ ఇందుతోపాటు బయటకువచ్చి స్కూటీ ఆపివచ్చి అమాంతం మాఇద్దరినీ కౌగిలించుకుని లవ్ యు లవ్ యు sooooooo మచ్ అని గుండెలపై వాలిపోయింది .

ఏంటి చెల్లీ ఏమైంది ……. అని తెలిసినా నవ్వుతూ ఆడిగాము .

నన్ను వదిలి పార్టీకి వెళ్లినప్పుడే అనుకున్నాను ఇలాంటిదానికోసమే అని అంటూ మా గుండెలపై కొట్టింది . 

చెల్లీ …….. అంటే అందరికీ ……….

లేదులే అన్నయ్యా ……… మాఇద్దరికి మాత్రమే తెలుసు కానీ మిమ్మల్ని మాత్రం అందరూ దేవుల్లాగా కొలుస్తున్నారు . మెసేజ్ లు కాల్స్ వచ్చే ఉంటాయి అన్నయ్యా ……….

లేదే ………

ఏదీ అన్నయ్యా …….. మొబైల్ ఇవ్వు అని చూసి నవ్వుకుని నా అన్నయ్య గురించి నాకు తెలుసులే , ఇదిగో ఇదికూడా మీకు ఫ్లాట్ అయిపోయింది . మీ హృదయంలో అక్కయ్యకు తప్ప స్థానం లేదు అని చెప్పాను . మీరు హ్యాపీగా ఉంటే చాలని అర్థం చేసుకుంది .

చెల్లీ ……… అక్కయ్య మాత్రమే కాదు మరొకరు కూడా ఉన్నారు ……..

ఎవరన్నయ్యా ……… ఆ అదృష్టవంతురాలు అని తలబధించుకుని నేను కాకుండా ఇంకెవరు అని ఫీల్ అవుతోంటే , 

నా ప్రియ మిత్రుడి హార్ట్ అని చెప్పాను .

లవ్ యు అన్నయ్యా ………. వేరే పేరు చెప్పి ఉంటే , బ్యాగులోని పెప్పర్ స్ప్రే కొట్టేసేదాన్ని అని తియ్యదనంతో నవ్వుకుని , లవర్స్ ను కూడా కలిసి ఇంటికి చేరుకున్నాము .

ఈరోజు కూడా నా చెల్లి చేతితో తినే అదృష్టం ఉంది అంటీ అని చెప్పాను.

నెక్స్ట్ రోజు తెల్లవారుఘామున నుండి 8 గంటలవరకూ అక్కయ్యకోసం కేటాయించి తరువాత కృష్ణగాడు రెడీ చేసుకున్న సర్టిఫికెట్స్ తీసుకుని వెళ్ళొస్తామురా అని చెల్లిని కాలేజ్ లో వదిలి , ర్యాగింగ్ లేకపోవడంతో సంతోషించి డిగ్రీ జాయిన్ అవ్వబోతున్నాను ఏంజెల్ అని ఈసారి వీడే పెదాలపై ముద్దుపెట్టి , ఇందుమతితోపాటు లోపలకు వెళ్లినతరువాత , కాలేజ్ కు వెళ్లి ఆర్ట్స్ లో జాయిన్ అయ్యి ఇద్దరికీ కాల్ చేసి చెప్పాడు . ఆ తరువాతి రోజు నుండీ ఇద్దరినీ కేవలం స్టడీస్ లో మాత్రమే involve అయ్యేలా చేసాను . నెలరోజులూ మార్నింగ్ మధ్యాహ్నం కూడా నేనే జాబ్ చేస్తూ వెళ్ళాను .

ఇక నా  జాయినింగ్ date రావడంతో , ముందురోజే అన్నింటినీ రెడీ చేసుకున్నాను . ఉదయమే మాఇద్దరినీ గుడికి తీసుకెళ్లివచ్చి ఫైల్ అందించి all the best అన్నయ్యా ……… ఈరోజు నుండీ ముగ్గురమూ స్టూడెంట్స్ అయిపోయాము అని సంతోషంతో నవ్వుకున్నాము . అక్కయ్య ఫోటో ముందు నిలబడి మీరు ఆశించిన గమ్యం వైపు తొలి అడుగు వెయ్యబోతున్నాను అని గుండెలపై చేతినివేసుకొని కళ్ళుమూసుకున్నాను . అంటీ , అంకుల్ కు వెళ్ళొస్తామని చెప్పి ముగ్గురమూ బయలుదేరాము .

ఇద్దరినీ వాళ్ళ కాలేజ్ ల దగ్గర వదిలేసి బుల్లెట్ లో సెంట్రల్ యూనివర్సిటీ చేరుకుని ఆఫీస్ రూంలో ఫార్మాలిటీస్ అన్నింటినీ పూర్తిచేసి అమౌంట్ పే చేసి , మా బిల్డింగ్ ఎక్కడో తెలుసుకుని సరైన సమయానికే క్లాస్రూం లో అడుగుపెట్టాను . కేవలం 8 మంది మాత్రమే స్టూడెంట్స్ ఉన్నారు . వెళ్లి ఒక స్టూడెంట్ ప్రక్కన కూర్చుని పరిచయం చేసుకున్నాము . మహేష్ – రమేష్ అని .

అంతలోనే ఒక 65 – 70 ఏళ్ల లెక్చరర్ వచ్చారు . కళ్ళు కూడా సరిగ్గా కనపడనట్లు అందరినీ తీక్షణంగా చూసి గుడ్ మార్నింగ్ I am నారాయణ ……. మీరంతా నన్ను ఎందుకు అలా చూస్తున్నారో నాకు అర్థమయ్యింది . నేను రిటైర్ అయ్యి చాలా సంవత్సరాలు అయిపోయింది . మీకు కొత్త ప్రొఫెసర్ అపాయింట్ అయ్యేంతవరకూ యూనివర్సిటీ నన్ను aaproach అవ్వడంతో తప్పలేదు . నేనేదో క్లాస్ లో నేర్పిస్తాను అని ఆశించి వచ్చినవాళ్ళు వెంటనే మీ సర్టిఫికెట్స్ తీసుకుని వెళ్లి ఎక్కడైనా వేరే కాలేజ్ లలో చేరిపోండి . Yes ………. ఈ కోర్స్ ఎంచుకున్నారంటే మీలో టాలెంట్ ఉంటేనే అని నాకు తెలుసు . రేపటి నుండి క్లాస్ కు కూడా రావాల్సిన అవసరం లేదు . నా మెయిల్ ఇస్తాను ఎటువంటి డౌట్స్ ఉన్నా మెయిల్ చెయ్యవచ్చు అని బోర్డ్ పై రాశారు . మీరు మీలో ఉన్న సృజనాత్మకతను మీరే బయటకు తీసుకురావాలి . అందుకు మీరు సిటీలోని అత్యద్భుతమైన కట్టడాలను , బిల్డింగ్స్ కు వెళ్లడం . దాని స్కెచ్ గీయడం ……… ఏవైనా తప్పులుంటే గుర్తించడం . దానికి మీరు ఎలా సొల్యూషన్ స్కెచ్ గీస్తారో గీసి నాకు మెయిల్ చెయ్యడం అంతే , మీరు సిటీలో ఏ బిల్డింగ్ గమనించాలనుకుంటారో నాకు తెలిపితే క్షణాల్లో యూనివర్సిటీ ఇంకా అవసరమైతే govt నుండి పర్మిషన్ ఇప్పిస్తాను . మొదటగా నా సలహా బిర్లా మందిర్ ,   బుద్ధ విగ్రహం , గోల్కొండ ఫోర్ట్, సాలర్ జంగ్ మ్యూజియం , చార్మినార్ ప్రక్కనే ఉన్న మక్కా మసీదు ……. ఇలా హిస్టారికల్ places నుండి మొదలెట్టి న్యూ టెక్నాలజీ తో నిర్మించిన బిగ్గెస్ట్ బిల్డింగ్స్ రీసెర్చ్ చెయ్యవచ్చు . 24/7 మీకు అందుబాటులో ఉంటాను స్టూడెంట్స్ all the బెస్ట్ thats it సైనింగ్ ఆఫ్ అనిచెప్పి ఎలా వచ్చారో అలా వెళ్లిపోయారు .

మహేష్ మనం ఇక క్లాస్ లో కలవలేమేమో అని రమేష్ చెప్పాడు .

అయితే ఫీల్డ్ లో కలుద్దాము ఫ్రెండ్ నేను ఈరోజు సాయంత్రం బిర్లా మందిర్ రేపు గోల్కొండ ఫోర్ట్ వెళ్తున్నాను అని నా పెరుతోపాటు సర్ కు మెసేజ్ పెట్టిన 10 నిమిషాలకే , హలో మహేష్ all the best అని గ్రాంటెడ్ లెటర్ మెయిల్ చేశారు . 

అధిచూసి రమేష్ కూడా సర్ కు మెయిల్ పంపించి లెటర్ రాగానే సంతోషంతో హైఫై కొట్టి , సాయంత్రం గుడిలో కలుద్దాము క్యాంటీన్ కు వెళదామా అన్నాడు . 

Sure అని వెళ్లి కలిసి కాఫీ తాగి నెంబర్స్ ఎక్స్చేంజి చేసుకుని కాస్త పని ఉంది ఫ్రెండ్ అని hug చేసుకుని యూనివర్సిటీ నుండి బయటకువచ్చేసి స్టడీ కోసం కావాల్సిన ఐటమ్స్ తీసుకుని చెల్లి కాలేజ్ చేరుకున్నాను .

లంచ్ టైం లో ముగ్గురమూ కలిసాము . అన్నయ్యా , రేయ్ మామా …… కాలేజ్ ఎలా ఉంది ఎలా ఉంది అని ఉత్సాహంగా అడిగారు . 

రేయ్ మామా , చెల్లీ ……… ఇక కాలేజ్ కు వెళ్లాల్సిన పనిలేదు .

అన్నయ్యా ……….

చెల్లీ ఆకలేస్తోంది తినిపిస్తూ ఉండు చెబుతాను అని తింటూ కాలేజ్ ఎంటర్ అయ్యింది దగ్గర నుండి మొత్తం చెప్పి , ఫస్ట్ రీసెర్చ్ బిర్లా మందిర్ నుండి మొదలేదదామని అనుకుంటున్నాను . మీ కాలేజ్ అయిపోగానే ఇంటికివచ్చెయ్యండి ఫ్రెష్ అయ్యి వెళదాము అనిచెప్పాను .

ఇదేదో సూపర్ గా ఉంది అన్నయ్యా ………. హైద్రాబాద్ మొత్తం యూనివర్సిటీ పర్మిషన్ తో హ్యాపీగా చుట్టేస్తూ వర్క్ తోపాటు ఎంజాయ్ కూడా చెయ్యొచ్చు . సండే సండే మేముకూడా రావచ్చా ……… 

రెండు రోజుల్లో సండే కాబట్టి గోల్కొండ వెళదాము . నేను రేపు వెళ్లి మాక్సిమం స్టడీ చేసేస్తాను . సండే ఎంజాయ్ చేద్దాము అని చెప్పాను .

లవ్ యు రా , లవ్ యు అన్నయ్యా ……… అని ముగ్గురమూ హత్తుకొని , తినేసి నేను మాత్రమే ఇంటికి చేరుకున్నాను . 

సాయంత్రం చెల్లివాళ్ళు రాగానే ఫ్రెష్ అయ్యి చెల్లి పట్టు లంగావోణీతో , మధ్యాహ్నం తీసుకున్న వస్తువులను ఒక బ్యాగులో ఉంచుకుని కిందకు వచ్చాము . 

మేము కూడా రెడీ అని అంకుల్ కూడా పూజ వస్తువులతో బయటకువచ్చారు .

మహేష్ నువ్వు చెప్పకపోతే , మా తల్లి చెప్పదనుకున్నావా మధ్యాహ్నమే కాల్ చేసి చెప్పింది , ఇదిగో రెడీ అయిపోయాము . మేమంతా కారులో వస్తాము మీరిద్దరూ బైకులో వెనుకే రండి అదే పనిష్మెంట్ అని చెల్లిని పిలిచారు .

అక్కయ్యా …….. అంటూ చేతిని చుట్టేసి కార్తీక , చెల్లిని లాక్కునివెళ్లి వెనుక కారులో కూర్చున్నారు .

నవ్వుకుని ఇద్దరమూ వెనుకే ఫాలో అయ్యాము . టెంపుల్ చేరుకునేసరికి 6 గంటలు అయ్యింది . టెంపుల్ మొత్తం విద్యుద్దీపాలతో వెలిగిపోతోంది . 

మహేష్ ఈరోజు చాలా మంచిరోజు అని ఏదో చెప్పారు అంకుల్ ………., అన్నయ్యా ……… పండగ లాంటి రోజున పని మొదలుపెడుతున్నారు. అంతా అక్కయ్య ఆ అమ్మవారి ఆశీర్వాదం అని సంతోషంతో వెళ్లి దర్శనం చేసుకున్నాము .

చెల్లీ ……… మీరు ప్రదక్షణలు చేసి ప్రశాంతంగా కూర్చోండి , ఆలస్యం అవ్వవచ్చు వెళ్లాలనిపిస్తే కారులో వెళ్లిపోండి అనిచెప్పాను .

మహేష్ పవిత్రమైన రోజున నీవలన గుడికి వచ్చాము . ఎంత ఆలస్యం అయినా పర్లేదు ఇంత ప్రశాంతత ఎక్కడ దొరుకుతుంది . ఒక్కొక్కరమూ ఒక్కొక్కసారి ప్రసాదం తీసుకొచ్చి తింటూ కూర్చుంటాము నువ్వు వెళ్లు అనిచెప్పారు . 

రేయ్ నేనూ ……….

ఇద్దరమూ టెంపుల్ ఈవో ను కలిసి లెటర్ చూపించి పర్మిషన్ తీసుకుని , ఒకసారి గుడిచుట్టూ తిరిగొచ్చి ,  పొడవులను కొలిచే ఎలక్ట్రానిక్ ఐటమ్ బయటకు తీసాను . ఎదురుగా గోడపైకి లైటింగ్ వేస్తే ఎన్ని అడుగులు ఉందొ డిజిటల్ మీటర్లో చూపిస్తుండటం చూసి కృష్ణగాడు ఆశ్చర్యపోయాడు . 

రేయ్ మామా ……… ఎక్కడిదిరా , ఆన్లైన్లో చూసానురా ఇంట్రస్టింగ్ గా అనిపించడంతో ఉదయం తీసుకున్నాను . ఇంకా ఇలాంటివి చాలానే ఉన్నాయి పని సులభతరం అవుతుంది అని సుమారు 3 గంటలపాటు గుడి సౌందర్యాన్ని తెలుసుకుని ఆశ్చర్యపోయి ఆనందించాను . 9 గంటలకు చెల్లీవాళ్ళు ఎక్కడ ఉన్నారు అనిచూస్తే దేవుడి ముందు భజన చేస్తుంటే భక్తిలో మునిగితేలుతున్నారు . 

మేముకూడా కొన్ని నిమిషాలు కూర్చుని పూర్తయిన తరువాత ఇంటికి చేరుకుని భోజనం చేసి గుడ్ నైట్ చెప్పేసి పైకివెళ్లాము.